Lʉkas 4:17 - Kálar Nzyɛ̌m : Ejwán é Sáá

¹⁷ Bê nzě dwe nyé mekaná ngwíha milɔ̌b Ésayie á cɛma má. Nye nzě bɛ́ɛ mê, kœ̌b gúmó yé á be cɛmá ó:

Kálara Zyɛ̌m Edwán é mpʉ̌n

¹⁷ Bé ze dwe nye mbom kalara ngwiha mɨlɔb Ezayi a tile e. Nye ze gwih kalara waa, ntɔʼ láa é peh yé a be tila ó:

Lʉkas 4:17 Iomraidhean Croise

Lʉkas 16:29

Abraham ntɔ̂ʼ yala ó: “Bɨ́ɔɔ́ bô, bé e lɔ́ɔ́ Moyɨ̂z bé le ogwíha o mílɔ̌b, bé á cɛma wɨ́. Bé páa jóʼo bé ɔ̌!”

Lʉkas 20:42

Ebě, David mʉr tɨ̂, nye lɨ́ elɛ́ɛ lɨ́ oSâm ó:: Dâ Nzyɛ̌m á lɛ́ɛ e Tî wǎm ó: “Diʼee sí wâ, ɨ́ páʼ mbó éjʉ́m wâm. Go e bónó ɨ́ puuu náǎ,:

Lʉkas 4:16

Yésʉs nzě tô kwár nyé, Nazarɛ̂t, gúmó nyé á bwaʼ mʉr yɨ́. Móhó sábat, wê nzě pyâl. Nye nzě nî ɨ́ mpáh minjɨʼla, ebě, yé á boo be ó ɨ́ metum mé. Nó nyé á nze tyɛ̂b tîtyěl, láǎ péh Mékaná mé Nzyɛ̌m.

Lʉkas 4:18

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

Lʉkas 4:20

Nó ó Yésʉs á nze dible mekaná maá, dwe mʉ̂r á kʉkomo mekaná maá nyá. Nye ntɔ̂ʼ di sí. Bʉr bɨ́bɛ̂h o b'á be ɨ́ mpáh minjɨʼla bá ntɔ̂ʼ bɨʼɔɔ nyé mejwôʼlʉ ɨ́ nyʉ̂l ɨ́ tooobó.

Mɨlʉmlʉ 13:15

Píe métié le mekaná mé ógwíha o mílɔ̌b, mé á sîl eláŋɔɔ yɨ́, nó ójwɨ́ɨ o mpáh bisulá, bé á sâ ó, bé lɛ́yɨɨ ó: «Bɨ́ɔɔ́, yé bé nyʉ́ʉ́ mʉ̂r ɨ́ sɔ́má yɨ́n, nyě e sá élɛ́ɛ dí e nkul egbâ bʉ̂r nkul ɨ́ miléme nó, nye lɛ́yɨɨ bʉr yǎ ɨ́ báánâ.»

Mɨlʉmlʉ 13:27

Bʉr ó Yerʉ́zalɛm le ojwɨ́ɨ bɔ́ɔ́, bé á be ɨ́ jéʼě mbi mʉ̂r Yésʉs á be wɨ́. Bɨ́ɛ yɨ́ɛ lɨ́ eláa mékaná mé ógwíha o mílɔ̌b lɨ́ osábat bɨ́bɛ̂h, bé á bé ajóʼǒ lɛ́á mékaná maá. Ɨ́ jɔʼ bé á tíʼe Yésʉs lɔ̌b wé yɨ́, syɛ́ɛla yaá, yé ó b'á ka sâ ó, mekǎn mé ógwíha o mílɔ̌b mé Nzyɛ̌m, mé díraa.

Mɨlʉmlʉ 7:42

Nó ó Nzyɛ̌m á nze túmo bé koo, nzě bîr bê, lɨ́ esú ó, bé sâʼ yébé lɨ́ esú é bísâ bi dí ɨ́ jʉ́o kʉ́ bí. Yé ó mpʉ yé dí cɛmá lɨ́ mekaná mé ógwíha o mílɔ̌b yɨ́. Yê cɛmá ɨ́ Mekaná mé Nzyɛ̌m ó: “Bʉr o b'Ɨ́zraɛ̂l, nzê bɨ̌n bé á si tíʼe me otír, nkʉ̂ dwe mé myúú míndwéá miswîh ɨ́ mimbû mekám ménâ bɨ́n á lɛŋ ɨ́ lʉá mí ɛ́?