Lʉkas 8:21 - Kálar Nzyɛ̌m : Ejwán é Sáá

²¹ Yésʉs ntɔ̂ʼ lɛ́ɛ e bʉr bɨ́bɛ̂h ó: «Nyɔ̌ŋ wǎm, bɨ́ɔɔ́ bâm le okɛ́l bâm, bé ó baá o dí ejóʼǒ lɔ́ɔ́ mé Nzyɛ̌m, le esâ wé mejóʼo bá.»

Kálara Zyɛ̌m Edwán é mpʉ̌n

²¹ Yesʉs ntɔʼ lɛɛ e bʉr bɨbɛh ó: «Nyɔŋ wam bé e l'obɨɔ bam, bé ó baa lé ejoʼo lɔɔ Zyɛm le edu we e.»

Lʉkas 8:21 Iomraidhean Croise

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mataos 25:45

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á be asâ mʉr ngwár ɨ́ sɔ́má bʉ̂r bâʼ embɨa yɨ́, damá jóʼo ó, nye á be ó waá dí agbáŋɔɔ ɨ́ nkɔb nyá, gúmo yaá ntémé ó bɨ́n á be asâ me embɨa yɨ́.”

Mataos 28:10

Nó ó Yésʉs á lɛ́ɛ e bʉbá baá ó: «Akpɛ́ɛ gâ. Tó lɛ́ɛ gá bɨ́ɔɔ́ bâm ó, bé tôʼ bóno ɨ́ sí Galilê, ebě, gʉ̂ʼ ó bé ngá bee mé yɨ́.»

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

Lʉkas 8:20

Bʉr ntɔ̂ʼ lɛ́ɛ Yésʉs ó: «Nyɔ̌ŋ gǒ le bɨ́ɔɔ́ bô, bé ó wâʼ kʉ̌l lɨ́ egwɨ̂m ébee gô.»

Yʉanes 13:17

Ɨ́ báánâ, bɨ̌n bɨ́ gʉ́a bísɨ́ǎ byaá. Bɨ́n ósâ byé nó, bɨ̌n bé óbe ó mbɨ̂mbɨá.»

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

2 Korɛnt 5:16

Ebe nó, táare ɨ́ báánâ, bɨ̌h bé akǎ gʉ́a mʉ̂r e nzɨ̌ ngwɨ́á wɨ́h. Damá jóʼǒ mpʉ bɨ́h á nyɛɛ gʉgʉ́a Krîst e nzɨ̌ ngwɨ́á nyaá yɨ́, nó ɨ́ báánâ, bɨ̌h bé akǎ gʉ́a nyé nó.

2 Korɛnt 6:18

Dâ, dí Nzyɛ̌m nkul nyɨnyɛ̂h nyá, nye lɨ́ ebáʼǎ lɛ́ɛ ó: Me óbe ó sɔ́ŋ wɨ́n; bɨ̌n bé óbe mé ó, bwân, bwá ó bʉbá le bwá ó bʉrʉ̂m.

Jacques 1:22

Sá Nzyɛ̌m mû lɨ́ elɛ́ɛ bɨ́n yɨ́, bɨ̌n e sá yé mejóʼo. Ayɨ́ jóʼo gá njɨ e megwǎl. Bɨ́n jóʼó njɨ e megwǎl nó, lɛ́ɛ́, bɨ̌n kʉ́á ó bɨ̌n bʉr o tɨ̂.

1 Yʉanes 2:29

Bɨ̌n bé lɨ́ egʉ́a ó, Krîst, nye ó tîtyěl mʉr. Bɨ̌n bé ɨ́ jala le egʉ́a ntémé ó, mʉr nyɨnyɛ̂h dí esɨsâ bísyɛ́ɛla bimpâ nyá, nyɨ́ byɛ̂l e nzɨ̌ nkul mé Nzyɛ̌m.

3 Yʉanes 1:11

Mbɨambɨa só wǎm, ayɨ́ baŋǎ sá dí ɨ́ bébe yɨ́, njɨ yaá dí ɨ́ mbɨa yɨ́. Mʉr dí esâ bísyɛ́ɛla bi mpâm nyá, duho ó kwá mé Nzyɛ̌m. Syɛ̂l ebébe nyɨɛ, nyé apǎ beě Nzyɛ̌m.