Lʉkas 9:22 - Kálar Nzyɛ̌m : Ejwán é Sáá

²² Nye nzě lɛ́ɛ e bé ó: «Yé jala ó, Mwân mé Mʉr, nye síaa e mitúú ɨ́ buo buo. Otɔ́má bʉ̂r, ojwɨ́ɨ o mpáh Nzyɛ̌m, le olɛ̂ʼla o métié, bé óbene nyê. Nye ntémé ójʉ́ŋɔɔ. Elú élɛ̂l píe tɨ̂, nyé opah ɨ́ soo.»

Kálara Zyɛ̌m Edwán é mpʉ̌n

²² Nye ze lɛɛ e be ó: «Yé ekʉ jala ó, Mwan mo Mʉr, nye sia e mɨtuu é buobuo. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Lʉkas 9:22 Iomraidhean Croise

Mataos 17:12

Nó mě lɛ́ɛ́ bɨ́n ó: Elie, nyɨ́ boó nze. Sâ gwár, bé á bé adweʼe nyê. Bé á sâ nye ó, mbi cére wɨ́wɛ̂h bé á kpɛl esâ nye wɨ́. Mpʉ yaá ntémé ó Mwân mé Mʉr ngá sia e túú ɨ́ mebó mɔ́ɔ́ yɨ́.»

Mataos 17:22

Jɔʼ bé á be, bé dína lɨ́ etye ɨ́ sí Galilê yɨ́, Yésʉs, nye e bé ó: «Mwân mé Mʉr mû ó kúno ebɛ́mɔɔ kwá bʉr o ngá jʉ̂ nyé bá.

Mataos 27:63

Bé e né ó: «Dâ ɛ̌, bɨ̌h bé lɨ́ esímsa ó, ányâ-mikóǒ nɨ̌, ɨ́ jɔʼ nyé á be, nye dína ɨ́ twiʼ yɨ́, nye á kʉ bana lɛ́ɛ ó: “Lɨ́ elú élɛ̂l, me ópah.”

Markus 8:31

Yésʉs nzě táare édwe ómpʉ́n bé milɛ́ʼlá. Nye ó: «Yé jala ó, Mwân mé Mʉr, nye síaa e mitúú ɨ́ buo buo. Otɔ́má bʉ̂r, ojwɨ́ɨ o mpáh Nzyɛ̌m, le olɛ̂ʼla o métié, bé óbene nyê. Nye ntémé ójʉ́ŋɔɔ. Elú élɛ̂l píe tɨ̂, nyé opah ɨ́ soo.»

Markus 9:31

ebě, nye á be ó, nyě lɛ́ʼlé ó, ompʉ́n bé. Nye e bé ó: «Mwân mé Mʉr óbɛ́mɔɔ kwá bʉr o ngá jʉ̂ nyé bá. Bé ójʉ̂ nyê. Píe melú mélɛ̂l, nye ópah ɨ́ soo.»

Lʉkas 17:25

Yé jala ó, nye páa nyɛɛ́ sia e mitúú ɨ́ buo buo. Bʉr ó myǎ wɨ̂, bé óbene nyé ntémé.

Lʉkas 24:26

Bé á si lwib, dumo e Mʉ̌r Nzyɛ̌m á lœm múló mé jwɨ́ɨ nyá. Bé á cɛma ó, yé jala ó, nye síaa e mitúú nó, mpʉ̌ Nzyɛ̌m á kpɛl yɨ́, ó nye tôʼ di ɨ́ diá kûm nɨ́nɨ́ɨ́ yé.»

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Lʉkas 24:7

“Yé jala ó, bé bɛ́maa Mwân mé Mʉr, tímle nyé ɨ́ mebó mé ósyɛ̂l o mísyóm. Bé óbomlo nyé ɨ́ kolôs kʉ́. Nye ódwe, debe ɨ́ soo. Nye ójâ ɨ́ soo melú mébá. Lɨ́ elú élɛ̂l, nyé opah.”»

Lʉkas 9:44

«Bɨ̌n bɨɛ, bɨ̌n e kʉ́ gwá mɛ̂r gá ekǎn mé mû lɨ́ elɛ́ɛ bɨ́n ɨ́ báánâʼ lɨ̂: yɨ́ lîʼ njɨ mâ jɔʼ tîtííǎ, ó Mwân mé Mʉr bɛ́mɔɔ kwá bʉr o ngá jʉ̂ nyé bá.»

1 Korɛnt 15:4

Nye á be ó sí debe. Nye nzě pah, duho lɨ́ odwe ɨ́ móhó lɛ̂l mpʉ Mékaná mé Nzyɛ̌m á boo lɛ́ɛ yɨ́.

1 Pyɛr 1:11

Bé á be ó lɨ́ egwɨ̂m égʉ́a mʉ̂r Sísǐm mé Krîst á lwilwib, dumo e né nyá, le jɔʼ nyé ótíʼe yɨ́. Tó kœb ó, Sísǐm mé Nzyɛ̌m, wé á boʼlo ó, dumo e mitúú Krîst á jala le esia e myé mí, ti e kûm nyé ókǎ báʼǎ bi píe tɨ̂ʼ nyɨ́. Nye á boʼlo nó ó, bisyɛ́ɛla bi tɨ̂ʼ dína apǎ syɛ́ɛ.