Lʉkas 8:43 - Kálar Nzyɛ̌m : Ejwán é Sáá

⁴³ Tó kœb ó, é bʉr baá, nyʉ́ʉ́ mʉ́má á be ó tɨ̂, metié lɨ́ esʉsolo nyé ɨ́ nyʉ̂l. Nye á si jâ le ekpaa laá mimbû kám e mimbá, sîl mɔnɨ́ yé yɨ́yɛ̂h ɨ́ pé lɨ́ esáa dʉ̂m, akœb mʉ̂r tíʼ nyê.

Kálara Zyɛ̌m Edwán é mpʉ̌n

⁴³ ǃBé mu zi e zi nɛʼɛ, nuu mʉma ntɔʼ pyal. Nye a be ó syoblʉ, motié lé esolo-solo nye é nyʉl. Yé a be ó, nye osi baran e l'esyɛb laa tɔɔ mɨmbu ewʉm e mɨmba ɛ, si sil mobi me mɨmɛh é pe lé esaa dʉm, akœb mʉr tiʼ nye.

Lʉkas 8:43 Iomraidhean Croise

Markus 12:44

Ebě, bʉ́ʉ́ bʉ̂r bɨ́bɛ̂h, bê gbá ó, páʼ mɔnɨ́ dí abe e mpíh lɨ́ ekʉ̌m lɔ́ɔ́ yɨ́. Nyɨɛ, lɨ́ edyêb lé, nye gbá ó, bím yɨ́yɛ̂h nyê bé e yé yɨ́, bîm bé ó, nye tíʼaa e yé yɨ́.»

Markus 9:18

Nó gúmó yɨ́yɛ̂h éleme laá dí emɛ̂r nyé yɨ́, lé lɨ́ enkɨnkɛŋ nyé sí. Egûl pipyâl nyé ɨ́ num ɨ́ ntomo ntomo, nye pupûʼlo médye, nye mû ɨ́ sʉ́nʉ́nʉ́. Nó me bé ɨ́ jɨʼla le ompʉ́n bô ó, bé sôʼ eleme laá, bɨ́ɛ l'akoʼo.»

Lʉkas 13:11

Gúú mbél mʉ́má, wé á be ó tɨ̂. Nye á be ó e mbɨ́ǎ sísǐm. Wé á sâ nye ó, nyʉ̂l díʼee nye niʼrá. Nye á jaa didi ó, njɨ kûkur, tâŋ mimbû kám e mwom, asɨ́ʼasɨʼa.

Lʉkas 13:16

Mʉmá nyâ, nye ó nta mé Abraham. Sátan nyɨɛ, nyɨ́ boó kâʼ nyé menkara. Nye mû kɛ́ʼá ó, tâŋ mimbû kám e mwom. Bintœœ pǎ nyɛɛ́ tiɔɔ ɨ́ móhó sábat, á dwɛʼra e mʉr!»

Lʉkas 8:27

Yésʉs dína sulo ɨ́ byɛ̂l, tyɛ̂b ɨ́ pɨ̌n nɛ́ɛ: nyʉ́ʉ́ mʉ́rʉ̂m nkana yaá ntɔ̂ʼ tó bɔma e né. Mʉr waá á be ó e meleme. Nye á didi ó, abe e kán e ndwê, adi ntémé ɨ́ mimbɛ̌r mi bʉ̂r. Nye á jaa didi ó, njɨ ɨ́ pemé mésoo.

Lʉkas 8:42

ebě, eséhé lé, mimbû kám e mimbá, lé á be etíʼé é mwân lɨ́, lé á be ó lɨ́ egûʼra. Bé e Yésʉs mû ɨ́ mpúla nɛ́ɛ: entumo e bʉ̂r kʉ́ nzě mána nyé ɨ́ mempah me nyʉ̂l.

Lʉkas 8:44

Nye nzě pyâl bǎʼ e koo mé Yésʉs, tyěn mbô, kúna le odumo ó kán wé. Tyé e tyé yaá, ekpaa e métié laá, lé ntɔ̂ʼ síe lɨ́lɛ̂h jɔʼ gwár.

Yʉanes 9:1

Yésʉs lɨ́ ekǎ laa yʉ́ʉ́ gúmo nɛ́ɛ: nye nzě bee nyʉ́ʉ́ mʉ̂r á byɛ̂l e ntím nyá.

Yʉanes 9:21

Sâ gwár, bɨ̌h bé agʉ́ǎ sâ sá ó, nye béyɨɨ yɨ́. Bɨ̌h bɨɛ, bé agʉ́a mʉ̂r bɛ́ɛ́ nyé mîh nyá. Jíʼéé gá nye mʉr tɨ̂. Nye mû ó mbi mʉ̂r jálá le ebɛ̂ʼ myé mílɔ̌b wɨ́.»

Mɨlʉmlʉ 3:2

Mpáh Nzyɛ̌m, nye ó le ebê bé jɨ́jébé “Jaá Ébê” lɨ́. Ɨ́ nkpâh ebê laá, yé á be ó e nyʉ́ʉ́ nzwóó mebyɛ́l á be e mekʉ̌ miswámá nyá. Ɨ́ móhó wɨ́wɛ̂h, bé á be lɨ́ enkɨnkɛ́ɛ nyê, lɨ́ enzě didyêʼ nyé tɨ̂ʼ ɨ́ nkpâh ebê laá ó, nye bónaa bʉr o b'á tʉtô mpáh Nzyɛ̌m bá, lɨ́ esú lé éjɨjaʼ bé bisâ.

Mɨlʉmlʉ 4:22

Ebě, mʉr á tiʼe e nzɨ̌ esimá laá nyá, á be ó e mimbû mekám ménâ le mpubuʼó.