Lʉkas 3:18 - Kálar Nzyɛ̌m : Ejwán é Sáá

¹⁸ Nó nyé á nze baʼa tɨ́e bé ɨ́ myúú mílɔ̌b ɨ́ buo buo, le elɛ́ɛ bé Mbɨambɨa Lɔ́ɔ.

Kálara Zyɛ̌m Edwán é mpʉ̌n

¹⁸ Ebe no ó nye a ze bâʼle tɨe be é myʉʉ mɨlɔb é buobuo e, lé elɛɛ be Mbɨambɨa Lɔɔ.

Lʉkas 3:18 Iomraidhean Croise

Lʉkas 3:17

Nyě e pyɛba ɨ́ mebô. Nye ógwámle ébɛhɛɛ lé, lwâl mpúmó. Nye ókomo mílɔ́lá ɨ́ nkuna. Sâ gwár, nyé onʉa mpʉ́n, sʉ ɨ́ siʼe dí adímedime yɨ́.»

Lʉkas 3:19

Nó yé á be náǎ ó, ngóvina Erôd á be ó sí dɛ̌n Erodiâd, myaá tʉ́l wé, di e né. Nye ntémé á be ó sí sâ byúú bísá bí ébébe é buo buo. Jɔʼ yaá yíyɛ̂h, Yʉánɛs á bɨbe ó, lɨ́ elɨlɛ̂ʼle nyé mebébe nyé á be lɨ́ esɨsâ má.

Yʉanes 1:15

Yʉánɛs á si boʼlo dumo e né. Nye á túno ó: “Mʉr mé á lɨ̂lɛɛ bɨ̌n ó nyâ. Nye ó waá dí enze mé píhe nyá. Nye lɨ́ elaa mê, ebě, me dína apǎ byɛ̂l, nye á boo be ó tɨ̂.”

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Yʉanes 1:34

Me á si bana bee nó. Nó ó mé dí eboʼlo ó, mʉr nyâ, nye ó kwahaá Mwân mé Nzyɛ̌m yɨ́.»

Mɨlʉmlʉ 2:40

Pétrus nzě báʼǎ boʼlo bé myúú mílɔ̌b ɨ́ buo buo, le etô le egbâ bé nkul ɨ́ miléme. Nye ó: «Biʼee gá twiʼ. Bɨ̌n a dí e ncɛrá le onzyɛ́h ó bʉ̂r ó myǎ bʉ̂r wɨ̂.»

Mɨlʉmlʉ 20:2

Nó ɨ́ jɔʼ nyé á be lɨ́ entaǎ sí yaá yɨ́, nye á be lɨ́ etô le egbâ bɨ́ɔɔ́ bɨ́ná nkul ɨ́ miléme, ɨ́ buobuo metwɨ́ɨ́ nyé á dwidwe bé má. Píe tɨ̂, nye nzě kǎ tô Grɛ̂s.

Rôm 12:8

Yé bé nye á dwe gua ó, metwɨ́ɨ́ me dí egbâ bʉ̂r nkul ɨ́ miléme má nó, gbáʼ bé nkul nyaá. Yé bé nye á si dwe gua nkul ekab báántéʼenteʼe o bʉ̂r mebi nó, dwéʼ bé mǎ e lémé gô wɨ́wɛ̂h. Yé bé nye á tyêl gua ó, ɨ́ dǐ tyɛ̂b esôʼ nó, léme díʼee go ɨ́ báná báná ó, go séaa syɛ́ɛ́ yaá mbɨ̂mbɨá. Yé bé nye á dwe gua ó, ndwéá écwɨ́a e bʉ́ʉ́ bʉ̂r nó, lɛ́ʼláá bé mpam nyaá e bisʉhʉʉ.