Lʉkas 6:8 - Kálar Nzyɛ̌m : Ejwán é Sáá

⁸ Tó kœb ó, Yésʉs á be ó lɨ́ ekʉ́ gʉ́a bíjwɨʼ byɔ́ɔ́ bíbyɛ̂h. Nye e mʉrʉ̂m á be e mbô ɨ́ swâm swâm nyá ó: «Gbɔlwaa sí. Tyɛ́bɨ́ɨ́ tîtyěl témé bʉr bâ.» Nye ntɔ̂ʼ gbɔlwa sí, tyɛ̂b tîtyěl.

Kálara Zyɛ̌m Edwán é mpʉ̌n

⁸ To kœb ó, Yesʉs a be ó lé ekʉ gʉa bɨjwɨʼ byɔɔ. Nye e mʉrʉm a be e mbo é fwam-fwam nɨ ó: «Mʉŋa si, cyɛba teme bʉr ba.» Nye ntɔʼ mʉa si, cyɛb cɨcyel.

Lʉkas 6:8 Iomraidhean Croise

Mataos 9:4

Mpʉ̌ Yésʉs á gʉ́a bijwɨʼ byɔ́ɔ́ yɨ́, nó ó nyé á nze dî e bé ó: «Bɨ̌n bé lɨ́ edi e bibɨ́bla bíjwɨʼ bínɨ̌ ɨ́ milémé mín ɨ́ yé?

Markus 3:3

Yésʉs nzě lwib e mʉr á be e mbô ɨ́ swâm swâm nyá. Nye e né ó: «Gbɔlwaa sí témé bʉr bâ!»

Lʉkas 13:12

Jɔ̌ʼ Yésʉs á bee nye nó yɨ́, nye ntɔ̂ʼ jébe nyê. Nye e né ó: «Mʉmá, ekpaa lô, lɨ́ síe.»

Lʉkas 5:22

Sâ gwár, Yésʉs á be ɨ́ gʉ́a mésónó bé á sóŋlo nye má. Nó nyé á yala e bé ó: «Bɨ̌n bé lɨ́ esóŋlo ɨ́ milémé mín ɨ́ yé?

Lʉkas 6:9

Yésʉs nzě lɛ́ɛ e bé ó: «Me lɨ́ edî bɨ́n ó: le embɨa, le ebébe, etié gá lɨ́ná, lé kamle ó, mʉr sâʼ yé ɨ́ móhó sábat? Le etiʼ mʉ̂r, le ejʉ̂ mʉ̂r: lé kamle yé?»

Yʉanes 2:25

Nye á bé agwɨ̂m ó, mʉr tɨ́aa nye sɔ̂ʼ dumo e mʉr, ebě, nye mʉr tɨ̂ʼ á be ɨ́ gʉ́ǎ sá dí ɨ́ lémé mʉ̂r yɨ́.

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Yʉanes 9:4

Mɨná sâʼ gá syɛ́ɛla me Mʉ̂r á ntɨh me nyá, yé dína móhó, ebě, pum, wé mû ó lɨ́ enzě dwíne, mʉr akǎ be e nkul eséa.

Mɨlʉmlʉ 20:24

Mɛm bee yɨ́ɛ ó, twiʼ yâm, yé abe mé dimé sɔ̂ʼ. Nyɔm wâm, wê njɨ ó, me swímɨɨ ɨ́ duo bíjʉ́ʉ́, tó pyâl lɨ́ odumo, le eswâhlě syɛ́ɛ́ Tî Yésʉs á líʼe me e yǎ yɨ́: yé ó, etúnǒ Mbɨambɨa Lɔ́ɔ́ mé Nzyɛ̌m.

Mɨlʉmlʉ 26:26

Njwɨ́ɨ̌ Agrípa á si lɛ́ɔɔ bísá bî. Nó mě e nkul elwib ɨ́ hwɨ́m ɨ́ míh mé. Mě bûʼlá ó, nye lɨ́ egʉ́ǎ syɛ́ɛla yaá yɨ́yɛ̂h, ebě, bisyɛ́ɛla bi tɨ̂, byé á bé asyɛ́ɛ ɨ́ mesǒ.

Filipi 1:28

Mě kpɛl éjóʼo ntémé ó, bɨ̌n bé akǎ jóʼo ékɛ̂n lɨ́ ontɨ̂m le obɨn bɨ́n. Mpʉ bé dí ebene bɨ́n, bɨ̌n bɨɛ l'akpɛ́ɛ bé yɨ́, yé ó dǐm éswie lɔ́ɔ́, ó bé ódîm. Ɨ́ páʼ wɨ́n wɨ́ɛ, yé ó jwɨʼ dí elɛ̂ʼle ó, bɨ̌n bé e twǐʼ njʉ̌m dǐ Nzyɛ̌m dí edwe yɨ́.

Ebrœ̂ 4:13

Yé abe e yʉ́ʉ́ kwihá sɔ̂ʼ dí solá ɨ́ míh mé Nzyɛ̌m. Sá yɨ́yɛ̂h nyé á komlo yɨ́, yé ɨ́ ponó, ɨ́ nkɛŋlɛ̂m ɨ́ míh mé. Bíbyɛ̂h, byé ókar mínkar myɔ́ɔ́ ó, ɨ́ mpǒm nyé.

1 Pyɛr 4:1

Krîst á si sia e mitúú ɨ́ nkǒ páʼ nyʉ̂l bipúno. Sá tɨ̂ʼ ó bɨ́n jálá le eboó bǐ mbǐ pahlá ngwár nyé á be e wé wɨ́ yɨ́, ebě, waá mû sí sia e mitúú ɨ́ nkǒ páʼ nyʉ̂l bipúno nyá, nyé abe lɨ́ ekǎ sɨsâ ébébe.

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.