Lʉkas 9:3 - Kálar Nzyɛ̌m : Ejwán é Sáá

³ Nye ó: «Bɨ̌n tó ɨ́ tyen yɨ̂ʼ ó, njɨ e súmu ɨ́ mbô, abe e mimbeʼ. Atô e myah, nkʉ̂ blêr, nkʉ̂ mɔnɨ́. Atô gá e mintɔra mi kʉ́ mímbá.

Kálara Zyɛ̌m Edwán é mpʉ̌n

³ Nye ó: «Bɨn to é cyen yiʼ ó, abe e fumo é mbo, abe e myah, nkʉ bler, nkʉ mɔn. Ato ga e bɨdur bɨba.

Lʉkas 9:3 Iomraidhean Croise

Markus 6:7

Nó nyé á nze jébe ompʉ́n bé kám le obá, nzě lómo bé, obá óbá, nyé osí dwe bé nkul ó, bé sôʼ mimbɨ́a mísísǐm ɨ bʉr.

Lʉkas 12:22

Yésʉs, nye le ompʉ́n bé ó: «Mě lɛ́ɛ́ bɨ́n ó: asyɛl gá bá ɨ́ lɔ̌b twiʼ, lɨ́ eyêʼwǒ sá bɨ́n ngá de yɨ́. Asyɛl gá bá ɨ́ lɔ̌b ményʉ́l mɨ́n, lɨ́ eyêʼwǒ kán bɨ́n ngá bwâr wɨ́.

Lʉkas 12:28

Nzyɛ̌m pǎ nyɛɛ́ toŋlo ménzɔ̌m nó, á dwɛʼra e bɨ̌n! Menzɔ̌m ntémé, adi. Mûh, mé lɨ́ epâh pemé e pemé. Ɨ́ mɛ́n, mé akǎ be. Mé mû ó lɨ́ eguhɔɔ ɨ́ duró. Nzyɛ̌m ókʉ́ bôr bɨ́n mikán, bʉr o dí abûʼla bá!

Lʉkas 22:35

Nó ó Yésʉs á lɛ́ɛ e bé ó: «Símsáá gá jɔʼ mé á lómo bɨ̌n lɨ́ etô le etúnǒ Mbɨambɨa Lɔ́ɔ́ mé Nzyɛ̌m gúmó yɨ́yɛ̂h yɨ́. Bɨ̌n bé á tô ó, mʉr anʉǎ mpɨ́ʼ mɔnɨ́, nkʉ̂ myah méde, nkʉ̂ osípah. Jɔʼ yaá, nzê yʉ́ʉ́ sɔ̂ʼ, yé á si sâ bɨ̌n sɔ́ɔlʉ ɛ̌?» Bé ntɔ̂ʼ yala e né ó: «Heʼé, bɨ̌h bé á bé asáǎ sɔ̂ʼ.»

Lʉkas 3:11

Nye ntɔ̂ʼ lɛ́ɛ e bé ó: «Mʉr dí e mikán mímbá nyá, nye dwíhɨɨ gúú. Nye e dwé mʉ̂r dí abe e kán nyá. Mʉr dí ɨ́ twíha mede nyá, nye pɛ́ʼɛɛ mʉr dí ɨ́ nza nyá!»

Lʉkas 5:29

Nó Levî á nze tyêl ánɨ̂nɨ̂n nzɔɔ lɨ́ esohǒ Yésʉs ɨ́ mbɛ̌r wé. Nye á si báŋle bʉ́ʉ́ ónwɨa ó mɔnɨ́ tœ́a ɨ́ buo buo, bé e bʉ́ʉ́ bʉ̂r oswîh. Bé á be ó lɨ́ ede, bé e boo nɔ́ɔ́.

Lʉkas 9:4

Mbɛ̌r wɨ́wɛ̂h bɨ́n ngá nî wɨ́, diʼee gá tɨ̂, tó pyâl ɨ́ jɔʼ bɨ́n ngá mɔa, laa nyɨ́haá kwár yɨ́.

2 Timotɛ 2:4

Mʉr á tyélɔɔ ɨ́ dǐ nkɔ́ɔ́ dɔ̂m nyá, nyé abe lɨ́ esyɛŋa ɨ́ milɔ̌b mí sí yɨ̂. Nyě yéʼwó sɔ̂ʼ ó, njɨ syɛ́ɛ́ yé, lɨ́ esáa ó, mʉr á tyêl nye tɨ̂ʼ nyá, nkʉ̂ sêʼle nyê.