Lʉkas 6:19 - Kálar Nzyɛ̌m : Ejwán é Sáá

¹⁹ Mʉr nyɨnyɛ̂h ɨ́ sɔ́má bʉ̂r baá á be lɨ́ esáa édǐ kúna e né ɨ́ lɔ̌b nkûl á duduho ɨ́ nye, nyé á be e né ɨ́ nyʉ̂l nyɨ́. Nye á si tiʼ bɨ́bɛ̂h.

Kálara Zyɛ̌m Edwán é mpʉ̌n

¹⁹ Bʉr bɨbɛh é mpampaʼ bʉr yaa, bé a be ó lé esaa ó, bé dɨʼe kuna e nye, diŋa ó, bé ótiʼe. Nkul a be ó si duho é Yesʉs, nye ntɔʼ tiʼ mɨsyoblʉ mimyɛh myé a be tɨʼ ɨ.

Lʉkas 6:19 Iomraidhean Croise

Mataos 14:36

Bê nzě jɨʼla e né ó, nye kámaa ó, bé jáa kúna njɨ le empah é kán wé. Mʉr nyɨnyɛ̂h á kúna e né nyá, á si tiʼe.

Markus 3:10

Ebě, nye á si bu tiʼ bʉr. Nó, mimbél mímyɛ̂h, myé á be lɨ́ ekpɛl ékúna e né.

Markus 5:30

Ɨ́ tyé gwár yaá, Yésʉs ntɔ̂ʼ jʉ̂ʼra ɨ́ nye mʉr tɨ̂ʼ ó, nyʉ́ʉ́ nkûl bé ɨ́ duho nyé ɨ́ nyʉ̂l. Nye nzě dwira témé bʉr, ntɔ̂ʼ dî ó: «Nzê kúná e mikán myâm ɛ̌?»

Markus 6:56

Ɨ́ gúmó yɨ́yɛ̂h Yésʉs á tʉtô yɨ́, ɨ́ mekwár, le binkana ndu e mempɔ́ɔ́, bʉr, bé á be ó, lɨ́ enze e mimbél myɔ́ɔ́, dyéʼɔɔ myé ɨ́ mebɛhɛɛ, bɨ́ɛ lɨ́ ejɨʼla e né ó, nye kámaa ó, bé jáa kúna njɨ le empah é kán wé. Mʉr nyɨnyɛ̂h á kúna e né nyá, á si kʉ tiʼe.

Markus 8:22

Bê nzě pyâl Bétsɛ́da. Bʉr ntɔ̂ʼ nze nyé le ántím, nzě jɨʼla e né ó, nye kɛ́lɨɨ nye mbô.

Lʉkas 5:17

Ɨ́ lʉ́ʉ́ dʉ́o, Yésʉs á be ó lɨ́ edwe éntumo e bʉ̂r milɛ́ʼlá. OFarizyɛ̂n, le olɛ̂ʼla o métié, bé á be ó tɨ̂ʼ ɨ́ sɔ́má yaá mindîndǐl. Bé á duho ó ɨ́ mekwár mɨ́mɛ̂h mé sí Galilê le maá mé sí Yʉ́da; bâʼ duho ntémé Yerʉ́zalɛm. Nkul mé Nzyɛ̌m á be lɨ́ enyɨ̂n ɨ́ nye ɨ́ tiʼá nyé á titiʼ bʉr wɨ́.

Lʉkas 6:18

Bé á nze ó, bé jôʼlaa milɛ́ʼlá mé Yésʉs, le enzě sáa ntémé ó, nye pɛ́ʼɛɛ mekpaa mɔ́ɔ́. Nye á si tiʼ bʉr o mímbɨ́a mísísǐm, myé á nzɨnzamra bá.

Mɨlʉmlʉ 19:12

Nó ntémé, osana o míkán ndu e bipéh míkán Pɔ̂l á kúna e byé bí, bʉr nzě nʉnʉa byê, nzě gɔ́na le ebɨ̂bab mímbêl byǎ ɨ́ menyʉ̂l, myé ntɔ̂ʼ tiʼe. Mimbɨ́a mísísǐm ntémé duho bé ɨ́ menyʉ̂l.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.