Lʉkas 7:26 - Kálar Nzyɛ̌m : Ejwán é Sáá

²⁶ Á nó? Bɨ̌n bé á to bee yé ɛ́? Nzê ngwíha milɔ̌b mé Nzyɛ̌m ɛ̌? Yé ó nó. Mě lɛ́ɛ́ bɨ́n ó, laa ngwíha milɔ̌b mé Nzyɛ̌m!

Kálara Zyɛ̌m Edwán é mpʉ̌n

²⁶ A no ó, bɨn bé a to bee yé ɛ? Zê ngwiha mɨlɔb ɛ? Me elɛɛ bɨn cyecye ó nɛɛ: nye elaa ngwiha mɨlɔb!

Lʉkas 7:26 Iomraidhean Croise

Lʉkas 1:76

Gua mwân wǎm nyâ, go óbe ó ngwíha milɔ̌b mé Nzyɛ̌m dí Lʉ́ bísá bíbyɛ̂h nyá, ebě, go ótô lɨ́ esóʼ mé Dâ Nzyɛ̌m, lɨ́ ekomlo nzɨ́ nyé ngá cɨɨ nyɨ́.

Lʉkas 16:16

«Metié mé Moyɨ̂z le mekaná mé ógwíha o mílɔ̌b, mé á di ó, ɨ́ bea bea, tó pyâl ɨ́ jɔʼ mé Yʉánɛs Ndubʉr. Táare ɨ́ jɔʼ yaá, tô dóló, bé mû ó lɨ́ etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́. Mʉr nyɨnyɛ̂h, nye mû ó lɨ́ enî tɨ̂ʼ e nkul.

Lʉkas 20:6

Mɨ́ná yálá gá ó: “Bʉr ó b'á lómo nye” nó, minzɨnzɨ mi bʉ̂r mímyɛ̂h, myé ólúmo gá mɨná mekóʼ.» (Ebě, myé á be lɨ́ ebúʼla ó, Yʉánɛs á kʉ be tyeetye ó ngwíha milɔ̌b mé Nzyɛ̌m.)

Lʉkas 7:25

Á nó? Bɨ̌n bé á to bee yé? Nzê mʉr mbɔ́rá e bidimé míkán mí ójɔɔ́ ɛ̌? Bʉr o dí ɨ́ nkɛ́lɛm, lɨ́ ebwâr bídimé míkán le etiʼe ɨ́ mepwaʼ bá, bé ó dí edi ɨ́ mimbɛ̌r mí ójwɨ́ɨ.

Lʉkas 7:27

Ebě, yé ó waá bé á cɛma ɨ́ lɔ̌b wé nyá. Yê cɛmá ɨ́ Mekaná mé Nzyɛ̌m ó: “Bɛɛngɛ́ɛ! Me múo nzě lómo mʉ̂r milʉ́mlʉ́ wǎm nzɨ́ nyǒ dóló ó, nye tôʼ le edyɛŋle gó nzɨ̌ lɨ́ esôʼ lô.”»

Yʉanes 5:35

Yʉánɛs á be ó mpʉ̌ twimá éláma dí ekʉn nzɨ́ lɨ́; bɨ̌n nzě kpɛl ó, bɨ̌n sóhaa tâŋ mâ jɔʼ ɨ́ njʉl éláma waá.