Lʉkas 4:5 - Kálar Nzyɛ̌m : Ejwán é Sáá

⁵ Sɔ́ŋ meleme nzě nʉa nyé náǎ, nzě lɛ̂ʼle nyé mesí mɨ́mɛ̂h jɔʼ gwár.

Kálara Zyɛ̌m Edwán é mpʉ̌n

⁵ Njwɨɨ moleme ze nʉa nye tina, ze lɛʼle nye mɨlal mɨ si mimyɛh jɔʼ gwar.

Lʉkas 4:5 Iomraidhean Croise

Mataos 24:14

Nó Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, wé ólɛ́ɔɔ̌ gúmó yɨ́yɛ̂h ɨ́ sí yɨ̂, lɨ́ esâ ó, kúl yɨ́yɛ̂h jóʼaa bʉr o dí eboʼlǒ lɔ́ɔ waá bá. Píe tɨ̂ʼ ó éswéhlɨ́ é kʉ́ e sí ngá kǎ bɔma yɨ́.»

Mataos 4:8

Sɔ́ŋ meleme ntɔ̂ʼ báʼǎ nzě nʉa nyê, tô e né ɨ́ nkɛ̌l ecwɨ̂ʼ lé á be ɨ́ buú jaa kʉ́ lɨ́. Nye nzě lɛ̂ʼle nyé mesí mé sí mɨ́mɛ̂h, le okúm le ogbaa o mésí maá.

1 Korɛnt 15:52

Menyʉ́l gá mɨ́ná, mé ódwira ó, jɔʼ gwár mpʉ dîh dí ebyɛ́bla yɨ́. Yé óbe ó, ɨ́ jɔʼ sébé epíhe ólwib yɨ́, ebě, ɨ́ jɔʼ nyé ólwib yɨ́, odwe, bé ópah. Bé ódidi nó ó, akǎ dwe. Menyʉ́l gá mɨ́ná, mé ócéne.

1 Korɛnt 7:31

Bʉr o dí edira mínyɔm lɨ́ ebi bísá bí sí yɨ̂ʼ bá, dǐ mpʉ̌ sá lɛ́ɛ́, bé abá dirǎ nyɔm e bisâ byaá, ebě, sí yɨ̂ʼ mpʉ yé dí yɨ́, yé mû ó kúno elaa.

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

Éfɛsɔs 2:2

Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Éfɛsɔs 6:12

Ebě, yé abe ó, mɨná tɛ́l gá ó e bʉr ó sí yɨ̂. Mɨná lwímlá gá ó, le misísǐm mi dí milʉ̂ mí, le myaá mi nkûl, le myaá mi dí ejwɨ́ɨ ɨ́ mpóʼo edúrʉ́ʉ́ lɨ̂ʼ mí, le meleme me dí páʼ jʉ́o le ejwoo má.