Lʉkas 8:7 - Kálar Nzyɛ̌m : Ejwán é Sáá

⁷ Gúú pâʼ mémpeʼ ntémé kur ɨ́ mindwínɨ́nɨ́. Mipáhá mémpeʼ myaá, myé e mindwínɨ́nɨ́ nzě gwɨ́ě sɔ́má. Mindwínɨ́nɨ́, myê nzě kâʼ myê, myé ntɔ̂ʼ líre.

Kálara Zyɛ̌m Edwán é mpʉ̌n

⁷ Guu paʼ mompœʼ nteme ze kur é mɨndwinʉ. Mompœʼ ze pah, bé e mɨndwinʉ ze gwɨe sama. Mɨndwinʉ ze kaʼ mɨpɛha mompœʼ myaa, myé ntɔʼ lire.

Lʉkas 8:7 Iomraidhean Croise

Mataos 13:22

Nyʉ́ʉ́ ntémé nwɨɨla ó e mpeʼ yé á kur lɨ́ mindwínɨ́nɨ́ yɨ́. Nye á si kʉ jóʼo Mbɨambɨa Lɔ́ɔ. Sâ gwár, mitúú mí sí le gwɨ́má ókúm le ogbaa, byé á si dímle nye ɨ́ nzɨ̌ mikóo myɔ́ɔ́, ntɔ̂ʼ kâʼ Mbɨambɨa Lɔ́ɔ, wé l'akǎ tô dóló.

Mataos 13:7

Gúú pâʼ mémpeʼ ntémé nzě kur ɨ́ mindwínɨ́nɨ́. Mindwínɨ́nɨ́, myê nzě gwɨ́e, nzě kâʼ mípáhá mémpeʼ myaá, myê nzě líre.

Markus 4:7

Gúú pâʼ mémpeʼ ntémé nzě kur ɨ́ mindwínɨ́nɨ́. Mindwínɨ́nɨ́ nzě gwɨ́e, ntɔ̂ʼ kâʼ mípáhá mémpeʼ myaá, myé ntɔ̂ʼ líre, akǎ gúmo mpúmó.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Lʉkas 8:14

Bâʼ bʉ̂r, bé ó mpʉ̌ mpeʼ dí ɨ́ mindwínɨ́nɨ́ yɨ́. Bé lɨ́ ejóʼo ntémé lɔ́ɔ waá. Píe tɨ̂, bé mû jaá yêʼwo ó, njɨ sí yɨ̂, le okúm, le ogbaa ndu e bigwɨ́má bí twiʼ yɨ̂. Bisâ byaá mû bé ɨ́ milémé myɔ́ɔ́ ó ɨ́ lárádá. Bé abe e nkul ekǎ sâ bísyɛ́ɛla bimpâ.

Lʉkas 8:6

Gúú pâʼ mémpeʼ kur ɨ́ sí mékóʼ. Jɔ̌ʼ mpeʼ yaá, yé á pâh yɨ́, yê nzě swâh, ebě, yé á bé abe e medíbé tɨ̂.

Lʉkas 8:8

Damá jóʼo nó, gúú pâʼ mémpeʼ wɨ́ɛ, wé á si kur ɨ́ sí métyɛʼ. Mempeʼ maá nzě gwɨ́e le ekoʼo. Bumó gwár gúmo mpúmó nter.» Jɔ̌ʼ Yésʉs á sil elɛ́ɛ bé nó yɨ́, nye e bé ó: «Mʉr dí e megwǎl mé éjóʼo nyá, nye jóʼaa náǎ.»