Lʉkas 5:14 - Kálar Nzyɛ̌m : Ejwán é Sáá

¹⁴ Yésʉs ntɔ̂ʼ lɛ́ɛ e né ó: «Alɛ́ɛ mʉ̂r mpʉ gô tiʼé yɨ́. Tó lɛ̂ʼle pára nyʉ̂l nyǒ mpʉ nyé mû yɨ́. Go e tó dwe míndwéá Moyɨ̂z á lɛ́ɛ mí, bé nkʉ̂ pubo gô!»

Kálara Zyɛ̌m Edwán é mpʉ̌n

¹⁴ Yesʉs ntɔʼ cyel nye mpene ó, nye l'anyamle lɛɛ mʉr mpʉ nye a tiʼe e. Nye e nye ó: «Toʼ, to lɛʼle para nyʉl go, mpʉ nye mu ɨ. Go toʼ, to dwe mɨndwɛa Moyiz a lɛɛ ó, go lɛʼla be, bé nkʉʼ pubo go e. Yé ósa ó, bʉr gʉŋa ó, gɨ tiʼe.»

Lʉkas 5:14 Iomraidhean Croise

Mataos 10:18

Bɨ̌n bé ósáŋɔɔ nó ó ɨ́ lɔ̌b wâm. Bé ótô e bɨ̌n kwá mingóvina le etyêl bɨ́n ɨ́ míh mé ójwɨ́ɨ. Bɨ̌n bé ósáŋɔɔ nó ó, bɨ̌n nkʉ̂ gwâ lɛ́ɛ ótyeetye bɨ́n dí egʉ́a wɨ́ ɨ́ míh mɔ́ɔ́ le míh mé bʉ̂r o dí abe óYúden bá.

Mataos 12:16

Nye ntɔ̂ʼ cɨ̂l bé le egbâ bé mpéné ó, bé l'anyamlě lɛ́ɛ mʉ̂r mbi mʉ̂r nyé dí wɨ́.

Mataos 8:4

Yésʉs nzě lɛ́ɛ e né ó: «Alɛ́ɛ mʉ̂r lɔ̌b wɨ̂. Sâ gwár, tóʼ kwá opara. Tó lɛ̂ʼle bé nyʉ̂l. Go e dwé míndwéá Moyɨ̂z á boo cɛma tɨ̂ʼ ɨ́ metié mé mí, ndwéá gô nkʉ̂ lɛ̂ʼle bʉ̂r ó, gʉ́ tiʼe.»

Mataos 9:30

Míh mɔ́ɔ́ ntɔ̂ʼ táare ébee. Yésʉs nzě bɛ̂ŋ bê. Nye e bé ó: «Mě lɛ́ɛ́ bɨ́n ó, anyamlě lɛ́ɛ gá mʉr swîh lɔ́ɔ́ wɨ̂.»

Markus 1:44

Nye e né ó: «Anyamlě lɛ́ɛ mʉ̂r mpʉ gô tiʼé yɨ́. Tááráá étó lɛ̂ʼle ópara mpʉ gó mû yɨ́. Go e tó dwe míndwéá Moyɨ̂z á lɛ́ɛ ó, go lɛ̂ʼlaa bê, bé nkʉ̂ pubo gó mí.»

Markus 6:11

Gúmó yɨ́yɛ̂h bʉ̂r, bé óbene bɨ́n, nkʉ̂ akpɛl éjôʼlo bɨ́n yɨ́, pɔʼá bɨ́n ngá pʉʼa tɨ̂ʼ wɨ́, bɨ̌n e kúró pím ónara bɨ́n ɨ́ mebo nyɨ́. Syɛ́ɛla yaá, yé ónwâhle bé ó, bé mû ó ɨ́ mebyaʼ.»

Lʉkas 17:14

Yésʉs nzě bee bê. Nye ó: «Tó lɛ̂ʼle gá opara mé Nzyɛ̌m menyʉ́l mɨ́n ɔ̌.» Bé dína lɨ́ etô nó nɛ́ɛ: menyʉ́l mɔ́ɔ́ ntɔ̂ʼ sâ ɨ́ deŋé.

Lʉkas 5:13

Yésʉs ntɔ̂ʼ syɛ̂m mbô, nzě kúna e né. Nye e né ó: «Mɨ́ kpɛl. Nyʉ̂l díʼee go ɨ́ deŋé.» Tyé e tyé yaá, nzǎm ntɔ̂ʼ síe mʉ̂r waá ɨ́ nyʉ̂l!

Lʉkas 9:5

Gúmó yɨ́yɛ̂h bʉ̂r ngá bene bɨ́n yɨ́, pɔʼá bɨ́n ngá pʉʼa tɨ̂ʼ ɨ́ nkana yaá wɨ́, bɨ̌n e kúró pím ngá nara bɨ́n ɨ́ mekʉ̌ nyɨ́. Syɛ́ɛla yaá, yé ónwâhle bé ó, bé mû ó ɨ́ mebyaʼ.»