Lʉkas 7:44 - Kálar Nzyɛ̌m : Ejwán é Sáá

⁴⁴ Nye ntɔ̂ʼ dwirǎ nko mʉ́má waá á be yɨ́. Nye e Simon ó: «Gʉ́ bee mʉ́má nyâʼ á? Me nzé ó, go, ɨ́ mbɛ̌r gô, gua l'adwe mé medíbé mé éjwɨɨ mékʉ̌. Mʉmá nyâʼ nyɨɛ, nyɨ́ jwɨɨ mé mekʉ̌ e myɛ́ɛlé mé, pîm ntémé mé e mpuo nyé.

Kálara Zyɛ̌m Edwán é mpʉ̌n

⁴⁴ Nye ntɔʼ dwibra nko mʉma waa a be e. Nye e Simɔn ó: «Beŋɨ mʉma nwa. Me ze ó, go, é mbɛr go, gwɔɔ l'adwe me modibe mo ejwɨ̀ɨ mokʉ. Mʉma nwaʼ nyɛɛ, nyi bor me mokʉ e myɛɛle me, pim nteme me e mpuo we.

Lʉkas 7:44 Iomraidhean Croise

Lʉkas 7:38

ntɔ̂ʼ tyɛ̂b píe koo mé Yésʉs, píe mekʉ̌ mé, ntɔ̂ʼ jɨ ɨ́ buo buo, myɛ́ɛlé mé ntɔ̂ʼ bor mékʉ̌ mé Yésʉs. Nye ntɔ̂ʼ dû mékʉ̌ mé Yésʉs ɨ́ swííá, pîm mé le mpuo nyé, nzě lœm nyé lɔbína ɨ́ mekʉ̌.

Lʉkas 7:43

Simon ntɔ̂ʼ yala e né ó: «Mě jwɨʼ ó, yé ó waá á bírɔɔ e mpʉ́lá ɨ́ buo buo nyá.» Yésʉs, nye e né ó: «Gǒ e nkam.»

Yʉanes 13:5

Nzě nʉa médíbé, gbâ ɨ́ sʉ́á, nzě nyɛl éjwɨɨ ómpʉ́n mekʉ̌, le epîm mékʉ̌ mɔ́ɔ́ e kán nyé á be e wé ɨ́ kuó wɨ́.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

Jacques 2:6

Tó kœb ó, bɨ̌n bé á si sâ baántéʼenteʼe o bʉ̂r baá bisá bí ésɔ́m! Ntʉ ókúm ó bʉ̂r ónɨ̌ ó dí esâ bɨ́n mpêl ɛ̌? Ntʉ bé dí etó pur bɨ́n ɨ́ mempáh mílɔ̌b ɛ́?