Lʉkas 7:21 - Kálar Nzyɛ̌m : Ejwán é Sáá

²¹ Lɨ́ ewala egwár le egwár laá, bé á kœb ó, Yésʉs lɨ́ etiʼ mímbêl ɨ́ buo buo, baá bé á be e mekpaa, le baá bé á be e bidyɛ̂m, le baá mímbɨ́a mísísǐm, byé á nzɨnzamra bá. Nye á si tiʼ ntémé baántím ɨ́ buo buo, le esâ ó, bé báʼa bee.

Kálara Zyɛ̌m Edwán é mpʉ̌n

²¹ É jɔʼ gwar yaa, bé a pyal ó, kœb Yesʉs lé etiʼ mɨsyoblʉ é buobuo, baa b'a be e bɨnumò e, le baa b'a be e bɨjyɛm ɨ, le baa b'a sia e moleme e. Nye a si tiʼ nteme buobuo ontim, sa ó, bé bula bee.

Lʉkas 7:21 Iomraidhean Croise

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Mataos 4:24

Nó ó kûm nyé á nze myaŋla ɨ́ sí Sirî yɨ́yɛ̂h yɨ́. Bê nzě nze le mimbêl kwá nyé: baá bé á be lɨ́ ejaʼra le meswie le mekpaa mimbi mimbi bá, bʉr o méleme, mé á nzɨnzamra bá, baá bé á sîsile bʉ̂ʼ bá, le mimbʉ́mbʉ́ʼ. Nye nzě tiʼ bê.

Markus 3:10

Ebě, nye á si bu tiʼ bʉr. Nó, mimbél mímyɛ̂h, myé á be lɨ́ ekpɛl ékúna e né.

Markus 5:29

Tyé e tyé yaá, ekpaa e métié laá ntɔ̂ʼ gœ̂ʼ, nye ntɔ̂ʼ jʉ̂ʼra ɨ́ nyʉ̂l nyé ó, nyɨ́ tiʼe, le egʉ́a ó, nyé akǎ be le ekpaa!

Markus 5:34

Nó ó Yésʉs á lɛ́ɛ e né ó: «Mwân wǎm, búʼó yô, yɨ́ tiʼ gô. Mepyɛbla, mé díʼee go ɨ́ léme. Ekpaa lô, lé síaa.»

Lʉkas 7:20

Bê nzě tô, tó pyâl gúmó Yésʉs á be yɨ́. Bé e né ó: «Yʉánɛs Ndubʉr lómó bɨ́h ó, bɨ̌h díʼee go ó: “Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?”»

Ebrœ̂ 12:6

Ebě, Dâ Nzyɛ̌m sɨ́ʼ lʉ̂ ó, mʉr nyé dí ekpɛl nyá, waá nyɨnyɛ̂h nyé dí etɨ̂ʼ bɨr ó: «Nyâʼ, nye ó mwân wǎm» nyá.