Lʉkas 7:2 - Kálar Nzyɛ̌m : Ejwán é Sáá

² Ɨ́ gúmo yaá, yé á be ó e nyʉ́ʉ́ kapitɛ̂n bisója bí Rôm. Nye á be ó e nyʉ́ʉ́ syɛ̂l mesâ nyé á be ɨ́ buú kpɛl nyá. Syɛ̂l mesâ wé waá á be ó mbêl. Wé á be ó, wé mû kúno edwe.

Kálara Zyɛ̌m Edwán é mpʉ̌n

² Ɨ gʉ, yé a be ó e nuu njwɨɨ nter bɨzima bɨ Rom. Nye a be ó e nuu syɛl mosa nye a be é bul kpɛl ɨ. Syɛl mosa we waa a be ó lé esyɛb, nye mu tiʼ le efie.

Lʉkas 7:2 Iomraidhean Croise

Mataos 27:54

Kapitɛ̂n, bé e bʉ́ʉ́ ódwéela o sóo mé Yésʉs, mbeá bé á bee mpʉ̌ sí yé á kubla yɨ́ le bisá bíbyɛ̂h biswîh, bê kʉ́ nzě jóʼo ékɛ̂n. Bé ó: “Mʉr nyâʼ á kʉ be ó Mwân mé Nzyɛ̌m!”

Lʉkas 23:47

Kapitɛ̂n á be tɨ̂ʼ nyá, mbeá nyé á bee sá yɨ́yɛ̂h yé á syɛ́ɛ yɨ́, nye ntɔ̂ʼ dwě Nzyɛ̌m kûm. Nye ó: «Lɨ́ otyeetye, mʉr nyâʼ á kʉ be ó mpǎŋ tîtyěl mʉr!»

Lʉkas 7:1

Jɔ̌ʼ Yésʉs á sil elɛ́ɛ bʉr mekǎn maá mɨ́mɛ̂h yɨ́, nye nzě mɔa, ntɔ̂ʼ tô Kapernáʉm.

Lʉkas 7:3

Jɔʼ njwɨ́ɨ bisója waá á jóʼo bʉr lɨ́ elwilwib dumo e Yésʉs yɨ́, nye nzě lómo bʉ́ʉ́ ótɔ́má bʉ̂r óYúden ó, bé tôʼ dî e Yésʉs nkʉ̂ nye óbɛ̌m nzě tiʼ syɛ̂l mesâ wé waá.

Lʉkas 8:42

ebě, eséhé lé, mimbû kám e mimbá, lé á be etíʼé é mwân lɨ́, lé á be ó lɨ́ egûʼra. Bé e Yésʉs mû ɨ́ mpúla nɛ́ɛ: entumo e bʉ̂r kʉ́ nzě mána nyé ɨ́ mempah me nyʉ̂l.

Mɨlʉmlʉ 10:1

Ɨ́ Kesáre, yé á be ó e nyʉ́ʉ́ mʉ̂r, díé lé Corneille. Nye á be ó kapitɛ̂n mʉr Rôm. Nye ó b'á be njwɨ́ɨ ɨ́ sɔ́má dɔ̂m bé dí ejébe ó: “Sɔ́má Bʉ̂r ó Italî” yɨ́.

Mɨlʉmlʉ 10:7

Jɔʼ éngeles á laa, tô yɨ́, Corneille ntɔ̂ʼ jébe ósyɛ̂l o mésá bé obá, ndu e yʉ́ʉ́ sója ɨ́ bisója byé á sɨséa e né bí. Sója yaá ntémé á be lɨ́ edwáawǒ Nzyɛ̌m.

Mɨlʉmlʉ 22:26

Ejóʼo nyé á jóʼo nó yɨ́, kapitɛ̂n waá ntɔ̂ʼ lɛ́ɛ e waá nɨ́nɨ́ɨ́ ó: «Go ósâ nyá? Mʉr nyâ, nye ó mʉr Rôm.»

Mɨlʉmlʉ 23:17

Pɔ̂l nyɨɛ nzě jébe nyʉ́ʉ́ kapitɛ̂n. Nye e né ó: «Tóʼ e mâ sohó nyâʼ nko njwɨ́ɨ bisójǎ nɨ́nɨ́ɨ́ dí yɨ́, ebě, nyě e yʉ́ʉ́ sá nyé dí egwɨ̂m élɛ́ɛ nyé yɨ́!»

Mɨlʉmlʉ 27:1

Jɔʼ nyé á kam ó, bɨ̌h e nɔ́ɔ́ tôʼ ɨ́ sitíma ɨ́ sí Italî yɨ́, bê nzě tyěn Pɔ̂l, bé e myúú mímbʉʼ miswîh, e nyʉ́ʉ́ kapitɛ̂n, díé lé Yʉlíos. Sɔ́má bísója bí Rôm yé, yé á be ɨ́ jwɨ́ɨ́ yé yɨ́, yé á jébɔɔ ó: “Sɔ́má bísója mé Kɛ́ɛza”.

Mɨlʉmlʉ 27:3

Ɨ́ mɛ́n tɨ̂, bɨ̌h bé á be ó sí tó pyâl Sidɔ̂n. Nó ó, Yʉlíos á be ɨ́ nʉǎ Pɔ̂l mbɨ̂mbɨá, le ebîr ó, nyɨɛ tôʼ kwá osó bé. Jáŋá, bé ósúʼo nyé ɨ́ tyen.

Mɨlʉmlʉ 27:43

Nó ó kapitɛ̂n á tíʼe ɨ́ lémé wé ó, nyě kamlé ó e twiʼ mé Pɔ̂l. Nye nzě kamle bé lɨ́ esâ mpʉ bɨ́ɛ, bé á tíʼe ɨ́ milémé myɔ́ɔ́ ó, bé sá ó nye yɨ́. Nó nyé á lɛ́ɛ e bé ó, baá bɨ́bɛ̂h bé á be e nkul edwâʼ bá, bé lyáhaa ɨ́ medíbé esôʼ, tóŋɔɔ tín.

Kolosi 3:22

Bitúʼǎ, sáʼ gá ojwɨ́ɨ́ bɨ́n mejóʼo ɨ́ sá yɨ́yɛ̂h. Asâ gá bé mejóʼo njɨ ɨ́ jɔʼ bé dí edwɛ̂ʼ bɨ́n yɨ́. Syɛ́ɛla yaá, yé lɨ́lɛ́ʼlé ó, bɨ̌n kolo bé ó, koláa. Bɨ̌n bʉr o dí edwáawo Tî Yésʉs bá, sáʼ gá nye mejóʼo e milémé mín mímyɛ̂h.