Lʉkas 5:24 - Kálar Nzyɛ̌m : Ejwán é Sáá

²⁴ Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr ó dí e nkul jwɨ́ɨ ɨ́ sí yɨ̂ʼ lɨ́ esú ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye ntɔ̂ʼ lɛ́ɛ e mbʉ́mbʉ́ʼ ó: «Mě lɛ́ɛ́ gó ó, gbɔlwáa. Go e nkɛ́ɛ́ joó yô. Go e tó kwár nyǒ.»

Kálara Zyɛ̌m Edwán é mpʉ̌n

²⁴ Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ze lɛɛ e mbʉmbʉʼ ó: «Me lɛɛ e go ó: Mʉŋa, nkɛŋɨ tɔɔ go. Go à to kwar go.»

Lʉkas 5:24 Iomraidhean Croise

Mataos 16:13

Yésʉs ntɔ̂ʼ tó pyâl ɨ́ nkanǎ Kesáre mé Fílipi. Nye nzě dî le ompʉ́n bé ó: «Bʉr lɨ́lɛ́ɛ́ ó, Mwân mé Mʉr, nye nzé?»

Mataos 25:31

«Jɔʼ Mwân mé Mʉr ónze ɨ́ mentyɛnwa mé, bé e beéngeles bɨ́bɛ̂h yɨ́, nye ónʉǎ diá ɨ́ mecwɨ́ɨ́ mé jwɨ́ɨ́ yé, maá me dí ɨ́ ntyɛ̌n ntî ntyɛ̌n má.

Mataos 26:64

Yésʉs ntɔ̂ʼ yala e né ó: «Yé ó go mʉr tɨ̂ʼ dí sí lɛ́ɛ̌ nɨ̌. Me lɨ́ elɛ́ɛ bɨ́n, táare ɨ́ báánâ, bɨ̌n bé óbee Mwân mé Mʉr, ndîndǐl ɨ́ páʼ mbó éjʉ́m mé Nzyɛ̌m nkul nyɨnyɛ̂h. Bɨ̌n bé óbee nyé lɨ́ enze, témé dwiné.»

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Mataos 4:24

Nó ó kûm nyé á nze myaŋla ɨ́ sí Sirî yɨ́yɛ̂h yɨ́. Bê nzě nze le mimbêl kwá nyé: baá bé á be lɨ́ ejaʼra le meswie le mekpaa mimbi mimbi bá, bʉr o méleme, mé á nzɨnzamra bá, baá bé á sîsile bʉ̂ʼ bá, le mimbʉ́mbʉ́ʼ. Nye nzě tiʼ bê.

Mataos 9:6

Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr, nyě e nkul jwɨ́ɨ ɨ́ sí yɨ̂ʼ ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye ntɔ̂ʼ lɛ́ɛ e mbʉ́mbʉ́ʼ ó: «Gbɔlwáa, nkɛ́yɨ́ɨ́ joó yô, go e tó kwár nyǒ.»

Lʉkas 5:13

Yésʉs ntɔ̂ʼ syɛ̂m mbô, nzě kúna e né. Nye e né ó: «Mɨ́ kpɛl. Nyʉ̂l díʼee go ɨ́ deŋé.» Tyé e tyé yaá, nzǎm ntɔ̂ʼ síe mʉ̂r waá ɨ́ nyʉ̂l!

Lʉkas 5:18

Nó bʉ́ʉ́ bʉ́rʉ̂m bé á ka nze le enkɛ́ɛ̌ mbʉ́mbʉ́ʼ ɨ́ myɛɛla wé. Bê nzě sáa nzɨ́ ekpâhla e nzwoó wɔ́ɔ́ ɨ́ mpǒm mé Yésʉs, ɨ́ sáa, sáa, abee.

Lʉkas 5:23

Yé dí ɨ́ kpâhwa lɨ́ esâ? Le elɛ́ɛ e nzwoó ó: “Baa ébébe lô, yɨ́ pɛʼɔɔ”, nkʉ̂ lɛ́ɛ e né ó: “Gbɔlwáa. Bʉŋláa!”?

Lʉkas 7:14

Nye ntɔ̂ʼ sîhle, mɛ̂r mpɔra múu, yé dína apǎ diblɔɔ. Onkɛ́a ntɔ̂ʼ tyɛ̂b. Nye e múu ó: «Mâ sohó, mě lɛ́ɛ́ gó ó: gbɔlwáa.»

Lʉkas 8:54

Yésʉs ntɔ̂ʼ mɛ̂r mwân waá ɨ́ mbô, le elɛ́ɛ e né kʉ́kʉ́ ó: «Mâ eséhe, gbɔlwaa sí!»

Yʉanes 11:43

Jɔʼ nyé á lwib nó yɨ́, nye nzě jébe e nkul: «Lazare, pyáláá kʉ̌l!»

Yʉanes 17:2

Ebe go á si dwe nye nkul jwɨ́ɨ ɨ́ bʉr bɨ́bɛ̂h. Nyě e nkul edwe bʉ̂r o gó á dwe nye bá, twǐʼ njʉ̌m dǐ.

Yʉanes 3:13

Abe e mʉr ngwár dí ɨ́ pǎ bére, tó kumo ɨ́ jʉ́o kʉ́, píe Mwân mé Mʉr, mʉr á duho ɨ́ jʉ́o kʉ́ nyá.

Yʉanes 5:27

Nye ntémé á si dwe Mwân nkul etíʼe mílɔ̌b, ebě, nye ó dí Mwân mé Mʉr.

Mɨlʉmlʉ 14:10

Nó ó Pɔ̂l á lɛ́ɛ nye e twíí kʉ́kʉ́ ó: «Gbɔlwáa. Tyɛ́bɨ́ɨ́ tîtyěl e mekʉ̌ mô.» Nye ntɔ̂ʼ gbɔlwa ɨ́ bʉ̂b, táarě tyen.

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

Mɨlʉmlʉ 9:34

Nó ó Pétrus á lɛ́ɛ e né ó: «Ayɨnéas, Yésʉs-Krîst, nyɨ́ tiʼ gô! Gbɔlwaa sí, go e kómló joó yô.» Tyé e tyé yaá, Ayɨnéas ntɔ̂ʼ gbɔlwa sí.

Mɨlʉmlʉ 9:40

Nó Pétrus á nze pyêl bʉr bɨ́bɛ̂h kʉ̌l, nye ntɔ̂ʼ bɨʼ mébóó sí, jɨʼla e Nzyɛ̌m. Nye ntɔ̂ʼ dwirǎ nkǒ múu, wé á be yɨ́, nzě lɛ́ɛ ó: «Tabitâ, gbɔlwaa sí.» Nye ntɔ̂ʼ bɛ́ɛ mîh, beě Pétrus, ntɔ̂ʼ dǐ ndîndǐl.

Mɨngwiha 1:13

Témé bityélátyéla méláma byaá, me á si bee nyʉ́ʉ́ mʉ̂r á nwɨɨla e mwân mé mʉr nyá. Nye á bwâr ó, dur ɨ́ jaa jaa, pyâl ɨ́ mekʉ̌ sí. Nye á be ntémé ó e kaná gʉ̂l ɨ́ kuó tyeelá.