Lʉkas 3:1 - Kálar Nzyɛ̌m : Ejwán é Sáá

¹ Yé á be ó ɨ́ mbû kám e tɛ̂n Kɛ́ɛza Tibɛ́rios á tyɛ̂b njwɨ́ɨ yɨ́. Pɔ́ŋtus Pilátos á be ó ngóvina ɨ́ sí Yʉ́da; Erôd nyɨɛ, ɨ́ sí Galilê. Mɨ́ɔɔ́ wé Philippe á be lɨ́ ejwɨ́ɨ mésí mé Itwirê ndu e Trakónitos. Lisanías nyɨɛ á jwɨ́ɨ ó, sí Abilên.

Kálara Zyɛ̌m Edwán é mpʉ̌n

¹ Yé a be ó é mbu ewʉm e tɛn Kɛɛza Tibɛrios a cyɛb njwɨɨ ɨ. Pɔŋtos Pilat a be ó ngoman é lal Yʉda; Erod Antɨpas nyɛɛ, njwɨɨbʉr é lal Galɨle. Ncyom we, die le Filip, a be ó lé ejwɨʼ mɨlal mɨ Itwire ndwe e Trakonitos. Lisanias nyɛɛ a jwɨɨ ó e lal Abilen.

Lʉkas 3:1 Iomraidhean Croise

Mataos 14:1

Jɔʼ yaá ó ngóvina Erôd á ka nze jóʼo bé lɨ́ elwib, dumo e Yésʉs yɨ́.

Mataos 14:3

Náǎ yé ó, Erôd á be ó sí dɛ̌n Erodiâd, mʉmá me mɨ́ɔɔ́ wé, Philippe. Yʉánɛs nzě lɛ́ɛ e né ó: «Etié, lé akam ó, go bâʼ Erodiâd!» Erôd ntɔ̂ʼ tyen bʉ̂r, ó bé mɛ́rɨɨ Yʉánɛs. Bê nzě kâʼ nyé nkará mebó mé nʉ̌n, gbáŋɔɔ nyé ɨ́ mbʉʼ.

Mataos 14:6

Damá jóʼo nó, ɨ́ jɔ̌ʼ móhó nzɔ́ɔ ebyɛ́l mé Erôd, wé á pyâl yɨ́, eséhé mé Erodiâd, lé ntɔ̂ʼ bwal ɨ́ duo nzɔ́ɔ, Erôd nzě buú kpɛl nzɔ́ɔ nyé á bwal nyɨ́.

Mataos 22:17

Lɛ́yɨ́ɨ́ bɨ́h jwɨʼ yô mpʉ yé dí yɨ́. Nzê metié gá mɨ́ná, mé kam ó, mɨná jánaa gá Kɛ́ɛza tœ́a ɛ̌? Nzê yê mpéné ó, mʉ̌r sá ajána nyé yǎ ɛ̌?»

Mataos 27:2

Jɔʼ bé á be, bé mû sí kâʼ nyé menkara yɨ́, bê nzě tô e né, tó tímlɔɔ nyé Pilátos, á be ngóvina nyá.

Markus 6:17

Náǎ yé ó, Erôd mʉr tɨ̂ʼ ó b'á lómo bʉr ó, bé tôʼ mɛ̂r Yʉánɛs. Bé e káʼ nyé menkara, bé e gbá nyé ɨ́ mbʉʼ. Erôd á sâ nó ó ɨ́ lɔ̌b mé Erodiâd. Erodiâd á nyɛɛ bâ ó, Philippe, mɨ́ɔɔ́ mé Erôd. Erôd nzě dɛn nyé nyǎ, bâ ntémé nye.

Markus 6:21

Nó Erodiâd á nze bee mbɨambɨa jɔʼ dʉ́ó Erôd á tyêl nzɔɔ ebyɛ́l lé yɨ́. Erôd á be ó sí báŋle bʉ̂r onɨ́nɨ́ɨ́ bé, bé le ojwɨ́ɨ o bísója, ndu e minjwɨ́ʼ mí bʉ̂r ó Galilê.

Lʉkas 13:31

Jɔʼ yaá ó bʉ́ʉ́ óFarizyɛ̂n, bé á pyâl gúmó Yésʉs á be yɨ́. Bé e né ó: «Duhaa wâ. Go e tó gúmo swîh, ebě, Erôd, nye lɨ́ edǐ jʉ̂ gô!»

Lʉkas 2:1

Njwɨ́ɨ̌ nɨ́nɨ́ɨ́ Kɛ́ɛza Agûst nzě tyêl bʉ̂r o b'á didi ɨ́ mesí mé bá etié ó, bé tôʼ láŋɔɔ, bɨ́bɛ̂h.

Lʉkas 23:24

Pilátos nzě kam ó, nyě sá ó mpʉ bé á lɛ́ɛ yɨ́.

Lʉkas 3:19

Nó yé á be náǎ ó, ngóvina Erôd á be ó sí dɛ̌n Erodiâd, myaá tʉ́l wé, di e né. Nye ntémé á be ó sí sâ byúú bísá bí ébébe é buo buo. Jɔʼ yaá yíyɛ̂h, Yʉánɛs á bɨbe ó, lɨ́ elɨlɛ̂ʼle nyé mebébe nyé á be lɨ́ esɨsâ má.

Lʉkas 9:7

Ngóvina Erôd á be ɨ́ jóʼǒ lɔ́ɔ bísá bíbyɛ̂h byé á syɛ́ɛ bí. Nye á bé agʉ́ǎ twehle tɨ̂, ebě, bâʼ bʉ̂r, bé á lɨlɛ́ɛ ó: «Yʉánɛs Ndubʉr, nyɨ́ pah!»

Mɨlʉmlʉ 23:26

Yé ó mɛm, Klodíʉs Lisías. Mě cɛmá ó, tî ngóvina Félix. Me lɨ́ esoho gô!

Mɨlʉmlʉ 24:27

Píe mimbú mímbá, Pɔ́rkios Fɛ́stos nzě nʉǎ dǐ mé Félix. Mpʉ̌ ngóvina Félix á be lɨ́ ekpɛl ó, oYúden, bé béyɨɨ nye mbɨ̂mbɨá yɨ́, nó ó, nyé á líʼe Pɔ̂l ɨ́ mbʉʼ.

Mɨlʉmlʉ 26:30

Njwɨ́ɨ, ngóvina, Benîk, ndu e baá bɨ́bɛ̂h, bé le onɔ́ɔ́ bé á be tɨ̂ʼ bá, bê nzě mɔa sí,

Mɨlʉmlʉ 4:27

Mpʉ yaá ntémé ó yé á ka sûʼla yɨ́, ebě, yê tyeetye ó, Erôd bé e Pɔ́ŋtus Pilátos, bé á si syɛŋa ɨ́ nkana yɨ̂, bé e bʉr o bíkûl ti e baá ó bé Ɨ́zraɛ̂l. Bɨ́bɛ̂h, bé á si di bʉm, sáŋɔɔ pɨ̂ʼ ó, bé lwímlá ó e syɛ̂l mesâ gǒ, Yésʉs, mʉr dí ti, waá gó á lœm múló mé jwɨ́ɨ nyá.