Lʉkas 7:24 - Kálar Nzyɛ̌m : Ejwán é Sáá

²⁴ Jɔʼ bʉ̂r o mílʉ́mlʉ́ mé Yʉánɛs, bé á búla yɨ́, Yésʉs nzě táare épâʼla éntumo e bʉ̂r laá mbi mʉ̂r Yʉánɛs á be wɨ́: «Yé bɨ́n á to bee ɨ́ lʉá yɨ́? Nzê ká dí epɨ̂ʼla ɨ́ pubó yɨ́ ɛ́?

Kálara Zyɛ̌m Edwán é mpʉ̌n

²⁴ É jɔʼ mɨlʉmlʉ mo Yʉanes, myé a bula ɛ, Yesʉs ze taare lé elɛɛ ntuntuma bʉr, tiibe e Yʉanes ó: «Yé bɨn bé a to bee é feha si ɨ? Zê ka lé epɨʼba é pubo e?

Lʉkas 7:24 Iomraidhean Croise

Lʉkas 1:80

Nó ó mwân waá á nze gwɨ́e le ebi mélele ɨ́ sísǐm. Nye á didi ó ɨ́ lʉá, tó pyâl ɨ́ dʉ́ó nyé á tyɛ̂b ɨ́ míh mé bʉ̂r o b'Ɨ́zraɛ̂l lɨ́ elɛ̂ʼle nyé mʉr tɨ̂ʼ yɨ́.

Lʉkas 3:2

Ánas, bé e Kayɨáfa, bé á be ó ojwɨ́ɨ o mpáh Nzyɛ̌m ɨ́ jɔʼ gwár yaá. Nó ó Nzyɛ̌m á nze lwib e Yʉánɛs, mwân mé Zacharie, ɨ́ jɔʼ nyé á didi ɨ́ lʉá yɨ́.

Lʉkas 7:23

Metyɛʼ me mpóm, mé díʼee e mʉr bísyɛ́ɛla byâm ngá be, abe ébɔ̌ʼ lé óbɨma nyé ɨ́ léme lɨ́ nyá.»

Lʉkas 7:25

Á nó? Bɨ̌n bé á to bee yé? Nzê mʉr mbɔ́rá e bidimé míkán mí ójɔɔ́ ɛ̌? Bʉr o dí ɨ́ nkɛ́lɛm, lɨ́ ebwâr bídimé míkán le etiʼe ɨ́ mepwaʼ bá, bé ó dí edi ɨ́ mimbɛ̌r mí ójwɨ́ɨ.

Yʉanes 1:23

Nó ó Yʉánɛs á nze yala e bé ó: «Me ó “mʉr dí etúno ɨ́ lʉá, waá dí elɛ́ɛ ó: Tyélɨ́ɨ́ gá menzɨ̌ mé Dâ ɨ́ lîm nyá.”» (Yé ó mpʉ ngwíha milɔ̌b Ésayie á lɛ́ɛ yɨ́.)

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

2 Pyɛr 2:17

Bʉr baá nwɨɨla ó e menó. Bé ó menó mû sí jwɨ̂l, akǎ be le etáŋ é médíbé egwár má. Bé ó mpʉ nkûr nkúo dí etíne wɨ́. Nzyɛ̌m, nyɨ́ boó komlo bé diá lɨ́ edúrʉ́ʉ́ e dí ɨ́ nkom nkom lɨ́.

2 Pyɛr 3:17

Ɨ́ páʼ wɨ́n, bɨ̌n osó bâm ɛ̌! Bɨ̌n bé lɨ́ eboó gʉ́ǎ lɔ̌b waá. Gwá di gá le ocwóó páʼ bʉ̂r o dí agbâ mémpéné ɨ́ nkɔb bá. Bɨ̌n ámû jaá dyɛ̂l ɨ́ nzɨ̌ nyɔ́ɔ́, ntɔ̂ʼ tó dîm. Apʉʼa gá ɨ́ tyé mélele bɨ́n dí tɨ̂ʼ yɨ́.