Lʉkas 4:32 - Kálar Nzyɛ̌m : Ejwán é Sáá

³² Bé á be ɨ́ buú kâm mbi mílɛ́ʼlá nyé á dwidwe bé mí, ebě, nye á dwe myé ó e nkul jwɨ́ɨ.

Kálara Zyɛ̌m Edwán é mpʉ̌n

³² Bé a be ó si jehe mbi sikʉlʉ nye a dwe be e, ebe, yé a be ó e nkul mojwɨ̀ʼa Zyɛm a dwe nye e.

Lʉkas 4:32 Iomraidhean Croise

Markus 1:22

Bé á be ɨ́ buú kâm mbi mílɛ́ʼlá nyé á dwidwe mí, ebě, nye á bé anwɨɨla le olɛ̂ʼla o métié bɔ́ɔ́. Nye á lɨ̂lɛʼle bé ó e nkul jwɨ́ɨ.

Lʉkas 2:47

Sá yɨ́yɛ̂h bé á jóʼo nye lɨ́ elɛ́ɛ yɨ́, bé á si kâm yê, ɨ́ wɨ́haá mbi ócwóó wé, le mimbi bíyalá nyé á yala mɔ́ɔ́ métíá bí.

Lʉkas 4:33

Ɨ́ sɔ́má bʉ̂r o b'á be ɨ́ mpáh minjɨʼla bá, nyʉ́ʉ́ á be ó le eleme, mbɨ́ǎ sísǐm. Eleme, lê nzě tíne nyé ó, nye tímaa kʉ́kʉ́ le elɛ́ɛ ó:

Lʉkas 4:36

Bʉr bɨ́bɛ̂h nzě kâm, nzě gɔ́na le elwibla páʼ nyɔ́ɔ́ ó: «Wɨ̂ʼ mbi mékǎn duho wó? Nyě e nkul jwɨ́ɨ dí ó, nye lɨ́ ejwɨ́ɨ mímbɨ́a mísísǐm, myê bánǎ duho!»

Yʉanes 6:63

Sísǐm mé Nzyɛ̌m ó dí edwě twiʼ. Mʉr ákóʼó bǐ twiʼ mpâ lɨ́ edû bígwɨ́má bí nkûl bipúno. Bilwǐb mé dí elwib e bɨ̌n bîʼ duho ó ɨ́ Sísǐm. Byé ntémé, byé ó dí etiʼ bɨ́n.

Yʉanes 7:46

Bisója, byé e bé ó: «Abe e mʉr ngwár dí ɨ́ pǎ lwǐb mpʉ mʉ̂r nɨ̌.»

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

1 Tesalonika 1:5

Ebě, ɨ́ jɔʼ bɨ́h á lɛ́ɛ bɨ̌n Mbɨambɨa Lɔ́ɔ́ mé Krîst yɨ́, bɨ̌n bé á bé anʉǎ lɔ́ɔ waá le epɨ̂h. Yé ó, ebě, ɨ́ jɔʼ yaá, Nzyɛ̌m á si lɛ̂ʼle bɨ̌n nkǔl nɨ́nɨ́ɨ́ nyé tɨ̂. Sísǐm wé, wé á si sulo ntémé ɨ́ bɨ̌n. Bɨ̌n bé á nze ka gʉ́a ɨ́ jɔʼ yaá ó, lɔ́ɔ waá, wé á kʉ be ó, tyeetye. Bɨ̌n bé lɨ́ egʉ́a ntémé mpʉ mɨ́ná bé á bɨbe gá yɨ́. Bɨ̌h bé á títíʼe nó ó, lɨ́ esú lé édi bɨ́n e nyɔm.

Títos 2:15

Nó ó gó jálá le elwib e bʉr, le tɨ́e bé yɨ́. Lɛ́ʼláá bʉ̂r mebébe mɔ́ɔ́ e nkul jwɨ́ɨ nyǒ nyɨnyɛ̂h. Mʉ̌r sá apyêh gô.