Lʉkas 4:34 - Kálar Nzyɛ̌m : Ejwán é Sáá

³⁴ «Ywííí, Yésʉs, mʉr Nazarɛ̂t, mɨná e go bé e wáǎ lɔ̌b ɛ̌? Nzê go nzé ó, nzě sîl bɨ́h ɛ̌? Mɨ́ gʉ́a gô. Go ó Mʉr mé Nzyɛ̌m dí ti nyá!»

Kálara Zyɛ̌m Edwán é mpʉ̌n

³⁴ «Hɛɛya, Yesʉs, mʉr Nazarɛt, bɨna e go bé e wáa lɔb? Zê go ze ó, ze jʉ me ɛ? Mɨ dweʼe go! Go ó Mʉr mo Zyɛm ndɨ ti ɨ!»

Lʉkas 4:34 Iomraidhean Croise

Mataos 8:29

Bé ntɔ̂ʼ táare ébʉ̂ bítím. Bé e Yésʉs ó: «Gǒ sáá yé e bɨ̌h, Mwân mé Nzyɛ̌m? Gǒ nzě dwe bɨ́h bintɨ́ʼá ó, jɔʼ apǎ pyâl ɨ́?»

Markus 1:24

«Yésʉs, mʉr Nazarɛ̂t, mɨná e go bé e wáǎ lɔ̌b? Go nzé ó, nzě sîl bɨ́h ɨ́? Mɨ́ gʉ́a gô. Go ó Mʉr mé Nzyɛ̌m dí ti nyá!»

Markus 1:34

Nye nzě tiʼ mímbêl ɨ́ buo buo myé á be e mekpaa ɨ́ menyʉ̂l mimbi mimbi mí. Nye á si so buobuo bʉr meleme mé á nzamra bé bá. Nó nyé á bé abîr ó, mé lwíbɨɨ, ebě, mé á be ó lɨ́ edweʼe nyê.

Markus 5:7

ntɔ̂ʼ bʉ̂ bítím kʉ́ kʉ́. Nye e né ó: «Gǒ sáá yé e me, Yésʉs, Mwân mé Nzyɛ̌m dí Lʉ́ bísá bíbyɛ̂h nyá? Me lɨ́ ejɨʼla e go ɨ́ díé mé Nzyɛ̌m: ayɨ́ dwe mé ntɨ́ʼá!»

Lʉkas 1:35

Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

Lʉkas 4:33

Ɨ́ sɔ́má bʉ̂r o b'á be ɨ́ mpáh minjɨʼla bá, nyʉ́ʉ́ á be ó le eleme, mbɨ́ǎ sísǐm. Eleme, lê nzě tíne nyé ó, nye tímaa kʉ́kʉ́ le elɛ́ɛ ó:

Lʉkas 4:41

Meleme ɨ́ buo buo, mé á be ó lɨ́ eduho bʉ̂r ɨ́ menyʉ̂l. Mé á si bʉ̂ bítím, lɛ́ɔɔ ó: “Go ó Mwân mé Nzyɛ̌m!” Nó ó Yésʉs á nze nkáŋla e meleme maá, pɨr mé lwǐb, ebě, meleme maá, mé á si kʉ gʉ́a ó, nye ó dí Mʉ̌r Nzyɛ̌m á lœm múló mé jwɨ́ɨ nyá.

Lʉkas 8:28

Nó mpʉ nyé á bee Yésʉs yɨ́, nye ntɔ̂ʼ bʉ̂ tím, tó bɨʼ mébóó sí ɨ́ mpǒm nyé. Nye e né ó: «Mɨná e go, bé e wáǎ lɔ̌b ɛ̌? Yésʉs, Mwân mé Nzyɛ̌m dí Lʉ́ bísá bíbyɛ̂h nyá, me lɨ́ ejɨʼla e go: ayɨ́ dwe mé ntɨ́ʼá.»

Lʉkas 8:37

Nó ó bʉ̂r ó Gerázen bɨ́bɛ̂h, bê nzě jɨʼla e Yésʉs ó, nye pʉ́ʼaa ɨ́ sí yɔ́ɔ́, ebě, bé á be ó sí buú kâm syɛ́ɛla yaá. Yésʉs ntɔ̂ʼ kalwo ɨ́ byɛ̂l, swîʼ.

Mɨlʉmlʉ 16:39

Nó bé á tô, tó jɨʼla e bê. Bé ntɔ̂ʼ kǎ pyêl bé ɨ́ mbɛ̌r mímbʉʼ, lîʼle bé nkana, le ejɨʼla e bé ó, bé pʉ́ʼaa ɨ́ nkana.

Mɨlʉmlʉ 2:27

Ebě, go ákóʼó bîr sísǐm wâm ó, wé líʼɨɨ kwár odwe. Nó ntémé, go ákam ó, Mʉr gǒ dí ti nyá bôʼ ɨ́ soo.

Mɨlʉmlʉ 3:14

Bɨ̌n bé á bɛ́ma ó, mʉr á be ti, nye ntémé waá dí tîtyěl ɨ́ míh mé Nzyɛ̌m nyá. Bɨ̌n nzě dî e Pilátos ó, nye bírɨɨ bɨ̌n mʉr swîh, mʉr á be njʉ̂l bʉr nyá.

Mɨlʉmlʉ 4:27

Mpʉ yaá ntémé ó yé á ka sûʼla yɨ́, ebě, yê tyeetye ó, Erôd bé e Pɔ́ŋtus Pilátos, bé á si syɛŋa ɨ́ nkana yɨ̂, bé e bʉr o bíkûl ti e baá ó bé Ɨ́zraɛ̂l. Bɨ́bɛ̂h, bé á si di bʉm, sáŋɔɔ pɨ̂ʼ ó, bé lwímlá ó e syɛ̂l mesâ gǒ, Yésʉs, mʉr dí ti, waá gó á lœm múló mé jwɨ́ɨ nyá.

Ebrœ̂ 2:14

Bwán nyé dí elwib, dumo e bé bá, bé e bipúno ndu e bidwehé. Jwɨʼ gwár yaá ntémé ó Yésʉs á tíʼe yɨ́. Nye á si dwe lɨ́ esú ó, nye têʼlaa mʉr á bɨbe e nkul eswie nyá. Mʉr waá, nye ó sɔ́ŋ meleme.

Jacques 2:19

Nzê gǒ bûʼlá ó, Nzyɛ̌m, nye ó njɨ ngwár ɛ̌? Yé ó mbɨ̂mbɨá! Damá jóʼo méleme, mé lɨ́ ebánǎ bûʼla ntémé nó. Meleme maá, mé lɨ́ ebúʼla ndu e l'esâʼ ɨ́ ngba ngba ngba.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

Mɨngwiha 20:2

Nye á si to mɛ̂r njʉ̌m myɔ́ɔ́ dí e díe ó, «Sɔ́ŋ meleme», nkʉ̂ «Sátan» wɨ́. Éngeles waá á si mɛ̂r nye, kâʼ nyé e kʉ̂kɔ̌b. Nye ódǐ kɛ́ʼá tɔ́ɔ́sin mimbû.

Mɨngwiha 3:7

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Filadɛ́lfia wɨ́ nyá. Lɛ́yɨ́ɨ́ nyé ó: Lɔ́ɔ́ wɨ̂, wé duho ó, ɨ́ num mé Mʉr mé Nzyɛ̌m dí tí, waá dí tyeetye nyá. Paá bee gâ: osab me Njwɨ́ɨ David ó mé dí e bé ɨ́ mebô bâ. Mé díb ébê nó, abe e mʉr ókǎ pɨr lê. Mé pɨ́r lé nó, abe e mʉr dí e nkul ekǎ báʼǎ dib.