Lʉkas 5:9 - Kálar Nzyɛ̌m : Ejwán é Sáá

⁹ Simon á be ó lɨ́ ejóʼo ékɛ̂n ɨ́ buo buo. Bʉr o bé le onɔ́ɔ́ bé á be bá, bé ntémé, bé á si jóʼo ekɛ̂n jwɨʼ gwár yaá, ebě, osû bé á ka jʉ̂ bá, bé á be ɨ́ buú buo.

Kálara Zyɛ̌m Edwán é mpʉ̌n

⁹ Simɔn a be ó lé ejehe bim ofu bé a jʉ ɨ, bé e bʉr o bé e boo nɔɔ, bé a be e.

Lʉkas 5:9 Iomraidhean Croise

Markus 9:6

Pétrus á bé agʉ́a ékǎn nyé á jala le elwib e né lɨ́, ebě, bé e bʉ́ʉ́ ómpʉ́n, bé á be ɨ́ buú jóʼo bʉ́á.

Lʉkas 2:18

Bʉr bɨ́bɛ̂h o b'á jóʼo lɔ́ɔ waá bá, bê nzě buú kámɔɔ̌ sá ópála o bínteme bé á lɛ́ɛ, dumo e milɔ̌b myaá yɨ́.

Lʉkas 4:32

Bé á be ɨ́ buú kâm mbi mílɛ́ʼlá nyé á dwidwe bé mí, ebě, nye á dwe myé ó e nkul jwɨ́ɨ.

Lʉkas 4:36

Bʉr bɨ́bɛ̂h nzě kâm, nzě gɔ́na le elwibla páʼ nyɔ́ɔ́ ó: «Wɨ̂ʼ mbi mékǎn duho wó? Nyě e nkul jwɨ́ɨ dí ó, nye lɨ́ ejwɨ́ɨ mímbɨ́a mísísǐm, myê bánǎ duho!»

Lʉkas 5:10

Jacques, bé e Yʉánɛs, bwán mé Zebedê, bé ntémé á be lɨ́ ejóʼo ékɛ̂n laá. Bé e Pétrus ó b'á syɛŋa mebô lɨ́ ebwâm byɛ̂l waá. Yésʉs nzě lɛ́ɛ e Simon ó: «Sá akpɛ́ɛ. Táare ɨ́ báánâ, go óbe ó ndul bʉr.»

Lʉkas 5:8

Jɔ̌ʼ Simon Pétrus á bee syɛ́ɛla yaá yɨ́, nye ntɔ̂ʼ bɨʼ mébóó sí ɨ́ mpǒm mé Yésʉs. Nye e né ó: «Dâ ɛ̌, ayɨ́ di bǎʼ e me, ebě, me ó mʉrʉ̂m dí syɛ̂l misyóm nyá.»