Lʉkas 4:15 - Kálar Nzyɛ̌m : Ejwán é Sáá

¹⁵ Nye nzě lɨlɛ̂ʼle bʉ̂r ɨ́ mempáh mínjɨʼla mɔ́ɔ́. Bʉr bɨ́bɛ̂h bé á jʉjóʼo nye bá, bê nzě sêʼlɔɔ nyê.

Kálara Zyɛ̌m Edwán é mpʉ̌n

¹⁵ Nye ze yeʼle-yeʼle bʉr é mompah mɨnjwɨʼla mɔɔ. Bʉr bɨbɛh bé a joʼo-joʼo nye e, ze seʼlɔ nye.

Lʉkas 4:15 Iomraidhean Croise

Mataos 13:54

Nye nzě tô gúmó nyé á bwaʼ yɨ́, nye ntɔ̂ʼ lɛ̂ʼle bʉ̂r ɨ́ mempáh bísulá mɔ́ɔ́, ɨ́ mbi dí ó, bʉr bɨ́bɛ̂h, bé á be ɨ́ buú kâm wɨ́. Bê nzě díila ó: «Nyě duhó e wɨ̂ʼ ócwóó le mâʼ ménkul wó?

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Mataos 9:35

Yésʉs nzě tô le etô bínkana e bínkana byɛ̂h le mékwár e mékwár mɛ̂h, lɨ́ etô le elɛ̂ʼle bʉ̂r ɨ́ mempáh mínjɨʼla mɔ́ɔ́, le etúnǒ Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, le etiʼ bʉ̂r o b'á be e mekpaa mɨ́mɛ̂h le bidyɛ̂m bíbyɛ̂h bá.

Mataos 9:8

Jɔ̌ʼ sɔ́má bʉ̂r, yé á bee syɛ́ɛla yaá yɨ́, ekɛ̂n kʉ́ nzě swɨɨ bé menyʉ̂l, bé ntɔ̂ʼ dwě Nzyɛ̌m kûm, ebě, nye á be ó sí bánǎ dwe bʉ̂r nkul jwɨ́ɨ nyaá.

Markus 1:27

Bʉr bɨ́bɛ̂h bê kʉ́ nzě kâm. Bê nzě gɔ́na le elwibla páʼ nyɔ́ɔ́ ó: «Wáǎ mbǐ lɔ̌b wɨ̂? Edwán é lɛ́ʼlá lwɨ́ŋlá e nkul jwɨ́ɨ! Damá jóʼo mímbɨ́a mísísǐm, nye lɨ́ ebánǎ jwɨ́ɨ myê, myê bánǎ sâ nyé mejóʼo!»

Markus 1:39

Nó nyé á to le elɛ́ɛ̌ lɔ́ɔ́ wé waá ɨ́ mempáh mínjɨʼla mɔ́ɔ́ ɨ́ sí Yʉ́da yɨ́yɛ̂h le eso méleme ɨ́ bʉr.

Markus 1:45

Damá jóʼo ó mpʉ̌ Yésʉs á lɛ́ɛ nye nó yɨ́, mʉr waá á jaa to le etúno le egwîh lɔ́ɔ waá ó, tûtuno ó túnáa ɨ́ gúmó yɨ́yɛ̂h. Sá tɨ̂ʼ ó Yésʉs á be abe e nkul ekǎ nî ɨ́ binkana ɨ́ ponó yɨ́. Nye á ka jaa didi ó, njɨ ɨ́ bilʉ̌n, bisúm bʉ̂r, bé á be abe bí. Bʉr bé á be lɨ́ etô kwá nyé, duduho ɨ́ bigúmó bíbyɛ̂h.

Lʉkas 13:10

Ɨ́ gúú móhó sábat, Yésʉs á be ó lɨ́ elɛ̂ʼle bʉ̂r o b'á be ɨ́ mpáh minjɨʼla bá.

Lʉkas 4:16

Yésʉs nzě tô kwár nyé, Nazarɛ̂t, gúmó nyé á bwaʼ mʉr yɨ́. Móhó sábat, wê nzě pyâl. Nye nzě nî ɨ́ mpáh minjɨʼla, ebě, yé á boo be ó ɨ́ metum mé. Nó nyé á nze tyɛ̂b tîtyěl, láǎ péh Mékaná mé Nzyɛ̌m.