Lʉkas 4:8 - Kálar Nzyɛ̌m : Ejwán é Sáá

⁸ Yésʉs ntɔ̂ʼ yala e né ó: «Heʼé, yê cɛmá ɨ́ Mekaná mé Nzyɛ̌m ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»

Kálara Zyɛ̌m Edwán é mpʉ̌n

⁸ Yesʉs ntɔʼ lɛɛ e nye ó: «Yé ó tila é Kalara Zyɛm ó: “Go ejala le ebɨʼ mpom go si é mih mo Sɔŋ go Da Zyɛm. Dwiibɨ mʉr ó, njɨ nye.”»

Lʉkas 4:8 Iomraidhean Croise

Mataos 16:23

Yésʉs nzě dwira, le elɛ́ɛ e Pétrus ó: «Sátan, duhaa mé ɨ́ mîh. Go ó ebɔ̌ʼ e dí e nkul ebɨma mé ɨ́ léme lɨ́. Mipahlá myô, myé abe myaá mé Nzyɛ̌m, njɨ myaá mi bʉ̂r.»

Mataos 4:10

Yésʉs ntɔ̂ʼ yala e né ó: «Sátan, duhaa mé ɨ́ mîh. Ebě, yê cɛmá ntémé ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»

Lʉkas 4:4

Yésʉs ntɔ̂ʼ lɛ́ɛ e né ó: «Yê cɛmá ɨ́ Mekaná mé Nzyɛ̌m ó: “Mʉr, nyé abe e nkul etiʼě njɨ ɨ́ lɔ̌b méde mé omér.”»

Lʉkas 4:7

Gó bɨ́ʼ mébóó sí ɨ́ mpǒm nyǎm nó, bisâ bínɨ̌ bíbyɛ̂h, byê di byaá byô!»

Jacques 4:7

Ɨ́ tɨ̂, sáʼ gá Nzyɛ̌m mejóʼo. Lwímláá gá e sɔ́ŋ meleme. Nyé okpɛ́ɛ bɨ́n, tó di ɨ́ pɨ́nʉ́ʉ́.

1 Pyɛr 5:9

Dyɛ́ʼwáá gá e Nzyɛ̌m. Lwímláá gá e Sátan. Bɨ̌n e gʉ́á ó, bɨ́ɔɔ́ gá bɨ́ná dí ɨ́ sí yɨ̂ʼ yɨ́yɛ̂h bá, bé lɨ́ edûhwǒ mbǐ túú ngwár waá.

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Mɨngwiha 22:9

Nye e me ó: «Sá asâ nó. Me ntémé, me ó syɛ̂l mesâ mé Nzyɛ̌m jwɨʼ gwár e gwár e bɨ̌n e bɨ́ɔɔ́ bô, ogwíha o mílɔ̌b, bé e baá bɨ́bɛ̂h o dí ebaʼle mílɔ̌b mékaná mâʼ bá. Dwéʼ Nzyɛ̌m kûm.»