Lʉkas 9:18 - Kálar Nzyɛ̌m : Ejwán é Sáá

¹⁸ Ɨ́ lʉ́ʉ́ dʉ́o, Yésʉs á be ó lɨ́ ejɨʼla e Nzyɛ̌m nye omér lɨ́ empah. Ompʉ́n bé, nzě pyâl. Nye ntɔ̂ʼ dî e bé ó: «Bʉr, bé lɛ́ɛ́ ó, me nzé?»

Kálara Zyɛ̌m Edwán é mpʉ̌n

¹⁸ É lʉʉ dobo, Yesʉs a be ó lé ejwɨʼla e Zyɛm nye ome é l'empàh. Ompʉn be ze pyal. Nye ntɔʼ dî e be ó: «Bʉr, bé epa kʉ lɛɛ wâʼ ó, me zé?»

Lʉkas 9:18 Iomraidhean Croise

Mataos 14:23

Jɔʼ nyé á sil ebwóolo bé yɨ́, nye nzě bére lɨ́ ecwɨ̂ʼ kʉ́, lɨ́ etó jɨʼla e Nzyɛ̌m. Mpʉ dʉ́o, lé á be, lé mû sí léŋa yɨ́, nye á ka be gʉ̂ʼ ó, njɨ nye omér.

Mataos 26:36

Píe tɨ̂, Yésʉs nzě tô le ompʉ́n bé gúmó dí ejébɔɔ ó, «Gétsémane» yɨ́. Yésʉs, nye e bé ó: «Diʼee gá wâʼ sí, jɔʼ mé dína lɨ́ etó jɨʼla e Nzyɛ̌m yɨ́!»

Lʉkas 11:1

Ɨ́ lʉ́ʉ́ dʉ́o, Yésʉs á be ó yʉ́ʉ́ gúmo lɨ́ ejɨʼla. Jɔʼ nyé á sil ejɨʼla yɨ́, nyʉ́ʉ́ mpʉ́n wé ntɔ̂ʼ lɛ́ɛ e né ó: «Dâ ɛ̌, lɛ́ʼláá bɨ́h esâ mínjɨʼla mpʉ̌ Yʉánɛs Ndubʉr nyɨɛ á lɛ̂ʼle bé ómpʉ́n myaá myɔ́ɔ́ yɨ́.»

Lʉkas 3:21

Mpʉ éntumo e bʉ̂r, lé á be lɨ́ etó duŋɔɔ yɨ́, Yésʉs ntémé á si tô. Jɔʼ nyé á sil eduŋɔɔ yɨ́, le nyé á jɨʼla e Nzyɛ̌m, lě jʉ́o á bɔ́a.

Lʉkas 6:12

Jɔʼ yaá, Yésʉs ntɔ̂ʼ bére lɨ́ ecwɨ̂ʼ kʉ́, lɨ́ etó jɨʼla e Nzyɛ̌m. Nye á si lɛŋ pum ntinɨ̂ gʉ̂, njɨ lɨ́ ejɨʼla.

Lʉkas 9:19

Ompʉ́n, bé ntɔ̂ʼ yala ó: «Bâʼ, bé lɨ́ elɛ́ɛ ó, go ó Yʉánɛs Ndubʉr. Bʉ́ʉ́, bé ó, go ó Elie. Bʉ́ʉ́ ntémé, bé ó, go ó nyʉ́ʉ́ ngwíha milɔ̌b mé Nzyɛ̌m á boo dwe, ntɔ̂ʼ báʼǎ pah nyá.»

Lʉkas 9:28

Píě Yésʉs á bě sí lwib nó yɨ́, melû mwom nzě laa. Nye nzě nʉǎ Pétrus, bé e Yʉánɛs ndu e Jacques, ntɔ̂ʼ bére lɨ́ ecwɨ̂ʼ, lɨ́ etó jɨʼla e Nzyɛ̌m.

Lʉkas 9:29

Jɔ̌ʼ Yésʉs á be, nye mû lɨ́ ejɨʼla yɨ́, mpǒm nyé ndu e mikán myé, byé ntɔ̂ʼ dwira. Bíbyɛ̂h mû kwahaá ɨ́ pumo pumo.