Lʉkas 3:7 - Kálar Nzyɛ̌m : Ejwán é Sáá

⁷ Entumo e bʉ̂r nzě nze ó, Yʉánɛs dúʼoo bê. Nó nyé á lɛ́ɛ e bé ó: «Bɨ̌n bwá ó méjwɨ̂l bâ, nzé á pʉgʉ cɨ̂l bɨ̌n ó, bɨ̌n bé e nkul ekɨ̂ŋ nkpáa mé Nzyɛ̌m ɨ́ jɔʼ nyé ngá lɛ̂ʼle bɨ́n lǎ ɛ́?

Kálara Zyɛ̌m Edwán é mpʉ̌n

⁷ Ntuntuma bʉr, yé a ze ó, Yʉanes dùʼo be. Ebe no ó nye a lɛɛ e be ó: «Kampaŋa bɨgurokɔɔ yi, zé a pa kʉ lɛɛ e bɨn ó, bɨn bé e nkul ecɨŋ empime mo Zyɛm é jɔʼ nye ókpaa le e bɨn ɨ?

Lʉkas 3:7 Iomraidhean Croise

Mataos 12:34

Bɨ̌n bwá ó méjwɨ̂l bâ! Bɨ̌n bé e nkul elɛ́ɛ bísá bímpâ nyá? Ebě, bɨ̌n bé ɨ́ bébe. Sá mʉ̂r dí e yé lwɨ́ŋlá ɨ́ léme yɨ́, yé ó num wé dí epyêl kʉ̌l.

Mataos 23:33

Bɨ̌n, kúl ónyʉ́a! Bɨ̌n, bigúrokɔɔ bî! Nzê yé óbána bɨ́n ó, bɨ̌n kɨ́ŋɨɨ tíʼá mílɔ̌b ngá tyen bʉ̂r ɨ́ bɨ́ siʼe wɨ́ ɛ́?

Mataos 3:6

bé ntɔ̂ʼ gwîh mísyóm myɔ́ɔ́, Yʉánɛs nzě du bé ɨ́ díbé Yɔrdên.

Yʉanes 8:44

Sɔ́ŋ wɨ́n, nye ó sɔ́ŋ meleme. Sá tɨ̂ʼ ó bɨ́n dí ekpɨkpɛ̌l njɨ esâ gwɨ́má mé sɔ́ŋ wɨ́n yɨ́. Nye á boo be ó njʉ̂l bʉr, duho ɨ́ menyɛ̌l. Nyé abe e nkul elɛ́ɛ ótyeetye lʉ́ʉ́ dʉ́o, ebě, otyeetye, wé abe e né. Jɔʼ nyé dí elɛ́ɛ bíbɛr yɨ́, nyě lɛ́ɛ́ ó, sá yé, ánta nye, ebě, nye ó mʉr bibɛr. Nye ntémé, nye ó sɔ́ŋ bibɛr.

Mɨlʉmlʉ 13:10

«Gua mwân mé sɔ́ŋ meleme, ntɨ̂m e mbɨn ɨ́ páʼ sá yɨ́yɛ̂h dí lɨ́ otîtyěl yɨ́! Go ó lwɨ́ŋlá e mikóo le bibɛr mimbi mímyɛ̂h. Nzê gó akǎ gwâʼ édwǐr mbɨambɨa menzɨ̌ mé Tî Yésʉs onzyɛ́h ónzyɛ́h ɛ̌?

1 Tesalonika 1:10

Bé lɨ́lɛ́ɛ́ ntémé ó, bɨ̌n mû ó lɨ́ ebóno Mwân mé Nzyɛ̌m ngá duho ɨ́ jʉ́o kʉ́ nyá. Nye ó waá Nzyɛ̌m á pɛh, dwih lɨ́ odwe nyá. Yésʉs waá ó b'á tíʼ mɨná gâ, lɨ́ esâ ó Nzyɛ̌m sá alɛ̂ʼle mɨ́ná gá nkpaa nyé ɨ́ móhó nyé ótíʼe mílɔ̌b wɨ́. Móhó waá, wé mû ó kúno epyâl.

Ebrœ̂ 6:18

Yé e bisá bíbá bi dí abe e nkul ecénɔɔ bí: bisâ byaá, byé ó nkɛ̌ʼ ti e minkál mé Nzyɛ̌m. Mɨná nʉa gá pîm ɨ́ búʼó ó, duho tɨ̂. Nzyɛ̌m, nyé abe e nkul elɛ́ɛ bíbɛr ɨ́ sí, tɔʼ e bá tîtííǎ. Mɨná gá bé ó bʉr o mû sí bîr sá yɨ́yɛ̂h, lɨ́ esú lé édi e mpûʼla ɨ́ milémé gá míná bá. Mpûʼla nyaá, nye ó kwahaá ɨ́ ponó ɨ́ míh gá mɨ́ná.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.