Lʉkas 6:6 - Kálar Nzyɛ̌m : Ejwán é Sáá

⁶ Ɨ́ gúú móhó sábat, Yésʉs ntɔ̂ʼ nî ɨ́ nyʉ́ʉ́ mpáh minjɨʼla, nzě lɛ̂ʼle bʉ̂r tɨ̂. Yé á be ó e nyʉ́ʉ́ mʉ̂r á be e mbó éjʉ́m wé ɨ́ swâm swâm nyá.

Kálara Zyɛ̌m Edwán é mpʉ̌n

⁶ É guu moho saba, Yesʉs a be ó si ni é nuu mpah mɨnjwɨʼla, ze yeʼle bʉr. Tɨʼ é mpah mɨnjwɨʼla waa, yé a be ó e nuu mʉr a be e mbo ejʉm we é fwam-fwam ɨ.

Lʉkas 6:6 Iomraidhean Croise

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Lʉkas 13:10

Ɨ́ gúú móhó sábat, Yésʉs á be ó lɨ́ elɛ̂ʼle bʉ̂r o b'á be ɨ́ mpáh minjɨʼla bá.

Lʉkas 14:3

Yésʉs ntɔ̂ʼ dî le olɛ̂ʼla o métié, bé le oFarizyɛ̂n ó: «Nzê yê mpéné ó, mʉr atǐʼ mbêl ɨ́ móhó sábat ɛ̌?»

Lʉkas 4:16

Yésʉs nzě tô kwár nyé, Nazarɛ̂t, gúmó nyé á bwaʼ mʉr yɨ́. Móhó sábat, wê nzě pyâl. Nye nzě nî ɨ́ mpáh minjɨʼla, ebě, yé á boo be ó ɨ́ metum mé. Nó nyé á nze tyɛ̂b tîtyěl, láǎ péh Mékaná mé Nzyɛ̌m.

Lʉkas 4:31

Yésʉs á si baʼa tô Kapernáʉm, nyʉ́ʉ́ kwár ɨ́ sí Galilê. Nye nzě báʼǎ dwe bʉ̂r milɛ́ʼlá ɨ́ móhó sábat.

Lʉkas 6:1

Ɨ́ gúú móhó sábat, Yésʉs, bé le ompʉ́n bé, bé á be ó lɨ́ ecɨɨ témé bipemé méde. Ompʉ́n bé nzě nyɛl ébúʼo mítú mí mpíha ɨ́ bipemé byaá, goblɔɔ, mwâʼlɔɔ mpúmó, nzě gɔ́na le ede.

Lʉkas 6:5

Yésʉs ntɔ̂ʼ lɛ́ɛ e bé ó: «Mwân mé Mʉr ó dí njwɨ́ɨ sábat.»

Yʉanes 5:3

Ɨ́ mempáh maá ó mímbêl ɨ́ buo buo, myé á jɨjâ yɨ́, táare e bʉr o b'á bíle bá, le baántím, le bʉr o dí etɨ́a bá, le bʉr o b'á be e bitíl bí nyʉ̂l ɨ́ swâm swâm bá.

Yʉanes 9:16

Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.