Lʉkas 7:8 - Kálar Nzyɛ̌m : Ejwán é Sáá

⁸ Me lɨ́ egʉ́a ó, go e nkul esâ nó, ebě, me ó e bʉr o dí ejwɨ́ɨ mé bá. Mɛm ntémé, mé e bisója ɨ́ jwɨ́ɨ́ yâm. Mě jaá lɛ́ɛ e yɨ̂ʼ ó: “Tóʼ”, yê ntɔ̂ʼ tô. Me e yʉ́ʉ́ ó: “Ntáʼ”, yɨ́haá nze. Me kǎ lɛ́ɛ e syɛ̂l mesâ wǎm ó: “Sáʼ sɨ̂ʼ yɨ̂”, nye sâ.»

Kálara Zyɛ̌m Edwán é mpʉ̌n

⁸ Me egʉa ó, go e nkul esa no, ebe, me ó e bʉr o ndɨ ejwɨʼ me e. Me nteme, me e bɨzima é mojwɨ̀ʼa mam. Me elɛɛ e yiʼ ó: “Toʼ”, yé ntɔʼ to. Me e yʉʉ ó: “Ntaʼ”, yiha ze. Me eka lɛɛ e syɛl mosa wam ó: “Saʼ sa yiʼ”, nyɛɛ sa-sa saʼ.»

Lʉkas 7:8 Iomraidhean Croise

Lʉkas 7:7

Nó ntémé ó mê bee ó, yé ajala ó, mɛm mʉr tɨ̂ʼ sóhaa go yɨ́. Damá jóʼo ó, gó anze kwá nyám, cɨʼeě njɨ ekǎn egwár, syɛ̂l mesâ wǎm tíʼaa!

Lʉkas 7:9

Ejóʼǒ Yésʉs á jóʼo mekǎn maá yɨ́, nye á be ɨ́ kâm njwɨ́ɨ bisója waá, nzě dwira, dwɛ̂ʼ sɔ́má bʉ̂r yé á dû nye yɨ́. Nye ó: «Me lɨ́ elɛ́ɛ bɨ́n ó, mé apǎ kœ̌b mbǐ búʼó wɨ̂, damá jóʼo ó ɨ́ kúl bʉ̂r o b'Ɨ́zraɛ̂l tʉ́ŋlʉ̌.»

Mɨlʉmlʉ 23:17

Pɔ̂l nyɨɛ nzě jébe nyʉ́ʉ́ kapitɛ̂n. Nye e né ó: «Tóʼ e mâ sohó nyâʼ nko njwɨ́ɨ bisójǎ nɨ́nɨ́ɨ́ dí yɨ́, ebě, nyě e yʉ́ʉ́ sá nyé dí egwɨ̂m élɛ́ɛ nyé yɨ́!»

Mɨlʉmlʉ 23:23

Píe tɨ̂, njwɨ́ɨ nzě jébe bʉ́ʉ́ ókapitɛ̂n obá. Nye e bé ó: «Syɛŋɨɨ gá bisója minter mimbá, ndu e bʉr mekám nzaangbá o dí ekalwo kʉ́ bikablá bá, ndu e bʉr minter mimbá o dí e mekʉá ɨ́ mebô bá. Diʼee gá ɨ́ cǎr ó, bɨ̌n tôʼ Kesáre ɨ́ mewala ebǔ mé pum!

Mɨlʉmlʉ 23:26

Yé ó mɛm, Klodíʉs Lisías. Mě cɛmá ó, tî ngóvina Félix. Me lɨ́ esoho gô!

Mɨlʉmlʉ 23:31

Bisója ntɔ̂ʼ sâ sá nyé á lɛ́ɛ bé yɨ́. Byé ntɔ̂ʼ nʉǎ Pɔ̂l, tô e né ɨ́ pum waá, tó pyâl Antipatrîs.

Mɨlʉmlʉ 24:23

Nó nyé á lɛ́ɛ e kapitɛ̂n á bɨbaʼle Pɔ̂l nyá ó, nye páa baʼle nyé ɨ́ mbɛ̌r mímbʉʼ. Sâ gwár, nye e bíbír nyé ɨ́ byúú bíjɔʼ. Nye nzě kam ntémé ó, osó bé, bé ntáa nzě sɨséa nyé bisyɛ́ɛ́.

Mɨlʉmlʉ 25:26

Abe e mpǎŋ sɔ̂ʼ mé dí e nkul ecɛma njwɨ́ɨ gá wɨ́ná ɨ́ lɔ̌b wé. Sá tɨ̂ʼ ó mê nzé e né kâʼ ɨ́ mpǒm nyɨ́n yɨ́. Me kʉ bu nzé e né wâʼ ó, ɨ́ mpǒm nyǒ, gua njwɨ́ɨ Agrípa, ebě, ɨ́ jɔʼ mɨ́ná bé ósîl épahlě lɔ̌b wé yɨ́, me nkʉ̂ gʉ́ǎ sá écɛma.

Kolosi 3:22

Bitúʼǎ, sáʼ gá ojwɨ́ɨ́ bɨ́n mejóʼo ɨ́ sá yɨ́yɛ̂h. Asâ gá bé mejóʼo njɨ ɨ́ jɔʼ bé dí edwɛ̂ʼ bɨ́n yɨ́. Syɛ́ɛla yaá, yé lɨ́lɛ́ʼlé ó, bɨ̌n kolo bé ó, koláa. Bɨ̌n bʉr o dí edwáawo Tî Yésʉs bá, sáʼ gá nye mejóʼo e milémé mín mímyɛ̂h.