Lʉkas 7:13 - Kálar Nzyɛ̌m : Ejwán é Sáá

¹³ Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

Kálara Zyɛ̌m Edwán é mpʉ̌n

¹³ Mbea Da a bee kuho waa ɛ, nye ntɔʼ kʉ ze jwɨʼ we nkoo, ntɔʼ lɛɛ e we ó: «Gwaʼ edwe.»

Lʉkas 7:13 Iomraidhean Croise

Markus 8:2

«Me lɨ́ ejɨ̂ʼ bʉ̂r bâʼ nkoó, ebě, mɨná gá le onɔ́ɔ́, bɨ́ di mélú mélɛ̂l, bé akǎ be e sá ede.

Lʉkas 10:1

Píe tɨ̂, Tî Yésʉs nzě twâr bʉ́ʉ́ bʉ̂r, tâŋ mekám nzaangbá le obá, ntɔ̂ʼ lómo bé dóló, bʉr obá óbá. Bé ntɔ̂ʼ tô bínkana e bínkana byɛ̂h, ɨ́ bisúm bíbyɛ̂h nyé á be ó, nye kúmaa bí.

Lʉkas 11:1

Ɨ́ lʉ́ʉ́ dʉ́o, Yésʉs á be ó yʉ́ʉ́ gúmo lɨ́ ejɨʼla. Jɔʼ nyé á sil ejɨʼla yɨ́, nyʉ́ʉ́ mpʉ́n wé ntɔ̂ʼ lɛ́ɛ e né ó: «Dâ ɛ̌, lɛ́ʼláá bɨ́h esâ mínjɨʼla mpʉ̌ Yʉánɛs Ndubʉr nyɨɛ á lɛ̂ʼle bé ómpʉ́n myaá myɔ́ɔ́ yɨ́.»

Lʉkas 11:39

Nó ó Tî Yésʉs á nze lɛ́ɛ e né ó: «Paá bee gá mpʉ bɨ́n oFarizyɛ̂n dí yɨ́: bɨ̌n sʉsohlo bísʉ́á le bikɔ̂b ó ɨ́ páʼ kʉ̌l. Sâ gwár, bɨ̌n bɨ́ lóno ɨ́ bisá bɨ́n á pa dɛn bí, le sá bɨ́n á sâ e jélé yɨ́.

Lʉkas 12:42

Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Lʉkas 13:15

Tî Yésʉs, nye e né ó: «Bɨ̌n baányâ-mikóo bâ, ɨ́ móhó sábat, bɨ̌n óbɛ̂h, bé lɨ́ etii bíntœœ ndu e bitab bín, lɨ́ etô e byé ɨ́ mentíbé. Nzê yé abe nó ɛ̌?

Lʉkas 17:5

Bʉr o mílʉ́mlʉ́ mé Tî Yésʉs, bé á lɛ́ɛ e né ó: «Bulɨɨ bɨ́h búʼó yɨ́h.»

Lʉkas 17:6

Tî Yésʉs ntɔ̂ʼ yala ó: «Búʼó yɨ́n, yé damá twâʼwo mpʉ dîh é nyʉ́ó, yé bé yé ó mpǎŋ búʼó nó, bɨ̌n bé e nkul elɛ́ɛ e lɨ́ yɨ̂ʼ ó: “Duhaa wâ, go e tó tyɛ̂b ɨ́ mâŋ,” yé ntémé ntɔ̂ʼ sâ bɨ́n mejóʼo.»

Lʉkas 18:6

Nó ó Tî Yésʉs á lɛ́ɛ ó: «Tîʼ milɔ̌b á dwidwe bʉr mebě me mpéne nyá, paá jôʼlo gá sá nyé dí elɛ́ɛ yɨ́.

Lʉkas 19:8

Nó ó Zakéyos á nze tyɛ̂b, le elɛ́ɛ e Tî Yésʉs ó: «Dâ ɛ̌, paá bee! Me múo nzě bɛ̂ʼ bísá byâm ɨ́ bipéh bíbá. Me ónʉa yɨ̂ʼ pêh, tó dwe báántéʼenteʼe o bʉ̂r. Yé bé me á bě sí sâ míkóo, nʉǎ mɔnɨ́ kwá nyʉ́ʉ́ mʉ̂r nó, me óbwóolo nyé yǎ, ntɔ̂ʼ kɛ̌l bím mɔnɨ́ yaá nzɔʼ lɛ̂l tɨ̂ʼ kʉ́.»

Lʉkas 22:61

Nó ó Tî Yésʉs á nze dwira, tô le ebála. Bé e Pétrus ntɔ̂ʼ bɔma mîh. Pétrus ntɔ̂ʼ símsa mékǎn Tî Yésʉs á lɛ́ɛ nye má ó: «Mûh, njʉ́m kúo dína apǎ kwâʼ, go ókɛ́la nzɔ̂ʼ lɛ̂l ó, gó agʉ́a mê.»

Lʉkas 24:3

Bé ntɔ̂ʼ nî ɨ́ soo tʉ́ŋlʉ̌. Sâ gwár, bé á bé akœ̌b múú mé Tî Yésʉs tɨ̂.

Lʉkas 24:34

Bé dína pyâl nɛ́ɛ: bé kœb ó, bʉ́ʉ́ ómpʉ́n lɨ́ elɛ́ɛla páʼ nyɔ́ɔ́ ó: «Yê tyeetye ó, Dâ, nyɨ́ pah! Simon bê sí kʉ́ bee nyê!»

Lʉkas 7:12

Jɔʼ nyé á be, nye mû kúno enî nkana yaá yɨ́, nye ntɔ̂ʼ bee bʉ̂r lɨ́ enkɛ́ɛ̌ múu, lɨ́ etóŋɔɔ e wé ɨ́ dɨlá. Yé á be ó múú étíʼé é mwân mé kúhó mʉ́má. Bʉr ó nkana yaá ɨ́ buo buo, bé á be ó lɨ́ etô e wé pemé mésoo.

Lʉkas 7:14

Nye ntɔ̂ʼ sîhle, mɛ̂r mpɔra múu, yé dína apǎ diblɔɔ. Onkɛ́a ntɔ̂ʼ tyɛ̂b. Nye e múu ó: «Mâ sohó, mě lɛ́ɛ́ gó ó: gbɔlwáa.»

Lʉkas 7:19

lómo bé, bé díʼee Tî Yésʉs ó: “Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?”

Lʉkas 8:52

Bʉr bɨ́bɛ̂h, bé á be ó lɨ́ ejɨ médwê le ebʉ̂ bítím lɨ́ eswie laá. Yésʉs ntɔ̂ʼ lɛ́ɛ e bé ó: «Ayɨ́ kǎ jɨ gâ, ebě, nyé adwe. Nye ɨ́ jô.»

Yʉanes 11:2

(Maria waá ó b'á suʼla ka lœm Tî Yésʉs múlo ɨ́ mekʉ̌, tin mé e mpuo nyé. Nó ó, ntʉ̂m wé, Lazare ó b'á be lɨ́ ebíle.)

Yʉanes 11:3

Bʉbá obá ónɨ̌ nzě lómo mʉ̂r ó, nye tôʼ lɛ́ɛ̌ Yésʉs ó: “Dâ ɛ̌, só gǒ, nye lɨ́ ebíle.”

Yʉanes 20:13

Jɔʼ yaá ó bééngeles bé á dî e né ó: «Mʉmá, gǒ jɨ̌ yé?» Nye ó: «Bɨ́ nzě pɛʼ tî wǎm wâ; me l'agʉ́ǎ nko bê tó e né yɨ́!»

Yʉanes 20:15

Yésʉs nzě dî e né ó: «Mʉmá, gǒ jɨ̌ yé? Nzé ntɔ̂ʼ gó pʉ́gʉ́ di lɨ́ esáa?» Mʉmá waá á jwɨʼ ó, yé á be ó mbɔʼlʉ mesoo. Nye e né ó: «Dâ ɛ̌, yé bé go ô nkɛ́ɛ́ múú wé, tô e wé gúú pâʼ nó, lɛ́yɨ́ɨ́ mê, me ótó nʉa wê.»

Yʉanes 4:1

Nó mpʉ̌ Yésʉs á nze jʉ̂ʼra ó, oFarizyɛ̂n, bɨ́ jóʼo ó, nye mû ó lɨ́ edulo ómpʉ́n le edu bʉ̂r, laǎ Yʉánɛs yɨ́, nye ntɔ̂ʼ duho ɨ́ sí Yʉ́da, nzě tô sí Galilê. (Lɨ́ otyeetye, ntʉ̌ Yésʉs mʉr tɨ̂ʼ á dudu bʉr. Ompʉ́n bé ó b'á dudu.)

Yʉanes 6:23

Mʉ́ʉ́ mɛ̂l ntɔ̂ʼ pyâl, duhǒ Tiberiâs. Mɨ́ nzě pyâl kúnókúno e gúmó bé á de blêr píe jɔʼ Tî Yésʉs á dwe Nzyɛ̌m nzyǒo yɨ́.

1 Korɛnt 7:30

Bʉr o dí ejɨ médwê bá, dǐ mpʉ̌ sá lɛ́ɛ́, bé ajóʼǒ túú ɨ́ léme. Baá dí ejo bá, dǐ mpʉ̌ sá lɛ́ɛ́, bé abe ɨ́ bisʉhʉʉ. Bʉr o dí ebwâm bísâ bá, baʼle byé mpʉ̌ sá lɛ́ɛ́, bisá bé á bwâm bí, byé agúmo e bê.

1 Tesalonika 4:13

Nó ó, bɨ́ɔɔ́ bâm, mě kpɛ̌l ó, bɨ̌n gʉ́ŋaa esúʼlá é bʉ̂r o mû sí dwe bá ɨ́ pébébé. Bɨ́n ójéʼě lɔ̌b waá nó, nyʉ̂l ámû tyɛʼ bɨ́n ɨ́ mpʉ me bʉ̂r o dí abe e mpûʼla ɨ́ miléme ó, bé ópah bá.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.