Lʉkas 8:35 - Kálar Nzyɛ̌m : Ejwán é Sáá

³⁵ Bʉr nzě dua ɨ́ mekwár mɔ́ɔ́, lɨ́ enzě beɔɔ̌ sâ syɛ́ɛ́ yɨ́. Jɔʼ bé á pyâl gúmó Yésʉs á be yɨ́, bé kǎ kœb ó, mʉr á dwihɔɔ meleme nyá, nye mû ndîndǐl le mikán ɨ́ nyʉ̂l, le pɨʼ nyé nyɨnyɛ̂h. Nye á be ó bǎʼ e mekʉ̌ mé Yésʉs. Bʉr o b'á nze bá, kʉ́ nzě kámɔɔ nyê.

Kálara Zyɛ̌m Edwán é mpʉ̌n

³⁵ Bʉr ntɔʼ tɨbla é mokwar mɔɔ, lé eze beɔ sa syɛɛlɨ ɨ. É jɔʼ bé a pyal gumo Yesʉs a be e, bé a kʉ kœb ó, mʉr a dwihɔ moleme e, nye mu ndindil e mɨkan é nyʉl, e pɨʼ we nyiwɛh. Nye a be ó é nkpah mokʉ mo Yesʉs. Bʉr o b'a ze e, kʉ ze jehɔ nye.

Lʉkas 8:35 Iomraidhean Croise

Mataos 4:24

Nó ó kûm nyé á nze myaŋla ɨ́ sí Sirî yɨ́yɛ̂h yɨ́. Bê nzě nze le mimbêl kwá nyé: baá bé á be lɨ́ ejaʼra le meswie le mekpaa mimbi mimbi bá, bʉr o méleme, mé á nzɨnzamra bá, baá bé á sîsile bʉ̂ʼ bá, le mimbʉ́mbʉ́ʼ. Nye nzě tiʼ bê.

Markus 5:15

Jɔʼ bé á pyâl gúmó Yésʉs á be yɨ́, bê nzě bee mʉ̂r méleme mé á nzɨnzamra nyá, nyɨɛ ndîndǐl ɨ́ kpa, le mikán mímpâ ɨ́ nyʉ̂l, le pɨʼ nyé nyɨnyɛ̂h. Bʉr o b'á nze bá, kʉ́ nzě kámɔɔ nyê.

Lʉkas 10:39

Nó Mááta á be ó e mɨ́ɔɔ́ wé, Maria. Tî Yésʉs á be ó lɨ́ elwib e Maria, Maria waá ndîndǐl bǎʼ e mekʉ̌ mé lɨ́ ejôʼlǒ sá nyé á lɨlɛ́ɛ yɨ́.

Lʉkas 15:17

«Nye zě tiʼe lɨ́ ogʉ̌ wé, ntɔ̂ʼ táare lɛ́ɛ ɨ́ lémé wé ó: “Osyɛ̂l o mésâ mé dâ, bé ɨ́ twíha mede. Mɛm lɨ́ enzě dwe nzâ wâ!

Lʉkas 2:46

Bé á ka to bee nye ó, lɨ́ elú élɛ̂l, ɨ́ mpáh Nzyɛ̌m. Nye á be ó témé olɛ̂ʼla o métié. Nyɨɛ lɨ́ ejôʼlo bê, le edî bé metíá.

Lʉkas 8:27

Yésʉs dína sulo ɨ́ byɛ̂l, tyɛ̂b ɨ́ pɨ̌n nɛ́ɛ: nyʉ́ʉ́ mʉ́rʉ̂m nkana yaá ntɔ̂ʼ tó bɔma e né. Mʉr waá á be ó e meleme. Nye á didi ó, abe e kán e ndwê, adi ntémé ɨ́ mimbɛ̌r mi bʉ̂r. Nye á jaa didi ó, njɨ ɨ́ pemé mésoo.

Lʉkas 8:34

Jɔʼ ópála bé ónkʉ̌, bé á bee syɛ́ɛla yaá yɨ́, bé ntɔ̂ʼ kpɛ́ɛ, tô e lɔ́ɔ waá nkana, le bípɛr e bípɛr byɛ̂h.

Mɨlʉmlʉ 22:3

«Me ó Yúden. Me á byɛ̂l ó, Tarsôs ɨ́ sí Silisía. Me á ka bwaʼ yɨ́ɛ ó wâ. Lɛ̂ʼla wǎm á be ó Gamalyɛ̂l. Nye ó b'á lɛ̂ʼle me mpʉ mé dúʼoo metié bímpám gá bíná yɨ́. Me á si gbâ nyʉ̂l nyǎm lɨ́ edwě Nzyɛ̌m kûm jwɨʼ gwár mpʉ bɨ́n ntémé dí esâ ɨ́ báánâʼ yɨ́.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.