Lʉkas 7:47 - Kálar Nzyɛ̌m : Ejwán é Sáá

⁴⁷ Sá tɨ̂ʼ ó mé dí elɛ́ɛ gó ó: mpʉ nyé mû sí lɛ̂ʼle mpwâʼ kpɛ̌l yé nó yɨ́, yé lɛ́ʼlé ó, Nzyɛ̌m, nyɨ́ pɛʼ nyé bibaa bí ébébe bíbyɛ̂h nyé á niʼe lɨ́ lɔ̌b mísyóm myé bí. Myé ntémé, myé á be ó, ɨ buú buo! Nó ó, ɨ́ jɔ̌ʼ Nzyɛ̌m ópɛʼ bíbaa bí ébébe bá bím yɨ́, mʉr á pɛʼɔɔ bibaa byaá nyá, ókpɛ̌l Nzyɛ̌m ó bá bím.»

Kálara Zyɛ̌m Edwán é mpʉ̌n

⁴⁷ Ebe no, me elɛɛ go ó nɛɛ: é mpʉ nye ndɨ si lɛʼle mpwaʼ kpɛl no e, yé elɛʼle ó, Zyɛm, nyi pɛʼ nye bɨbaa bibyɛh nye a niʼe é lɔb mɨsyem mye e. Myé nteme, myé a be ó é bul buo! No ó, é jɔʼ Zyɛm lé epɛʼ bɨbaa bɨ ebebe ba bim ɨ, mʉr pɛʼɔ bɨbaa byaa ɛ, nye ókpɛl Zyɛm ó ba bim.»

Lʉkas 7:47 Iomraidhean Croise

Mataos 10:37

«Waá dí ekpɛl sɔ́ŋ, nkʉ̂ nyɔ̌ŋ, laǎ bím nyé kpɛ́l mé yɨ́ nyá, nye ɨ́ dwɛ̂hwa, ajala e me. Waá kpɛ́l loʼo yé, nkʉ̂ sile wé, laǎ bím nyé kpɛ́l mé yɨ́ nyá, nye ɨ́ dwɛ̂hwa. Nyé ajala e me.

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Lʉkas 7:46

Go bé alœm mé múlo ɨ́ lʉ̂. Nyɨɛ, nyɨ́ lœm mékʉ̌ mâm lɔbína.

Lʉkas 7:48

Nye ntɔ̂ʼ lɛ́ɛ e mʉmá ó: «Bibaa bí ébébe byô, bí pɛʼɔɔ!»

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

2 Korɛnt 5:14

Sá dí etíne bɨ́h, ó bɨ̌h túnaa Mbɨambɨa Lɔ́ɔ́ mé Nzyɛ̌m yɨ́, yé ó kpɛ̌l Krîst á gbâ bɨ̌h ɨ́ miléme yɨ́. Mbeá wɨ́h, wé ó, mpʉ mʉ̂r ngwár á dwe lɨ́ ebúra e bʉr bɨ́bɛ̂h yɨ́, yé lɛ́ʼlé mɨ́ná gá ó, bʉr bɨ́bɛ̂h, bé á si dwe.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Éfɛsɔs 6:24

Nzyɛ̌m sʉ́ʼoo bʉr bɨ́bɛ̂h o dí ekpɛl Tî gá wɨ́ná Yésʉs-Krîst, kpɛ̌l ápurapúra bá metyɛʼ me mpóm.

Filipi 1:9

Minjɨʼla mé dí ejɨʼla lɨ́ esú lɨ́n mí, myé ó: ó kpɛ̌l yɨ́n, yé bwáʼaa bwaʼáa. Kpɛ̌l yɨ́n, yé gwɨ́aa lɨ́ ocwóó le pɨʼ.

1 Timotɛ 1:14

Sá tɨ̂ʼ ó Dâ á sʉ me metyɛʼ me mpóm ɨ́ nkalá nkalá yɨ́. Nye á si gbâ me ntémé búʼó ti e kpɛ̌l ɨ́ léme, ɨ́ nzɨ̌ mé Yésʉs-Krîst.

1 Yʉanes 1:7

Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.

1 Yʉanes 3:18

Bwán bâm, yé ajala ó, kpɛ̌l gá yɨ́ná, yé nyɨ́nɨɨ njɨ ɨ́ mekǎn mɨ́ná dí elɛ́ɛla gá má. Yé ɨ́ jala le enyɨ̂n ó, ɨ́ bisyɛ́ɛla mɨ́ná dí esâ gá lɨ́ otyeetye bí.

1 Yʉanes 4:19

Nó ó, mɨná gá bɨɛ mû ó lɨ́ ekpɛla gá ó, ebě, nye á si nyɛɛ kpɛl mɨná gâ.

1 Yʉanes 5:3

Mpʉ mʉ̂r jálá le elɛ̂ʼlě Nzyɛ̌m kpɛ̌l yɨ́ ó yɨ̂: ebaʼle métié mé. Metié mé, mé abuú dile yɨ́ɛ lɨ́ ebaʼle,