Lʉkas 6:23 - Kálar Nzyɛ̌m : Ejwán é Sáá

²³ Sohaa gá ɨ́ dʉ́o laá. Lyáháá gá ɨ́ lɔ̌b bísʉhʉʉ, ebě, myɛ́na mɨ́n, mé ɨ́ buo. Mé ó komá ɨ́ jʉ́o kʉ́. Bimpám bi bʉ̂r o dí ebene bɨ́n bá, byé á bɨbe ó lɨ́ esâ bísyɛ́ɛla bimpwár byaá, lɨ́ etíble ógwíha o mílɔ̌b mé Nzyɛ̌m.

Kálara Zyɛ̌m Edwán é mpʉ̌n

²³ Soha ga é dobo laa. Lyaha ga e bɨsʉhʉ. Myɛna monɨnɨ le embɨa, byé ebono bɨn é jobo kʉ. Bɨmpam byɔɔ, byé a be ó lé etíile ogwiha o mɨlɔb no.»

Lʉkas 6:23 Iomraidhean Croise

Mataos 5:12

Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»

Lʉkas 1:41

Njóʼá Elisabeth á jóʼo meswɨhlɨ mé yɨ́, mwân nzě kubla nyé ɨ́ mo! Tyé e tyé yaá, Elisabeth á be ó, nye mû lwɨ́ŋlá e Sísǐm mé Nzyɛ̌m.

Lʉkas 1:44

Paá bee: le méswɨhlɨ mô kpáhlá mé ɨ́ megwǎl, le mwân ntɔ̂ʼ kubla mé ɨ́ mo ɨ́ bisʉhʉʉ!

Lʉkas 6:35

Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

Mɨlʉmlʉ 14:10

Nó ó Pɔ̂l á lɛ́ɛ nye e twíí kʉ́kʉ́ ó: «Gbɔlwáa. Tyɛ́bɨ́ɨ́ tîtyěl e mekʉ̌ mô.» Nye ntɔ̂ʼ gbɔlwa ɨ́ bʉ̂b, táarě tyen.

Mɨlʉmlʉ 3:8

Mʉr waá ntɔ̂ʼ gbɔlwa sí ɨ́ nkwɨ́ɨlɨ́, tyɛ̂b tîtyěl, nzě táare étye. Bé e bʉr o mílʉ́mlʉ́, bê nzě nî mpáh Nzyɛ̌m. Nye á be ó lɨ́ etye, le elyâh, le egúmlǒ Nzyɛ̌m.

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Rôm 5:3

Damá jóʼo mítúú mɨ́ná dí esia gá e myé mí, mɨná bé lɨ́ ekʉ́ bánǎ nkʉ́na gâ, ebě, mɨná bé lɨ́ egʉ́a gá ó, baá o dí esia e mitúú bá, bé ójɨ̂ʼ bíhwó tɨ̂.

2 Korɛnt 12:10

Sá tɨ̂ʼ ó mé dí e bisʉhʉʉ ɨ́ léme yɨ́, ó me díʼee tyɛʼbol, me lwɨ́ɔɔ, me síaa e mitúú e mindɛ̌l, le ntémé, me tíblɔɔ le esáŋɔɔ míngamla lɨ́ esú mé Krîst. Ebě, ɨ́ jɔʼ mé dí lɨ́ etyɛʼ yɨ́, ɨ́ jɔʼ gwár e gwár yaá ó mé dí e nkul ntémé.

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

2 Timotɛ 2:12

Mɨ́ná dúhwó gá mitúú nó, mɨná gá le onɔ́ɔ́ di ntémé ojwɨ́ɨ. Mɨ́ná kɛ́lá gá nye nó, nye ntémé kɛ́la mɨ́ná gâ.

Ebrœ̂ 11:26

Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

Ebrœ̂ 11:6

Nzyɛ̌m ákóʼó kpɛl mʉ̂r dí abe e búʼó nyá. Búʼó ó dí esâ ó, mɨná gʉ́ŋaa gá ó, Nzyɛ̌m, nye ó tɨ̂ʼ tyeetye. Búʼó ntémé ó dí elɛ̂ʼle mɨ́ná gá ó, nyě dwé myɛ́na mé émbɨa ó, njɨ bʉr o dí edû nyé bá. Abe e búʼó yaá nɛ́ɛ: lɛ́ɛ́, yé abe e mʉr ngwár ngá sîhlě nkǒ Nzyɛ̌m dí yɨ́.

Jacques 1:2

Bɨ́ɔɔ́ bâm! Okɛ́l bâm! Jɔʼ bé dí ebóblo bɨ́n mimbi mímyɛ̂h yɨ́, bɨ̌n e gʉ́á ó, yê bɨ̌n ó jɔʼ bísʉhʉʉ.

1 Pyɛr 4:13

Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

Mɨngwiha 2:17

Mekǎn Sísǐm dí elɛ́ɛ bʉ̂r ó Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé mede dí eduho ɨ́ jʉ́o kʉ́ má. Mede maá, mé ó lɨ́ esǒ. Me ntémé ódwe nyé ekóʼ épúmó. Díé lé, lé óbe ó tɨ̂ʼ cɛmá. Díe laá, lé ó edwán é díé lé. Nyʉ́ʉ́ mʉ̂r swîh, nyé abe e nkul egʉ́a lê, njɨ waá dí ebi lé nyá.

Mɨngwiha 2:26

Bʉr o ngá ntaa, búla le onkɔ́ɔ́, baá ngá séǎ syɛ́ɛ́ yâm, tó pyâl lɨ́ esíé bá, me ódil bé ɨ́ bidǐ bí ójwɨ́ɨ. Bé ojwɨ́ɨ bʉ̂r o bíkúl bíbyɛ̂h.

Mɨngwiha 2:7

Mekǎn Sísǐm mé Nzyɛ̌m dí elɛ́ɛ̌ Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé nkul epyâl ɨ́ Paradîs. Nyé odě bumó lɨ́ twiʼ.»

Mɨngwiha 21:7

Waá óntaa, búla le onkɔ́ɔ́ nyá, ónʉa médíbé maá, jala e nkɔb líʼe nyé. Me óbe ó Nzyɛ̌m wé. Nye óbe mé ó mwân.

Mɨngwiha 3:12

Baá bé óntaa, búla le onkɔ́ɔ́ bá, me ótyêl bé mpʉ médwii ɨ́ mbɛ̌r me Sɔ́ŋ wǎm. Bé ótyɛ̂b ɨ́ lyahwó. Yé ákǎ be e sá yé ópyêl bé tɨ̂. Me ócɛma díé mé Nzyɛ̌m ɨ́ menyʉ́l mɔ́ɔ́. Me ócɛma ntémé díé é nkana mé Nzyɛ̌m, yaá dí edwán é Yerʉ́zalɛm yɨ́. Nzyɛ̌m óntɨ̌h nkana yaá kâʼ sí, duho ɨ́ jʉ́o kʉ́. Me ócɛma ntémé edwán é díé lâm ɨ́ menyʉ́l mé bʉ̂r baá.

Mɨngwiha 3:5

Baá bé óntaa, búla le onkɔ́ɔ́ bá, me óbôr bé mikán ɨ́ pumo pumo. Me ápɛʼ míé mɔ́ɔ́ ɨ́ mekaná mé twiʼ. Me ólɛ́ɛ Sɔ́ŋ wǎm, bé e beéngeles bé ó: “Baá bâm bê.”