Lʉkas 8:31 - Kálar Nzyɛ̌m : Ejwán é Sáá

³¹ Meleme maá nzě jɨʼla e Yésʉs ó, nye ayɨ́ tyen mé ɨ́ bɨ́ dí sí ɨ́ kœ́ʼlɛ́ yɨ́.

Kálara Zyɛ̌m Edwán é mpʉ̌n

³¹ Moleme maa ze jwɨʼla e Yesʉs ó, nye l'aka gba twii mojwɨʼa, ó mé kaʼ to ó é Bɨ-siʼe.

Lʉkas 8:31 Iomraidhean Croise

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Lʉkas 8:28

Nó mpʉ nyé á bee Yésʉs yɨ́, nye ntɔ̂ʼ bʉ̂ tím, tó bɨʼ mébóó sí ɨ́ mpǒm nyé. Nye e né ó: «Mɨná e go, bé e wáǎ lɔ̌b ɛ̌? Yésʉs, Mwân mé Nzyɛ̌m dí Lʉ́ bísá bíbyɛ̂h nyá, me lɨ́ ejɨʼla e go: ayɨ́ dwe mé ntɨ́ʼá.»

Lʉkas 8:32

Náǎ yé á be ó e daa lé ónkʉ̌ ɨ́ buo buo, lɨ́ɛ lɨ́ etô le ede méde mɔ́ɔ́ lɨ́ ecwɨ̂ʼ. Meleme maá, mé ntɔ̂ʼ jɨʼla e Yésʉs ó, nye kámaa ó, mé níʼee tʉ́ŋlʉ̌ menyʉ́l mé ónkʉ̌ baá. Nye ntɔ̂ʼ kam ó, mé sâʼ nó.

Rôm 10:7

Bé á cɛma ntémé ó: «Sá akǎ lɛ́ɛ ntémé ɨ́ lémé gô tʉ́ŋlʉ̌ ó: “Nzé ósulo wâʼ ɨ́ sí yɨ̂, tó pyâl ɨ́ kwár odwe ě?” (Nó yé lɛ́ɛ́ ó, mʉ̌r sá apahle ó, yé e nyʉ́ʉ́ mʉ̂r ótó kœ̌b Krîst ɨ́ gúmó ódwe dí yɨ́, ntɔ̂ʼ búla e né gʉ̂ʼ nyá.)

Mɨngwiha 11:7

Nó ɨ́ jɔʼ bé ósîl édwe bʉ̂r mboʼlá wɔ́ɔ́ yɨ́, tír menyan óduho ɨ́ bɨ́ dí sí ɨ́ kœ́ʼlɛ́ yɨ́. Tír waá ólwímla e bê. Nye ónʉa bê, jʉ̂.

Mɨngwiha 17:8

Tír gó á bee nyá, á boo be ó tɨ̂, jɔ̌ʼ myâ. Tó kœb ó, nyé akǎ be. Yɨ́ kǎ lîʼ tîtííǎ, nyé opah, duho ɨ́ bɨ́ dí sí ɨ́ kœ́ʼlɛ́ yɨ́. Nyé óduho tɨ̂ʼ nó, nyé odwe. Nzyɛ̌m á si cɛma míé mé bʉ̂r o nyé ngá tíʼ bá, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Sâ gwár, bʉr o míe dí anyɨ̂n ɨ́ mekaná mé twiʼ maá bá, bé óbuú kâm tír waá, ebě, bé óbee ó, nye á be ɨ́ nyɛɛ́ tíʼe, nye nzě dwe. Bé óbee nyé ntémé lɨ́ ebáʼǎ pah.

Mɨngwiha 19:20

Tír waá ndu e ngwíha milɔ̌b bibɛr wé, bé ntɔ̂ʼ mɛ́rɔɔ. Ngwíha milɔ̌b bibɛr wé ó b'á sɨsâ mesimá ɨ́ mpǒm me tír waá. Nó nyé á didímle bʉr. Sâ yaá ó bé á cɨcɛma jwɨʼ yé ɨ́ menyʉ́l mɔ́ɔ́ yɨ́. Bé á be ó sí dwě kpɛʼkpɛ̂ʼ mveʼle yé kûm. Jɔʼ tír waá, bé e ngwíha milɔ̌b bibɛr wé bé á mɛ́rɔɔ yɨ́, bé á si guhɔɔ ntémé ɨ́ bɨ́ siʼe, mikublakúbla. Siʼe e pir ó dí edúo tɨ̂ jɔʼ yɨ́yɛ̂h yɨ́.

Mɨngwiha 9:11

Njwɨ́ɨ wɔ́ɔ́, nye ó éngeles dí e nkul jwɨ́ɨ ɨ́ bɨ́ dí sí ɨ́ kœ́ʼlɛ́ yɨ́. Bé lɨ́ ejébe nyé ɨ́ lwǐb ébrœ̂ ó «Abadɔ̂n». Yé bé ɨ́ lwǐb grɛ̂k yɨ́ɛ nó, lɛ́ɛ́, yé ó «Apoliôn»: «Ángbɛ̌h».