Lʉkas 4:1 - Kálar Nzyɛ̌m : Ejwán é Sáá

¹ Yésʉs mû lwɨ́ŋlá e Sísǐm mé Nzyɛ̌m nɛ́ɛ: nye ntɔ̂ʼ duhǒ díbé Yɔrdên. Bé e Sísǐm mé Nzyɛ̌m ó b'á be ɨ́ lʉá.

Kálara Zyɛ̌m Edwán é mpʉ̌n

¹ Yesʉs mu lwɨŋla e Mbɨambɨa Sisim, nye ntɔʼ duho é dibe Yʉrdɛŋ. Mbɨambɨa Sisim ntɔʼ to e nye é feha si.

Lʉkas 4:1 Iomraidhean Croise

Mataos 3:16

Mpʉ̌ Yésʉs á sil eduŋɔɔ yɨ́, le nyé á pʉʼa ɨ́ medíbé, lě jʉ́o á bɔ́a. Nye ntɔ̂ʼ beě Sísǐm mé Nzyɛ̌m lɨ́ esulo ɨ́ báaa mpʉ épɨbaa, nzě berwo nyé ɨ́ nyʉ̂l.

Lʉkas 2:27

Jɔʼ yaá, nye ntɔ̂ʼ tô mpáh Nzyɛ̌m, mpʉ̌ Sísǐm mé Nzyɛ̌m wé á tɨ́e nye yɨ́. Nó ɨ́ jɔʼ óbyɛ̂l mé Yésʉs bé á pyâl e mwân wɔ́ɔ́ lɨ́ enzě lóŋlo étié Mékaná mé Nzyɛ̌m mé á tyêl obyɛ̂l o bwá ó bʉrʉ̂m lɨ́ yɨ́,

Lʉkas 3:3

Píe tɨ̂, nye nzě ja nzɨ́ lɨ́ etô le etúnǒ lɔ́ɔ́ mé Nzyɛ̌m ɨ́ ngʉ́rá díbé Yɔrdên wɨ́wɛ̂h. Nye á lɨlɛ́ɛ e bʉr ó, bé túmaa mikoo e mebébe mɔ́ɔ́ le edwira míléme. Bé e dúŋɔɔ, Nzyɛ̌m pɛ́ʼɛɛ bibaa bí ébébe byɔ́ɔ́.

Lʉkas 3:38

Kayɨnân, mwân mé Énɔs; Énɔs, mwân mé Sɛ̂t; Sɛ̂t, mwân mé Ádam; Ádam á be ó mwân mé Nzyɛ̌m.

Lʉkas 4:14

Yésʉs ntɔ̂ʼ tô sí yé Galilê, nye mû lwɨ́ŋlá e nkul Sísǐm mé Nzyɛ̌m. Bʉr nzě jʉŋlǎ lɔ́ɔ́ wé á dumo e né wɨ́ ɨ́ sí yaá yɨ́yɛ̂h.

Lʉkas 4:18

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

Yʉanes 1:32

Yʉánɛs á boʼlo ntémé ó: «Me á si bee Sísǐm mé Nzyɛ̌m lɨ́ eduho ɨ́ jʉ́o kʉ́ mpʉ épɨbaa, nzě sulo ɨ́ báaa, nzě di nyé ɨ́ nyʉ̂l.

Yʉanes 3:34

Mʉ̌r Nzyɛ̌m á lómo nyá, lɛ́ɛ́ ó mekǎn mé Nzyɛ̌m, ebě, Nzyɛ̌m, nye lɨ́ edwe nyé Sísǐm wé, ntinɨ̂ e ntinɨ̂.

Mɨlʉmlʉ 1:2

tó pyâl pyáláa ɨ́ móhó nyé á bɨ́nɔɔ ɨ́ jʉ́o kʉ́ wɨ́. Nye dína apǎ bɨ́nɔɔ ɨ́ jʉ́o kʉ́, nye á si líʼe bʉr o mílʉ́mlʉ́ bé, nyé á twâr bá, etié e nzɨ̌ Sísǐm mé Nzyɛ̌m.

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Mɨlʉmlʉ 8:39

Pɔʼá bé á pʉʼa ɨ́ medíbé yɨ́, Sísǐm mé Tî Yésʉs ntɔ̂ʼ pɛ̌ʼ Philippe tɨ̂, syɛ̂l mesâ ntɔ̂ʼ lîʼ náǎ, akǎ bee nyê. Nye ntɔ̂ʼ laa, tô e tyen yé dóló le ekʉ́ soho.