Lʉkas 5:30 - Kálar Nzyɛ̌m : Ejwán é Sáá

³⁰ OFarizyɛ̂n, bé le olɛ̂ʼla o métié bé e boo nɔ́ɔ́ bé á be nkɔ̌m mpwár bá, bê nzě gɔ́na le elwib ɨ́ bébe bébe dumo le ompʉ́n mé Yésʉs, le elɛ́ɛ ó: «Bɨ̌n bé lɨ́ ede méde le menyoʼ, bɨ̌n le onwɨa ó mɔnɨ́ tœ́a le osyɛ̂l o mísyóm ɨ́ yé?»

Kálara Zyɛ̌m Edwán é mpʉ̌n

³⁰ OFarizyɛŋ bé e l'oyeʼle o motie bé e boo nɔɔ, bé a be nkɔm ngwar ɨ, bé ze taare lé etooro ompʉn mo Yesʉs, le elɛɛ ó: «Ebe yé bɨn lé emɛʼle lé ede mode le enyʉl monwoʼ, bɨn lé epuhba mobo e l'onwɨa o tœa ndwe e bʉr o ndɨ é bul jwɨ̂ʼlɨ e mɨsyem ɨ?»

Lʉkas 5:30 Iomraidhean Croise

Mataos 5:46

Bɨ́n ójaá kpɛ̌l njɨ bʉr o kpɛ́l bɨ́n bá nó, á bɨ̌n bé óbóno myɛ́na mé Nzyɛ̌m náǎ yáǎ sûm ɛ̌? Bʉr o dí enʉǎ mɔnɨ́ tœ́a bá, bé sá ntémé ó, jwɨʼ gwár mpʉ bɨ́n dí esâ nɨ̌!

Mataos 9:11

Mpʉ óFarizyɛ̂n, bé á bee sâ yaá yɨ́, bê nzě dî le ompʉ́n bé ó: «Lɛ̂ʼla wɨ́n, nye lɨ́ epûhla mébô lɨ́ ebánǎ de e bʉr o dí enʉǎ mɔnɨ́ tœ́a bá, le osyɛ̂l o mísyóm ɨ́ yé?»

Markus 2:16

Olɛ̂ʼla o métié, bé á be ɨ́ nkɔ̌m oFarizyɛ̂n bá, mpʉ bé á bee nye lɨ́ epûhla mébô lɨ́ ebánǎ de le osyɛ̂l o mísyóm le onwɨa ó mɔnɨ́ tœ́a yɨ́, bé ntɔ̂ʼ dî le ompʉ́n bé ó: «Nyě púhlá mébô lɨ́ ebánǎ de le onwɨa ó mɔnɨ́ tœ́a, le osyɛ̂l o mísyóm ɨ́ yé?»

Markus 7:3

Tó kœb ó, oFarizyɛ̂n ndu e bʉ́ʉ́ óYúden bɨ́bɛ̂h, bé abe lɨ́ ede, apǎ nyɛɛ́ jwɨɨ mébô mbɨ̂mbɨá. Bé sá nó ó, lɨ́ okán bé dí ekánwo métum me myâ bímpám byɔ́ɔ́, byé á líʼe má.

Markus 9:16

Nye nzě dî e bé ó: «Bɨ̌n le onɔ́ɔ́ lwib yé ɛ́?»

Lʉkas 18:11

Farizyɛ̂n waá ntɔ̂ʼ tyɛ̂b, nzě jɨʼlǎ mbi wɨ̂: “Dâ Nzyɛ̌m, me lɨ́ edwe gó nzyǒo, ebě, mé abě mpʉ bʉ́ʉ́ bʉ̂r. Bâʼ, bé lɨ́ edɛn bímɔnɨ́ byé onkán; bʉ́ʉ́, bé ó osyɛ̂l o mísyóm; bʉ́ʉ́ ntémé, osyɛ̂l o médyɛ̂n. Me lɨ́ edwe gó nzyǒo, ebě, mé abě mpʉ nwɨ́a mɔnɨ́ tœ́a nyâ.

Lʉkas 19:7

Bʉr bɨ́bɛ̂h bé á bee syɛ́ɛla yaá bá, bé á si lwib lɔ̌b waá minyimla. Bé ó: «Mʉr nyâ, nyɨ́ tó jâ ɨ́ mbɛ̌r syɛ̂l misyóm!»

Lʉkas 5:17

Ɨ́ lʉ́ʉ́ dʉ́o, Yésʉs á be ó lɨ́ edwe éntumo e bʉ̂r milɛ́ʼlá. OFarizyɛ̂n, le olɛ̂ʼla o métié, bé á be ó tɨ̂ʼ ɨ́ sɔ́má yaá mindîndǐl. Bé á duho ó ɨ́ mekwár mɨ́mɛ̂h mé sí Galilê le maá mé sí Yʉ́da; bâʼ duho ntémé Yerʉ́zalɛm. Nkul mé Nzyɛ̌m á be lɨ́ enyɨ̂n ɨ́ nye ɨ́ tiʼá nyé á titiʼ bʉr wɨ́.

Lʉkas 5:21

Nó ó ólɛ̂ʼla o métié, bé le oFarizyɛ̂n, bé á nze taare esóŋlo nye. Bé ó: «Nyâʼ mʉ̂r dí esâ Nzyɛ̌m nkěh nyâ, nye nzé? Nzé dí e nkul epɛʼ bíbaa bí ébébě Nzyɛ̌m á niʼe bí? Njɨ Nzyɛ̌m nye omér!»

Lʉkas 7:34

Jɔʼ yɨ̂, Mwân mé Mʉr, nyɨ́ kǎ pyâl: nye lɨ́ ede méde, de ményoʼ. Bɨ̌n bé ó: “Paá bee gá sâ ángʉ̂ngʉ̌l nɨ̌, ndɨ̂l menyoʼ, só bʉr o dí enʉǎ mɔnɨ́ tœ́a bá, só osyɛ̂l o mísyóm.”

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Mɨlʉmlʉ 23:9

Bé á be ɨ́ buú bɨ̂n métwíí kʉ́ e nkul. Nó ó bʉ́ʉ́ ólɛ̂ʼla o métié ɨ́ sɔ́má bʉ̂r o nkɔ́m oFarizyɛ̂n, bé á tyɛ̂b tîtyěl, ntɔ̂ʼ lwib e nkul nyɨnyɛ̂h ó: «Bɨ̌h bé abeě sá ébébe ɨ́ mʉr nyâ. Yʉ́ʉ́ jɔʼ, yé á be ó sísǐm, nkʉ̂ ntɔ̂ʼ ó, éngeles ó b'á lwib e né.»