Lʉkas 5:1 - Kálar Nzyɛ̌m : Ejwán é Sáá

¹ Ɨ́ lʉ́ʉ́ dʉ́o, Yésʉs á si to tyɛ̂b lɨ́ ebʉ́m é mâŋ mé Genezarɛ̂t. Nó éntumo e bʉ̂r, lé á nze bɔma nye ɨ́ nká. Bé á nze ó, lɨ́ enzě jôʼlǒ lɔ́ɔ́ mé Nzyɛ̌m nyé á tutúno wɨ́.

Kálara Zyɛ̌m Edwán é mpʉ̌n

¹ É lʉʉ dobo, Yesʉs a si to cyɛb é l'ebʉm e maŋ mo Genezarɛt. No ó ntuntuma bʉr, yé a ze mana nye. Bé a ze ó lé eze joʼo lɔɔ Zyɛm nye a dɨ lɛɛ ɛ.

Lʉkas 5:1 Iomraidhean Croise

Mataos 11:12

Táare ɨ́ jɔ̌ʼ Yʉánɛs Ndubʉr á nyɛl edu bʉ̂r yɨ́, nzě kumo ɨ́ báánâ: Mpóʼo mé Dâ, nye lɨ́ esuŋɔɔ e nkul. Bʉr o cére, bé sáá ó, bé dɛ́nɨɨ nye e nkul.

Mataos 14:34

Bé ntɔ̂ʼ sîl éntaa mâŋ, tó pyâl lɨ́ ebʉ́m é sí Genezarɛ̂t.

Markus 3:9

Nye ntɔ̂ʼ lɛ́ɛ le ompʉ́n bé ó, bé sáŋaa nye byɛ̂l nyé ngá di tɨ̂ʼ nyá, lɨ́ ekpɛ́ɛ ó, entumo e bʉ̂r, lé ámû jaá tyéele nyê.

Markus 4:1

Yésʉs á be ó ɨ́ pɨ̌n mâŋ. Nye nzě báʼǎ táare édwe bʉ̂r milɛ́ʼlá. Entumo e bʉ̂r nzě swâl bǎʼ e né, ɨ́ swâl swâl, nye ntɔ̂ʼ kalwo sá yé ɨ́ byɛ̂l, di sí, entumo e bʉ̂r lɨ́ɛ lîʼ náǎ tín, lɨ́ ebʉ́m é mâŋ.

Markus 5:24

Yésʉs ntɔ̂ʼ tô, bé e né. Bé le entumo e bʉ̂r, bé á be ó entúúnó-é-nkáá, bâʼ lɨ́ emána nyê.

Markus 6:53

Nó ɨ́ jɔʼ bé á sil entaa mâŋ, pyâl ɨ́ sí Genezarɛ̂t yɨ́, bê nzě syel byɛ̂l wɔ́ɔ́ lɨ́ ebʉ̂m.

Lʉkas 12:1

Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.

Lʉkas 5:2

Nó nyé á nze bee mɛ̂l mebá mityeelá ɨ́ pɨ̌n. Ojʉ̂l bé ósû o tɨ̂, bé á si sulo ɨ́ mɛ̂l maá, lɨ́ etó sohlɔɔ méntám mɔ́ɔ́.

Lʉkas 8:22

Ɨ́ lɨ̂ʼ dʉ́o, Yésʉs, bé le ompʉ́n bé nzě kalwo ɨ́ byɛ̂l. Nye ó: «Mɨná tôʼ gá lɨ́ ebʉ́m é mâŋ e dí kɔ́m nkɛ́ɛ́ lɨ́.» Bê nzě tɨ̂ tyen.

Lʉkas 8:23

Jɔʼ bé á be lɨ́ etô le edúʼo byɛ̂l yɨ́, Yésʉs nzě tô ɨ́ jô. Nkúo kʉ́ nzě táare ékwoolo ɨ́ mâŋ. Byɛ̂l ntɔ̂ʼ táare élóno ɨ́ medíbé. Byɛ̂l mû lɨ́ edǐ dihlɨ ɨ́ medíbé nɛ́ɛ:

Lʉkas 8:33

Nó méleme, mé á nze duho ɨ́ nyʉ̂l mʉr waá, ntɔ̂ʼ tó nî ɨ́ menyʉ̂l mé ónkʉ̌. Daa lé ónkʉ̌ nzě tulwa ɨ́ mbéʼé écwɨ̂ʼ kʉ́, ntɔ̂ʼ lʉ́ŋa ɨ́ mâŋ, ntɔ̂ʼ jɨ́bla, dwe.

Lʉkas 8:45

Yésʉs ntɔ̂ʼ dî ó: «Nzê kúná e me?» Bʉr bɨ́bɛ̂h ntɔ̂ʼ kɛ́la. Pétrus nzě lɛ́ɛ e né ó: «Lɛ̂ʼla, sɔ́má bʉ̂r dí ebɔma gó ɨ́ nká yɨ̂, yé lɨ́ enyêhle gó ɨ́ mipáʼ mímyɛ̂h.»

Yʉanes 1:40

Nyʉ́ʉ́ mpʉ́n ɨ́ sɔ́má ómpʉ́n obá bé á jôʼlo lɔ́ɔ́ mé Yʉánɛs, le edû Yésʉs bá, á be ó mɨ́ɔɔ́ mé Simon Pétrus, díé lé André.

Yʉanes 6:1

Jɔʼ bé á duho náǎ yɨ́, Yésʉs nzě ntaa máŋ mé Galilê, tô lɨ́ ebʉ̂m e kɔ́m nkɛ́ɛ́. (Bé á jɨjébe mâŋ maá ó, “Mâŋ mé Tiberiâs”.)

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.