Lʉkas 9:2 - Kálar Nzyɛ̌m : Ejwán é Sáá

² Nye ntɔ̂ʼ lómo bé ó, bé tôʼ le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl.

Kálara Zyɛ̌m Edwán é mpʉ̌n

² Nye ntɔʼ lomo be ó, myé toʼ le elɛɛ Mbɨambɨa Lɔɔ lé e tiibe e jwɨ̀ʼa mo Zyɛm ɨ, le etiʼ mɨsyoblʉ.

Lʉkas 9:2 Iomraidhean Croise

Mataos 10:5

Bʉr kám le obá ónɨ̌ ó Yésʉs á lómo, nyé osí pǎ dwe bé metwɨ́ɨ́ mâ. Nye ó: «Atô gá kwá bʉr o dí abe óYúden bá. Anî gá ɨ́ nkana bʉ̂r ó Samarî.

Mataos 13:19

Jɔʼ mʉ̂r dí elɛ́ɔɔ̌ Mbɨambɨa Lɔ́ɔ́ dí edumo e Mpóʼo mé Dâ Nzyɛ̌m wɨ́, nye l'agbâ wé ɨ́ nkɔb yɨ́, mʉr waá nwɨɨla ó, le empah e nzɨ́, gúmó mémpeʼ mé á kukur yɨ́. Sátan ntɔ̂ʼ pyâl, nzě dɛ̂ʼ mpeʼ yé á kur ɨ́ lémé mʉ̂r waá yɨ́.

Mataos 24:14

Nó Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, wé ólɛ́ɔɔ̌ gúmó yɨ́yɛ̂h ɨ́ sí yɨ̂, lɨ́ esâ ó, kúl yɨ́yɛ̂h jóʼaa bʉr o dí eboʼlǒ lɔ́ɔ waá bá. Píe tɨ̂ʼ ó éswéhlɨ́ é kʉ́ e sí ngá kǎ bɔma yɨ́.»

Mataos 3:2

Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Markus 16:15

Nó nyé á lɛ́ɛ e bé ó: «Tóʼ gá ɨ́ sí yɨ́yɛ̂h, lɨ́ etô le etúnǒ Mbɨambɨa Lɔ́ɔ ɨ́ mesí mɨ́mɛ̂h Nzyɛ̌m á kuho má.

Markus 6:12

Nó ó ómpʉ́n bé, bé á nze tô, tô le etúno, le elɛ́ɛ bʉ̂r ó, bé túmaa mikoo e mebébe mɔ́ɔ́ le edwira míléme.

Lʉkas 10:1

Píe tɨ̂, Tî Yésʉs nzě twâr bʉ́ʉ́ bʉ̂r, tâŋ mekám nzaangbá le obá, ntɔ̂ʼ lómo bé dóló, bʉr obá óbá. Bé ntɔ̂ʼ tô bínkana e bínkana byɛ̂h, ɨ́ bisúm bíbyɛ̂h nyé á be ó, nye kúmaa bí.

Lʉkas 10:11

“Bɨ̌h bɨ́ kuro pím nkana yɨ́n dí enara bɨ́h ɨ́ mekʉ̌ nyɨ́. Gʉ́ŋáá gá ó, Mpóʼo mé Nzyɛ̌m mû ó lɨ́ ekúnwo e bɨ̌n!”

Lʉkas 10:9

Tiʼɨɨ gá mimbél mí nkana yaá. Bɨ̌n e lɛ́ɛ́ e bʉr ó nkana yaá ó: “Nzyɛ̌m mû ó kúno etyêl Mpóʼo nyé ɨ́ bɨ̌n.”

Lʉkas 16:16

«Metié mé Moyɨ̂z le mekaná mé ógwíha o mílɔ̌b, mé á di ó, ɨ́ bea bea, tó pyâl ɨ́ jɔʼ mé Yʉánɛs Ndubʉr. Táare ɨ́ jɔʼ yaá, tô dóló, bé mû ó lɨ́ etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́. Mʉr nyɨnyɛ̂h, nye mû ó lɨ́ enî tɨ̂ʼ e nkul.

Lʉkas 9:11

Sâ gwár, entumo e bʉ̂r, lé á be ɨ́ jʉ̂ʼra nó, lé ntɔ̂ʼ dû nyê. Nó nyé á nze soho bê, ntɔ̂ʼ túnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl mímyɛ̂h.