Lʉkas 8:41 - Kálar Nzyɛ̌m : Ejwán é Sáá

⁴¹ Nyʉ́ʉ́ mʉ̂r, díé lé Yárwis, ntɔ̂ʼ pyâl. Nye á be ó tyɛ̂b esôʼ ɨ́ mpáh minjɨʼla. Nye ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm mé Yésʉs, nzě jɨʼla e né ó, bé e nɔ́ɔ́ tôʼ mbɛ̌r wé,

Kálara Zyɛ̌m Edwán é mpʉ̌n

⁴¹ Nuu mʉr a be die ó, Yarwis ɨ, a be ó tamamʉr é mpah mɨnjwɨʼla wɔɔ. Nye ze pyal, ntɔʼ bɨʼ mpom we si é mokʉ mo Yesʉs, ze jwɨʼla e nye ó, bé e boo nɔɔ toʼ mbɛr we,

Lʉkas 8:41 Iomraidhean Croise

Lʉkas 13:14

Njwɨ́ɨ mpáh minjɨʼla ntɔ̂ʼ jóʼo ébébe é léme, duho ɨ́ syɛ́ɛla mé Yésʉs, ebě, nye á si tiʼ mʉr ɨ́ móhó sábat. Njwɨ́ɨ mpáh minjɨʼla waá ntɔ̂ʼ lɛ́ɛ le entumo e bʉ̂r ó: «Ɨ́ sóno nyɨnyɛ̂h, yé e móhó ngwár dí móhó sábat wɨ́. Mimóhó mísaman, myê mɨná gá e nyɔm ó, lɨ́ esú ó, mɨná séaa gâ bisyɛ́ɛ́. Ntaá nzě joma gá ɨ́ mimóhó myaá, abe yɨ́ɛ móhó sábat.»

Lʉkas 17:16

Nó nyé á nze kúrwo sí, píʼe mpóm ɨ́ bibwǎh ɨ́ mpǒm mé Yésʉs, lɨ́ edwe nyé nzyǒo. Mʉr waá á be ó mʉr Samarî.

Lʉkas 5:8

Jɔ̌ʼ Simon Pétrus á bee syɛ́ɛla yaá yɨ́, nye ntɔ̂ʼ bɨʼ mébóó sí ɨ́ mpǒm mé Yésʉs. Nye e né ó: «Dâ ɛ̌, ayɨ́ di bǎʼ e me, ebě, me ó mʉrʉ̂m dí syɛ̂l misyóm nyá.»

Lʉkas 8:42

ebě, eséhé lé, mimbû kám e mimbá, lé á be etíʼé é mwân lɨ́, lé á be ó lɨ́ egûʼra. Bé e Yésʉs mû ɨ́ mpúla nɛ́ɛ: entumo e bʉ̂r kʉ́ nzě mána nyé ɨ́ mempah me nyʉ̂l.

Lʉkas 8:49

Yésʉs dína lɨ́ elwib nó nɛ́ɛ: nyʉ́ʉ́ mʉ̂r ntɔ̂ʼ pyâl, duhǒ mbɛ̌r mé Yárwis. Nye e Yárwis ó: «Eséhé lô, lɨ́ dwe. Ayɨ́ kǎ ntɨ̂ʼ lɛ̂ʼla dwêh!»

Yʉanes 11:21

Mááta, nye e Yésʉs ó: «Dâ ɛ̌, yé bé go á be ó wâʼ nó, mpa ntʉ̂m wǎm á bé adwe.

Mɨlʉmlʉ 13:15

Píe métié le mekaná mé ógwíha o mílɔ̌b, mé á sîl eláŋɔɔ yɨ́, nó ójwɨ́ɨ o mpáh bisulá, bé á sâ ó, bé lɛ́yɨɨ ó: «Bɨ́ɔɔ́, yé bé nyʉ́ʉ́ mʉ̂r ɨ́ sɔ́má yɨ́n, nyě e sá élɛ́ɛ dí e nkul egbâ bʉ̂r nkul ɨ́ miléme nó, nye lɛ́yɨɨ bʉr yǎ ɨ́ báánâ.»

Mɨlʉmlʉ 18:17

Bʉr o nkɔ́m nyé bɨ́bɛ̂h ntɔ̂ʼ mɛ̂r Sostɛ̂n, njwɨ́ɨ mpáh minjɨʼla oYúden, bíŋɔɔ nyé gúmó tîʼ milɔ̌b á be ndîndǐl yɨ́. Galíɔŋ nyɨɛ á bé anʉǎ syɛ́ɛla yaá, gbâ yé ɨ́ nkɔb.

Mɨlʉmlʉ 18:8

Nó ó, Kríspʉs, njwɨ́ɨ mpáh minjɨʼla oYúden á nze dyɛ̂ʼwo e Tî Yésʉs, bé e mbɛ̌r bʉ̂r wé wɨ́wɛ̂h. Bʉr ó Kórɨnt o b'á jʉjóʼo Pɔ̂l bá, bé á si bûʼla ntémé ɨ́ buo buo, le eduŋɔɔ.

Mɨlʉmlʉ 9:38

Mpʉ̌ Yópe dí ɨ́ kúnwo e Lída yɨ́, ompʉ́n ó Yópe, bé ntɔ̂ʼ jʉ̂ʼra ó, Pétrus, á be ó Lída. Bé ntɔ̂ʼ tyen nyé mpáŋla e bʉr obá. Bé e bé ó, tó lɛ́ɛ gá nye ó: “Bɨ̌h bé lɨ́ ejɨʼla e go, ó go ntâʼ wâ. Adeʼ.”

Mɨngwiha 5:8

Jɔʼ nyé á nʉa nye yɨ́, mikublakúbla mí ótír minâ myaá, le otɔ́má bʉ̂r mekám mébá le onâ baá, nzě bɨʼ mébóó sí ɨ́ mpǒm nyé. Mʉr nyɨnyɛ̂h ɨ́ sɔ́má yɔ́ɔ́ á be ó e mpêr ɨ́ mebô, ndu e mempélé mé gʉ̂l, mɨ́mɛ̂h milwɨ́ŋlá le otú ó dúu lɨ́ edúo. (Otú waá, wé ó mveʼle, sá dí elɛ̂ʼle mínjɨʼla bʉ̂r o mé Nzyɛ̌m dí esâ nyé mí.)