Lʉkas 6:30 - Kálar Nzyɛ̌m : Ejwán é Sáá

³⁰ Mʉr nyɨnyɛ̂h jáʼ gó sɔ̂ʼ nyá, bɨ̌n e dwé nyé yǎ. Ató dû bísá bʉ̂r, bé á dɛn bí.

Kálara Zyɛ̌m Edwán é mpʉ̌n

³⁰ ǃƗ mʉr si jaʼ go sɔʼɔ nɛʼɛ, go à dwe nye ya. Adu bɨsa bʉr lé edɛn go e.

Lʉkas 6:30 Iomraidhean Croise

Mataos 18:35

Yésʉs nzě kɛl tɨ̂ʼ ó: «Bɨ́n óbe, apɛʼ e milémé mín mímyɛ̂h, bibaa bí ébébe bɨ̂n pa niʼé bɨ́ɔɔ́ bɨ́n bí nó, Sɔ́ŋ wǎm dí ɨ́ jʉ́o kʉ́ nyá, nye ákam épɛʼ bíbaa nyé á niʼe mʉr nyɨnyɛ̂h ɨ́ sɔ́má yɨ́n bí.»

Mataos 5:39

Nó mɛ̌m lɛ́ɛ́ bɨ́n ó: alwímla gá e mʉr dí esâ bɨ́n ebébe nyá. Mʉ̂r ŋmɛ́h gó bɛ̂h lɨ́ emúʼ lé éjʉ̂m nó, bírɨ́ɨ́ ntémé ó, nye ŋmɛ́hɛɛ ɨ́ laá lé émyɛ̌l.

Mataos 6:12

Pɛʼɛɛ bíbaa bí ébébe gó dí eniʼe lɨ́ misyóm míh bí, ɨ́ mpʉ bɨ́h ntémé mû sí pɛʼ bíbaa bí ébébe bɨ́h á niʼe bʉr o b'á sâ bɨ̌h ebébe bá yɨ́.

Lʉkas 11:41

Dwéʼ gá baántéʼenteʼe o bʉ̂r sá dí ɨ́ bisʉ́á bín tʉ́ŋlʉ̌ yɨ́. Bɨ̌n bé óbee ó, bisʉ́á bín bíbyɛ̂h, byé ó mbɨ̂mbɨá ɨ́ míh mé Nzyɛ̌m.

Lʉkas 12:33

Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Lʉkas 18:22

Jɔ̌ʼ Yésʉs á jóʼo nó yɨ́, nye nzě lɛ́ɛ e né ó: «Yé lɨ́ esáa gó sâ gwár. Tóʼ, tó bɛ́ma bísá bíbyɛ̂h gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Lʉkas 6:29

Mʉ̂r ŋmɛ́h gó bɛ̂h ɨ́ lɨ̂ʼ émúʼ nɛ́ɛ: bírɨ́ɨ́ nyé ó, nye ŋmɛ́hɛɛ go ntémé lʉ́ʉ́. Mʉ̂r dɛ́ʼ gó kʉ̂r nó, bírɨ́ɨ́ nyê, nye nʉ́aa ndu e dur.

Lʉkas 6:31

Mpʉ bɨ́n dí egwɨ̂m ó, bʉr sâʼ bɨ̌n yɨ́, sáʼ gá ntémé bé nó.

Lʉkas 6:38

Dwéʼ gá bʉr bisâ, bɨ̌n ntémé bé ódweŋɔɔ byê. Nzyɛ̌m ójwɨʼ bɨ́n byǎ e kǎr dí ɨ́ bwǎʼ mo yɨ́. Nye ókaale bɨ́n byǎ ó, le esʉ, le edine, le esʉ, le edine, gúú pâʼ tɨ̂ʼ swɨɨ sí. Bím bɨ́n dí ekaale bʉ́ʉ́ bʉ̂r yɨ́, bím yaá ntémé ó nyé ngá kaale bɨ́n yɨ́.»

Mɨlʉmlʉ 20:35

Bisyɛ́ɛla byâm bíbyɛ̂h, byê bɨ̌n ó mveʼle. Byé lɛ́ʼlé bɨ́n ó mpʉ bɨ́n jálá le eséǎ syɛ́ɛ́, le ekɛm bʉ̂r mû sí tyɛʼ bá yɨ́, ebě, mɨná bé lɨ́ esímsa gá mekǎn Tî Yésʉs mʉr tɨ̂ʼ á lɛ́ɛ má. Mé ó: “Le mʉr dí edwe nyá, le waá dí enʉa nyá, waá dí edwe nyá ó dí ebuú sʉŋɔɔ métyɛʼ me mpóm.”»

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Éfɛsɔs 4:28

Mʉr á bɨbe ndíblʉ̌ nyá, nye gwáʼaa díbe. Nye séaa syɛ́ɛ́ dí e nyɔm yɨ́, e mebó mé, ɨ́ mbi dí ó, nye díʼee e sá nyé ósúʼo báántéʼenteʼe o bʉ̂r e yé yɨ́.