Lʉkas 7:7 - Kálar Nzyɛ̌m : Ejwán é Sáá

⁷ Nó ntémé ó mê bee ó, yé ajala ó, mɛm mʉr tɨ̂ʼ sóhaa go yɨ́. Damá jóʼo ó, gó anze kwá nyám, cɨʼeě njɨ ekǎn egwár, syɛ̂l mesâ wǎm tíʼaa!

Kálara Zyɛ̌m Edwán é mpʉ̌n

⁷ Ebe no ó me bee ó, yé ajala nteme ó, me mʉr tɨʼ soha go e. Lɛŋɨ njɨ ekan egwar, syɛl mosa wam tiʼa!

Lʉkas 7:7 Iomraidhean Croise

Markus 1:27

Bʉr bɨ́bɛ̂h bê kʉ́ nzě kâm. Bê nzě gɔ́na le elwibla páʼ nyɔ́ɔ́ ó: «Wáǎ mbǐ lɔ̌b wɨ̂? Edwán é lɛ́ʼlá lwɨ́ŋlá e nkul jwɨ́ɨ! Damá jóʼo mímbɨ́a mísísǐm, nye lɨ́ ebánǎ jwɨ́ɨ myê, myê bánǎ sâ nyé mejóʼo!»

Lʉkas 4:36

Bʉr bɨ́bɛ̂h nzě kâm, nzě gɔ́na le elwibla páʼ nyɔ́ɔ́ ó: «Wɨ̂ʼ mbi mékǎn duho wó? Nyě e nkul jwɨ́ɨ dí ó, nye lɨ́ ejwɨ́ɨ mímbɨ́a mísísǐm, myê bánǎ duho!»

Lʉkas 5:13

Yésʉs ntɔ̂ʼ syɛ̂m mbô, nzě kúna e né. Nye e né ó: «Mɨ́ kpɛl. Nyʉ̂l díʼee go ɨ́ deŋé.» Tyé e tyé yaá, nzǎm ntɔ̂ʼ síe mʉ̂r waá ɨ́ nyʉ̂l!

Lʉkas 7:6

Yésʉs, bé e boo nɔ́ɔ́, ntɔ̂ʼ tô mbɛ̌r mʉ̂r waá. Bé mû bǎʼ e mbɛ̌r waá nɛ́ɛ: kapitɛ̂n waá ntɔ̂ʼ lómo ósó bé ó, bé tôʼ lɛ́ɛ e Yésʉs ó: «Dâ ɛ̌, ayɨ́ ntɨ̂ʼ nyʉ̂l nyǒ dwêh. Mbi bɨ́bla mʉ̂r mé dí wɨ́, yé ajala ó, go níʼee ɨ́ mbɛ̌r wâm.

Lʉkas 7:8

Me lɨ́ egʉ́a ó, go e nkul esâ nó, ebě, me ó e bʉr o dí ejwɨ́ɨ mé bá. Mɛm ntémé, mé e bisója ɨ́ jwɨ́ɨ́ yâm. Mě jaá lɛ́ɛ e yɨ̂ʼ ó: “Tóʼ”, yê ntɔ̂ʼ tô. Me e yʉ́ʉ́ ó: “Ntáʼ”, yɨ́haá nze. Me kǎ lɛ́ɛ e syɛ̂l mesâ wǎm ó: “Sáʼ sɨ̂ʼ yɨ̂”, nye sâ.»