Lʉkas 3:8 - Kálar Nzyɛ̌m : Ejwán é Sáá

⁸ Gúmáá gá mimpaŋ mi mpúmó mi dí ejala e bʉr o mû sí dwira míléme bá. Atáare gá le elɛ́a páʼ nyɨ́n ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Kálara Zyɛ̌m Edwán é mpʉ̌n

⁸ Guma ga mɨmpaŋ mɨ mpumo lé ejala e bʉr mu si gwɨma mobebe mɔɔ, dwir mɨleme e. Ataare ga lé elɛɛla paʼra win ó: “Bɨna ga bé e sɔŋ ó, Abraham,” ebe, me elɛɛ bɨn cyecye ó nɛɛ: Zyɛm óbɛm liŋ mokoʼ maʼ bwan mo Abraham.

Lʉkas 3:8 Iomraidhean Croise

Mataos 21:43

«Sá tɨ̂ʼ ó mé dí elɛ́ɛ bɨ́n ó, Nzyɛ̌m múo nzě dwih Mpóʼo nyé kwá nyɨ́n yɨ́. Nyé okǎ tyêl Mpóʼo nyaá kwá bʉr o ngá séa nyé syɛ́ɛ́ bá.

Mataos 3:8

Gúmáá gá mimpaŋ mi mpúmó mi dí ejala e miléme mû sí dwira mí.

Mataos 3:9

Ayɨ́ jwɨʼ gá ɨ́ milémé mín ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Lʉkas 13:25

«Jɔʼ mʉ̂r mbɛ̌r ógbɔlwa, nzě pɨr ébê le engʉŋ yɨ́, bɨ̌n bé ólîʼ kʉ̌l. Bɨ̌n bé ókwâʼle, jébe ó: “Dâ ɛ̌, dibɨɨ bɨ́h ebê ʉ.” Nye óyala ó: “Mé agʉ́ǎ nko bɨ̂n duho yɨ́.”

Lʉkas 13:26

Bɨ̌n bé ónyɛl élɛ́ɛ e né ó: “Dâ ɛ̌, mɨná gá ó b'á be lɨ́ edɨde le enyǔl gúmo gwár. Ntʉ bɨ́h gó á dwidwe milɛ́ʼlá ɨ́ minkpǎʼ mí nkana gá yɨ́ná bá ɛ́?”

Lʉkas 14:9

Mʉr á jébe bɨ̌n e nɔ́ɔ́ nyá, ólɛ́ɛ gó ó: “Gbɔlwaa náǎ. Dwéʼ tɔ́má mʉr diá nɨ̌.” Go ótó di ɨ́ diá dí ɨ́ buú pyéhɔɔ yɨ́ ó, gô sí bɛb sôn.

Lʉkas 19:40

Nó ó Yésʉs á yala e bé ó: «Mě lɛ́ɛ́ bɨ́n ó: bé sí dible mínum myɔ́ɔ́ nɛ́ɛ: mekóʼ, mé óbɨ̂n métwíí mɔ́ɔ́ kʉ́ lɨ́ egúmlo mê.»

Lʉkas 19:9

Nó ó Yésʉs á nze lɛ́ɛ e né ó: «Mbɛ̌r bʉ̂r wɨ̂, wɨ́ tiʼe mûh, ebě, mʉr nyâʼ ntémé, nye ó nta mé Abraham.

Lʉkas 5:21

Nó ó ólɛ̂ʼla o métié, bé le oFarizyɛ̂n, bé á nze taare esóŋlo nye. Bé ó: «Nyâʼ mʉ̂r dí esâ Nzyɛ̌m nkěh nyâ, nye nzé? Nzé dí e nkul epɛʼ bíbaa bí ébébě Nzyɛ̌m á niʼe bí? Njɨ Nzyɛ̌m nye omér!»

Yʉanes 8:33

Bé e né ó: «Bɨ̌h bé ó onta mé Abraham. Bɨ̌h bé apǎ di bítúʼǎ bi bʉ̂r. Gǒ e nkul elɛ́ɛ e bɨ̌h ó, bɨ̌h, bé ódi ónzyɛh o bʉ̂r e wáǎ mbi nzɨ́?»

Yʉanes 8:39

Bé e né ó: «Sɔ́ŋ wɨ́h, nye ó Abraham.» Yésʉs, nye e bé ó: «Bɨ́n bé tyeetye onta mé Abraham nó, lɛ́ɛ́, bɨ̌n bé lɨ́ esâ bísyɛ́ɛla nyé á sɨ̂sa bí.

Mɨlʉmlʉ 26:20

Me á jaa nyɛl ó, njɨ túnó Mbɨambɨa Lɔ́ɔ, táare e bʉr ó Damâs, kala e baá ó Yerʉ́zalɛm, ti e baá bɨ́bɛ̂h dí ɨ́ sí Yʉ́da bá, dumlo e bʉr o bíkúl bíswîh. Me á lɛ́ɛ e bé ó, bé túmaa mikoo e misyóm myɔ́ɔ́, le edwira míléme. Bé e dyɛ́ʼwó e Nzyɛ̌m, le esâ bísyɛ́ɛla bi dí elɛ̂ʼle ó, bé mû ó otîtyěl o bʉ̂r, le miléme mindwirá bí.

Rôm 4:16

Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

Rôm 9:7

Abraham, nyé le onta ɨ́ buo buo. Ntʉ bɨ́bɛ̂h dí nye onta ompâ. Yé ó mpʉ̌ Nzyɛ̌m á lɛ́ɛ Abraham yɨ́. Nye á lɛ́ɛ ó: Mpǎŋ mpóʼo mé á kɛʼ go nyɨ́, óduho ó, ɨ́ mwân gǒ, Isaac.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.