Lʉkas 7:41 - Kálar Nzyɛ̌m : Ejwán é Sáá

⁴¹ Yésʉs ntɔ̂ʼ lɛ́ɛ ó: «Bʉr obá, bé á be ó e mpʉ́lá mɔnɨ́ kwá nyʉ́ʉ́ mʉ̂r á kʉkʉl bʉr mɔnɨ́ nyá. Nyâʼ, minzaŋ mí mɔnɨ́ minter mitɛ̂n; nyʉ́ʉ́, minzaŋ mekám métɛ̂n.

Kálara Zyɛ̌m Edwán é mpʉ̌n

⁴¹ Yesʉs ntɔʼ lɛɛ ó: «Yé a ze be ó, bʉr oba e mpɔla mɔn boo nuu mʉr a kʉl-kʉl bʉr mɔn ɨ. Nwaʼ, mɨsaŋ mɨ odenie mɨnter mɨtɛn; nuu, mɨsaŋ mɨ odenie mowʉm motɛn.

Lʉkas 7:41 Iomraidhean Croise

Mataos 18:28

«Tœ́á syɛ̂l mesâ nɨ̌ á tô kʉ̌l wɨ́, nzě bɔma e mʉr njoo yé, á be nye e mpʉ́lá minzaŋ mí mɔnɨ́ nter nyá. Nó nyé á nze mɛ̂r nye, nzě syɛ̂ʼ nyé etám ɨ́ twíí. Nye e né ó: “Jɛ́náá mé bím gó dí me e yǎ yɨ́!”

Mataos 6:12

Pɛʼɛɛ bíbaa bí ébébe gó dí eniʼe lɨ́ misyóm míh bí, ɨ́ mpʉ bɨ́h ntémé mû sí pɛʼ bíbaa bí ébébe bɨ́h á niʼe bʉr o b'á sâ bɨ̌h ebébe bá yɨ́.

Markus 6:37

Nó ó Yésʉs á lɛ́ɛ bé ó: «Bɨ̌n bʉr o tɨ̂, dwéʼ gá bé mede.» Bé ntɔ̂ʼ dî e né ó: «Bɨ̌h sâʼ nyá? Nzê bɨ̌h tô bwâm bé blêr e minzaŋ mí mɔnɨ́ minter mimbá, lɨ́ esú lé édwe bé sá éde ɛ̌?»

Lʉkas 11:4

Pɛʼɛɛ bíbaa gó á niʼe bɨ̌h ɨ́ lɔ̌b mébébe mɨ́h bí, ebě, bɨ̌h ntémé bé lɨ́ epɛʼ bíbaa bɨ́h dí eniʼe bʉ̂r bɨ́bɛ̂h ɨ́ lɔ̌b ébébe bé dí esâ bɨ́h lɨ́. Ayɨ́ bîr ó, bɨ̌h níʼee ɨ́ mebʉ́blá.”»

Lʉkas 12:48

Syɛ̂l mesâ swîh, waá á be agʉ́a bigwɨ́má bí sɔ́ŋ wé nyá, damá jóʼo ó mpʉ nyé dí esâ sá dí ejala e ntɨ́ʼá yɨ́, nye ábuú bíŋɔɔ. Mʉr á pa bu dweŋɔɔ nyá, ódíŋɔɔ ó, nye dwêʼ ntémé. Nye ódíŋɔɔ ó, nye dwêʼ ɨ́ buo buo. Mʉr á pa bu bi nyá, ódíŋɔɔ ó, nye dwêʼ, laǎ bím nyé á pa bi yɨ́.»

Lʉkas 13:4

Nzê bɨ̌n jwɨʼ ó, bʉr kám e mwom tólóm mbɛ̌r mé Siloâm, wé á bíla bá ó b'á bu bébe, laa bʉ̂r ó Yerʉ́zalɛm bɨ́bɛ̂h ɛ̌?

Lʉkas 7:40

Yésʉs nzě nʉǎ lwǐb. Nye e mʉr waá ó: «Simon, mě e sá élɛ́ɛ gô.» Simon, nye e né ó: «Lɛ̂ʼla, lɛ́yɨ́ɨ́ mé yǎ bé.»

Lʉkas 7:47

Sá tɨ̂ʼ ó mé dí elɛ́ɛ gó ó: mpʉ nyé mû sí lɛ̂ʼle mpwâʼ kpɛ̌l yé nó yɨ́, yé lɛ́ʼlé ó, Nzyɛ̌m, nyɨ́ pɛʼ nyé bibaa bí ébébe bíbyɛ̂h nyé á niʼe lɨ́ lɔ̌b mísyóm myé bí. Myé ntémé, myé á be ó, ɨ buú buo! Nó ó, ɨ́ jɔ̌ʼ Nzyɛ̌m ópɛʼ bíbaa bí ébébe bá bím yɨ́, mʉr á pɛʼɔɔ bibaa byaá nyá, ókpɛ̌l Nzyɛ̌m ó bá bím.»

Rôm 3:23

Bɨ́bɛ̂h, bé á si sâ syóm. Bisyɛ́ɛla bimpâ byɔ́ɔ́ alwɨ́ŋlɨ, ajala e kûm mé Nzyɛ̌m.

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.