Lʉkas 7:12 - Kálar Nzyɛ̌m : Ejwán é Sáá

¹² Jɔʼ nyé á be, nye mû kúno enî nkana yaá yɨ́, nye ntɔ̂ʼ bee bʉ̂r lɨ́ enkɛ́ɛ̌ múu, lɨ́ etóŋɔɔ e wé ɨ́ dɨlá. Yé á be ó múú étíʼé é mwân mé kúhó mʉ́má. Bʉr ó nkana yaá ɨ́ buo buo, bé á be ó lɨ́ etô e wé pemé mésoo.

Kálara Zyɛ̌m Edwán é mpʉ̌n

¹² É jɔʼ nye a be, nye mu kunokuno e l'eniŋlɨ e nkana ɛ, nye ntɔʼ bee bʉr lé enkɛɛ muu é zimɨ, lé eto dɨlɔ. Yé a be ó muu etiʼe e mwan mo guu kuho mʉma. Buobuo bʉr o nkana yaa nteme, bé a be ó lé eto mbaa mofoo nko muu wé a be lé etoŋɔ e we e.

Lʉkas 7:12 Iomraidhean Croise

Lʉkas 7:11

Yésʉs nzě tô ɨ́ nyʉ́ʉ́ kwar, díé lé, Nayɨ̂n, bé e sɔ́má bʉ̂r le ompʉ́n bé.

Lʉkas 7:13

Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

Lʉkas 8:42

ebě, eséhé lé, mimbû kám e mimbá, lé á be etíʼé é mwân lɨ́, lé á be ó lɨ́ egûʼra. Bé e Yésʉs mû ɨ́ mpúla nɛ́ɛ: entumo e bʉ̂r kʉ́ nzě mána nyé ɨ́ mempah me nyʉ̂l.

Lʉkas 8:52

Bʉr bɨ́bɛ̂h, bé á be ó lɨ́ ejɨ médwê le ebʉ̂ bítím lɨ́ eswie laá. Yésʉs ntɔ̂ʼ lɛ́ɛ e bé ó: «Ayɨ́ kǎ jɨ gâ, ebě, nyé adwe. Nye ɨ́ jô.»

Yʉanes 11:19

OYúden ɨ́ buo buo, bé á bě sí nze, lɨ́ enzě beě Mááta, bé e Maria lɨ́ eswie e ntʉ̂m wɔ́ɔ́.

Mɨlʉmlʉ 9:39

Nó Pétrus á mɔa sí, bé e boo nɔ́ɔ́ nzě tô. Jɔʼ bé á pyâl yɨ́, bê nzě tô e né ɨ́ ntɔ́ɔ mbɛ̌r nyaá. Mikúhó mí bʉ́bá mímyɛ̂h, myé ntɔ̂ʼ sîhlě bǎʼ e né, le ejɨŋɔɔ médwê. Bé ntɔ̂ʼ lɛ̂ʼle Pétrus mintɔra mi kʉ́ le okʉ̂r Dɔ́rkas á lar bé ɨ́ jɔʼ nyé á be apǎ dwe yɨ́.

Mɨlʉmlʉ 9:41

Pétrus ntɔ̂ʼ mɛ̂r nyé ɨ́ mbô, gbɛl nyé sí. Nye nzě jébe bʉ̂r o mé Nzyɛ̌m ti e mikúhó mí bʉ́bá, lɛ̂ʼle bé nyǎ, nye mû sí pah.

Jacques 1:27

Mpǎŋ búʼó ɨ́ míh mé Nzyɛ̌m Sɔ́ŋ ɨ́ pémémé, yé ó nɛ́ɛ: mʉr tôʼ bwá bé ónyʉ̌l ɨ́ menɔɔlʉ. Nye súʼaa ntémé mikúho mi dí esia e mitúú mí. Nye díʼee e ncɛrá le bisá bí sí yɨ̂, lɨ́ esú ó, byé ayɨ́ kala nyé bilœ̌ʼ byɔ́ɔ́.