Lʉkas 7:16 - Kálar Nzyɛ̌m : Ejwán é Sáá

¹⁶ Ekɛ̂n kʉ́ nzě swɨɨ bʉ̂r bɨ́bɛ̂h ɨ́ menyʉ̂l, bé ntɔ̂ʼ dwě Nzyɛ̌m kûm. Bé ó: «Ánɨ̂nɨ̂n ngwíha milɔ̌b, nyɨ́ pyâl ɨ́ mɨná gâ.» Le elɛ́ɔɔ ntémé ó: «Nzyɛ̌m, nyɨ́ nze bʉ̂r bé ɨ́ menɔɔlʉ.»

Kálara Zyɛ̌m Edwán é mpʉ̌n

¹⁶ Bʉr bɨbɛh ze joʼo bʉa. Bé ntɔʼ dwe Zyɛm kum. Bé ó: «Sa nɨnɨ ngwiha mɨlɔb, yi pyal é bɨna ga!» Lɛɔ nteme ó: «Zyɛm, nyi ze gba kul bʉr ye nkul é monyʉl!»

Lʉkas 7:16 Iomraidhean Croise

Mataos 15:31

Bʉr nzě buú kâm lɨ́ ebee báányâ-emúmó mû lɨ́ elwib; baá bé á be e bidyɛ̂m bá, mû mbɨ̂mbɨá; baá bé á be lɨ́ etɨ́a bá, mû lɨ́ etye mbɨ̂mbɨá ntémé; baántím mû lɨ́ ebee. Nó ó bʉ̂r baá bé á nze gúmlo Nzyɛ̌m kúl bʉ̂r o b'Ɨ́zraɛ̂l yɨ́.

Mataos 21:11

Nó éntumo e bʉ̂r, lé á yala e bé ó: «Yé ó Yésʉs, ngwíha milɔ̌b mé Nzyɛ̌m, mʉr Nazarɛ̂t ɨ́ sí Galilê.»

Mataos 28:8

Bé ntɔ̂ʼ kpâhwǎ duhǒ gúmo yaá, bʉ́á ti e bisʉhʉʉ, byé mû bé ɨ́ miléme lwɨ́ŋlá. Bé ntémé ntɔ̂ʼ kpâhwǎ tô, lɨ́ etó lɛ́ɛ ómpʉ́n mé Yésʉs mpáŋla nyaá.

Mataos 9:8

Jɔ̌ʼ sɔ́má bʉ̂r, yé á bee syɛ́ɛla yaá yɨ́, ekɛ̂n kʉ́ nzě swɨɨ bé menyʉ̂l, bé ntɔ̂ʼ dwě Nzyɛ̌m kûm, ebě, nye á be ó sí bánǎ dwe bʉ̂r nkul jwɨ́ɨ nyaá.

Lʉkas 1:65

Ekɛ̂n nzě swɨɨ bʉ̂r ó sí yaá bɨ́bɛ̂h ɨ́ menyʉ̂l. Bʉr ó sí Yʉ́da, sí mécwɨ̂ʼ, bé á jaa lɨlɛ́ɛ ó, njɨ lɔ́ɔ waá.

Lʉkas 1:68

«Mɨná dwêʼ gá Dâ, dí Nzyɛ̌m bʉ̂r o b'Ɨ́zraɛ̂l nyá, kûm, ebě, nyɨ́ nzě kúl bʉ̂r yé ɨ́ menɔɔlʉ. Nyɨ́ táǎ góo, le edwih mɨ́ná gá ɨ́ mpila mísyóm, pɛʼ mɨ́ná ɨ́ fá.

Lʉkas 19:44

Bé ógbɛ́ɛ gó, Yerʉ́zalɛm, le egbah bwán bô bɨ́bɛ̂h dí go tʉ́ŋlʉ̌ bá. Bé ólíʼe gó ó, abe le ekóʼ kɛlá ɨ́ lʉ́ʉ́ kʉ́, ebě, go bé adweʼě jɔ̌ʼ Nzyɛ̌m á nze go ɨ́ menɔɔlʉ yɨ́.»

Lʉkas 2:20

Píe tɨ̂, opála o bínteme nzě mɔa, swíʼɔɔ. Bê nzě tô le edwě Nzyɛ̌m kûm ɨ́ buo buo ɨ́ lɔ̌b bísá bé á jóʼo le ebee bí. Bisyɛ́ɛla byaá bíbyɛ̂h, byé á kʉ be ó mpʉ bééngeles bé á pa lɛ́ɛ bé yɨ́.

Lʉkas 24:19

Yésʉs ntɔ̂ʼ dî e bé ó: «Yê ba syɛ́ɛ́ gʉ̂?» Bé ntɔ̂ʼ yala e né ó: «Bɨ̌h lwib ó, sá dí edumo e Yésʉs, mʉr Nazarɛ̂t yɨ́. Nye á be ó ngwíha milɔ̌b mé Nzyɛ̌m. Nye á be ó, le ánɨ̂nɨ̂n nkul ɨ́ melab mé le ɨ́ bisyɛ́ɛla nyé á sɨsâ bí. Damá jóʼǒ Nzyɛ̌m, nkʉ̂ ntémé bʉr, bé á si bee nó, bɨ́bɛ̂h.

Lʉkas 5:26

Bʉr bɨ́bɛ̂h, bé á si kâm syɛ́ɛla yaá, ntɔ̂ʼ dwě Nzyɛ̌m kûm, le ejóʼo bʉ́á. Bé ó: «Mɨná bɨ́ bee gá bisá bí ékâm mûh!»

Lʉkas 5:8

Jɔ̌ʼ Simon Pétrus á bee syɛ́ɛla yaá yɨ́, nye ntɔ̂ʼ bɨʼ mébóó sí ɨ́ mpǒm mé Yésʉs. Nye e né ó: «Dâ ɛ̌, ayɨ́ di bǎʼ e me, ebě, me ó mʉrʉ̂m dí syɛ̂l misyóm nyá.»

Lʉkas 7:15

Ndwe ntɔ̂ʼ gbɔlwa sí, dǐ ndîndǐl, nzě táare élwib. Yésʉs nzě tímle nyé nyɔ̌ŋ.

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Lʉkas 8:37

Nó ó bʉ̂r ó Gerázen bɨ́bɛ̂h, bê nzě jɨʼla e Yésʉs ó, nye pʉ́ʼaa ɨ́ sí yɔ́ɔ́, ebě, bé á be ó sí buú kâm syɛ́ɛla yaá. Yésʉs ntɔ̂ʼ kalwo ɨ́ byɛ̂l, swîʼ.

Lʉkas 9:19

Ompʉ́n, bé ntɔ̂ʼ yala ó: «Bâʼ, bé lɨ́ elɛ́ɛ ó, go ó Yʉánɛs Ndubʉr. Bʉ́ʉ́, bé ó, go ó Elie. Bʉ́ʉ́ ntémé, bé ó, go ó nyʉ́ʉ́ ngwíha milɔ̌b mé Nzyɛ̌m á boo dwe, ntɔ̂ʼ báʼǎ pah nyá.»

Yʉanes 1:21

Nó ó bʉ̂r baá, bé á baʼa dî e né ó: «Á gua, go nzé ɛ́? Nzê go ó dí Elie ɛ̌?» Nye ó: «Heʼé, mé abě Elie.» Bé ntɔ̂ʼ dî ó: «Nzê go ó ngwíha milɔ̌b, waá Moyɨ̂z á cɛma ɨ́ lɔ̌b wé nyá ɛ́?» Nye ó: «Yaá! Mé abe nyê.»

Yʉanes 1:25

Nó ó bé á nze dî e né ó: «Yé bé gó abe Mʉ̂r Nzyɛ̌m á lœm múló mé jwɨ́ɨ nyá, abě Elie, abe ntémé ngwíha milɔ̌b waá nó, á gǒ dudǔ bʉ̂r ɨ́ yé ɛ́?»

Yʉanes 4:19

Mʉmá, nye e né ó: «Dâ ɛ̌, go ó kwaha ngwíha milɔ̌b! Mɨ́ bee nó.

Yʉanes 6:14

Bʉr o b'á bee esimá Yésʉs á sâ lɨ́ bá, bê nzě lɛ́ɛ ó: «Mʉr nyâ, nye kʉ́ bě tyeetye ó ngwíha milɔ̌b á jala le enze ɨ́ sí yɨ̂ʼ nyá.»

Yʉanes 9:17

OFarizyɛ̂n nzě báʼǎ díŋɔɔ mʉ̂r á tiʼɔɔ nyá ó: «Guá lɛ́ɛ́ yé, dumo e mʉr bɛ́ɛ́ gó mîh nyá?» Nye ó: «Yé ó ngwíha milɔ̌b mé Nzyɛ̌m.»

Mɨlʉmlʉ 5:5

Lě Ananías á jóʼo mekǎn maá, le nyé á nɔ́ʼa, bwóolǒ sísǐm wé. Bʉr bɨ́bɛ̂h o b'á jóʼo lɔ́ɔ waá bá, nzě buú jóʼɔɔ bʉ́á.

Mɨlʉmlʉ 7:37

«Moyɨ̂z waá ntémé ó b'á lɛ́ɛ e bʉr o b'Ɨ́zraɛ̂l ó: “Nzyɛ̌m ólómlo bɨ́n ngwíha milɔ̌b swîh mpʉ nyé á ntɨh me yɨ́. Nye óbe ó nyɛ̂r Ɨ́zraɛ̂l.”

Galásia 1:24

Nó ó bʉ̂r ó Mbɛ̌r-Nzyɛ̌m baá, byé á nze dwe Nzyɛ̌m kûm ɨ́ lɔ̌b wâm.