Lʉkas 8:44 - Kálar Nzyɛ̌m : Ejwán é Sáá

⁴⁴ Nye nzě pyâl bǎʼ e koo mé Yésʉs, tyěn mbô, kúna le odumo ó kán wé. Tyé e tyé yaá, ekpaa e métié laá, lé ntɔ̂ʼ síe lɨ́lɛ̂h jɔʼ gwár.

Kálara Zyɛ̌m Edwán é mpʉ̌n

⁴⁴ Nye ntɔʼ pyal Yesʉs pie koo, ze dihle kunokuno e nye, cen mbo, kuna e mozeʼle mo kan we. Cye e cye yaa, esyɛb laa, lé ntɔʼ sie lɨlɛh é jɔʼ gwar.

Lʉkas 8:44 Iomraidhean Croise

Mataos 20:34

Yésʉs ntɔ̂ʼ kúna bé mîh ɨ́ lémé nkóó wé. Tyé e tyé yaá, bé ntɔ̂ʼ táare ébee, bê nzě nî ɨ́ sɔ́má mé Yésʉs.

Mataos 8:3

Yésʉs ntɔ̂ʼ syɛ̂m mbô, nzě kúna e né. Nye e né ó: «Mɨ́ kam. Nyʉ̂l díʼee go ɨ́ deŋé!» Tyé e tyé yaá, nzǎm síe nyé ɨ́ nyʉ̂l!

Mataos 9:20

Bé mû nzɨ́ e nzɨ̌ nɛ́ɛ: nyʉ́ʉ́ mʉ́má á be mbêl, metié lɨ́ esʉsolo nyé ɨ́ nyʉ̂l, tâŋ mimbû kám e mimbá nyá, ntɔ̂ʼ pyâl Yésʉs kúnókúno ɨ́ koo píhe, tyěn mbô, kúna le odumo ó kán wé.

Markus 6:56

Ɨ́ gúmó yɨ́yɛ̂h Yésʉs á tʉtô yɨ́, ɨ́ mekwár, le binkana ndu e mempɔ́ɔ́, bʉr, bé á be ó, lɨ́ enze e mimbél myɔ́ɔ́, dyéʼɔɔ myé ɨ́ mebɛhɛɛ, bɨ́ɛ lɨ́ ejɨʼla e né ó, nye kámaa ó, bé jáa kúna njɨ le empah é kán wé. Mʉr nyɨnyɛ̂h á kúna e né nyá, á si kʉ tiʼe.

Lʉkas 13:13

Nye ntɔ̂ʼ kɛl nyé mebô ɨ́ nyʉ̂l. Tyé e tyé yaá, nyʉ̂l ntɔ̂ʼ sɨ́ʼa nyê. Mʉmá waá ntɔ̂ʼ tyɛ̂b tîtyěl, ntɔ̂ʼ dwě Nzyɛ̌m kûm.

Lʉkas 7:38

ntɔ̂ʼ tyɛ̂b píe koo mé Yésʉs, píe mekʉ̌ mé, ntɔ̂ʼ jɨ ɨ́ buo buo, myɛ́ɛlé mé ntɔ̂ʼ bor mékʉ̌ mé Yésʉs. Nye ntɔ̂ʼ dû mékʉ̌ mé Yésʉs ɨ́ swííá, pîm mé le mpuo nyé, nzě lœm nyé lɔbína ɨ́ mekʉ̌.

Lʉkas 8:43

Tó kœb ó, é bʉr baá, nyʉ́ʉ́ mʉ́má á be ó tɨ̂, metié lɨ́ esʉsolo nyé ɨ́ nyʉ̂l. Nye á si jâ le ekpaa laá mimbû kám e mimbá, sîl mɔnɨ́ yé yɨ́yɛ̂h ɨ́ pé lɨ́ esáa dʉ̂m, akœb mʉ̂r tíʼ nyê.

Lʉkas 8:45

Yésʉs ntɔ̂ʼ dî ó: «Nzê kúná e me?» Bʉr bɨ́bɛ̂h ntɔ̂ʼ kɛ́la. Pétrus nzě lɛ́ɛ e né ó: «Lɛ̂ʼla, sɔ́má bʉ̂r dí ebɔma gó ɨ́ nká yɨ̂, yé lɨ́ enyêhle gó ɨ́ mipáʼ mímyɛ̂h.»

Yʉanes 5:13

Sâ gwár, mʉr á tiʼɔɔ nyá, á bé agʉ́a díé é mʉ̂r á tiʼ nye nyá, ebě, Yésʉs á si laa, ntɔ̂ʼ nî lɨ́ entumo e bʉ̂r o b'á bě gúmo yaá bá.

Mɨlʉmlʉ 19:12

Nó ntémé, osana o míkán ndu e bipéh míkán Pɔ̂l á kúna e byé bí, bʉr nzě nʉnʉa byê, nzě gɔ́na le ebɨ̂bab mímbêl byǎ ɨ́ menyʉ̂l, myé ntɔ̂ʼ tiʼe. Mimbɨ́a mísísǐm ntémé duho bé ɨ́ menyʉ̂l.

Mɨlʉmlʉ 5:15

Nó bé á nze gɔ́na le enzeŋɔɔ e mimbél myɔ́ɔ́, didyéʼɔɔ myé ɨ́ nkpâh minkpǎʼ Pétrus á dudwáala mí. Bé á didyêʼ myé nó ó, ɨ́ bijoó ti e mimyɛɛla, lɨ́ ebʉbóno ó, Pétrus ólaa nó, sisîm yé, yé óbɛ̌m kúna e nyʉ́ʉ́ mʉ̂r ɨ́ sɔ́má yɔ́ɔ́, nyɨ́haá ntɔ̂ʼ tiʼe.