Lʉkas 23:7 - Kálar Nzyɛ̌m : Ejwán é Sáá

⁷ Jɔʼ nyé á gʉ́a ó, Yésʉs á duhǒ sí Erôd á be lɨ́ ejwɨ́ɨ yɨ́, nye ntɔ̂ʼ tyen nyé kwá mé Erôd. Erôd ntémé á be ó ɨ́ Yerʉ́zalɛm ɨ́ melû maá.

Kálara Zyɛ̌m Edwán é mpʉ̌n

⁷ É jɔʼ nye a gʉa ó, Yesʉs a duho lal njwɨɨbʉr Erod Antɨpas a jwɨ̀ʼ ɨ, nye ntɔʼ cen Yesʉs boo nye. Erod nteme a be ó, ɨ Yerʉsalɛm é molu maa.

Lʉkas 23:7 Iomraidhean Croise

Mataos 14:1

Jɔʼ yaá ó ngóvina Erôd á ka nze jóʼo bé lɨ́ elwib, dumo e Yésʉs yɨ́.

Mataos 14:3

Náǎ yé ó, Erôd á be ó sí dɛ̌n Erodiâd, mʉmá me mɨ́ɔɔ́ wé, Philippe. Yʉánɛs nzě lɛ́ɛ e né ó: «Etié, lé akam ó, go bâʼ Erodiâd!» Erôd ntɔ̂ʼ tyen bʉ̂r, ó bé mɛ́rɨɨ Yʉánɛs. Bê nzě kâʼ nyé nkará mebó mé nʉ̌n, gbáŋɔɔ nyé ɨ́ mbʉʼ.

Mataos 14:6

Damá jóʼo nó, ɨ́ jɔ̌ʼ móhó nzɔ́ɔ ebyɛ́l mé Erôd, wé á pyâl yɨ́, eséhé mé Erodiâd, lé ntɔ̂ʼ bwal ɨ́ duo nzɔ́ɔ, Erôd nzě buú kpɛl nzɔ́ɔ nyé á bwal nyɨ́.

Markus 6:14

Nó ó ngóvina Erôd á nze jóʼo lɔ́ɔ́ dí edumo e Yésʉs wɨ́, ebě, kûm nyé á be ɨ́ buú myaŋla. Bʉ́ʉ́ bʉ̂r, bé á lɨ̂lɛɛ ó: «Yʉánɛs Ndubʉr, nyɨ́ pah ɨ́ soo. Sâ yaá ó nyé dí esâ mésimá nó yɨ́.»

Lʉkas 13:31

Jɔʼ yaá ó bʉ́ʉ́ óFarizyɛ̂n, bé á pyâl gúmó Yésʉs á be yɨ́. Bé e né ó: «Duhaa wâ. Go e tó gúmo swîh, ebě, Erôd, nye lɨ́ edǐ jʉ̂ gô!»

Lʉkas 23:6

Njóʼá Pilátos á jóʼo milɔ̌b myaá yɨ́, nye nzě dî ó: «Nzê mʉr nyâ, nye ó mʉr Galilê ɛ̌?»

Lʉkas 3:1

Yé á be ó ɨ́ mbû kám e tɛ̂n Kɛ́ɛza Tibɛ́rios á tyɛ̂b njwɨ́ɨ yɨ́. Pɔ́ŋtus Pilátos á be ó ngóvina ɨ́ sí Yʉ́da; Erôd nyɨɛ, ɨ́ sí Galilê. Mɨ́ɔɔ́ wé Philippe á be lɨ́ ejwɨ́ɨ mésí mé Itwirê ndu e Trakónitos. Lisanías nyɨɛ á jwɨ́ɨ ó, sí Abilên.

Lʉkas 9:7

Ngóvina Erôd á be ɨ́ jóʼǒ lɔ́ɔ bísá bíbyɛ̂h byé á syɛ́ɛ bí. Nye á bé agʉ́ǎ twehle tɨ̂, ebě, bâʼ bʉ̂r, bé á lɨlɛ́ɛ ó: «Yʉánɛs Ndubʉr, nyɨ́ pah!»

Mɨlʉmlʉ 4:27

Mpʉ yaá ntémé ó yé á ka sûʼla yɨ́, ebě, yê tyeetye ó, Erôd bé e Pɔ́ŋtus Pilátos, bé á si syɛŋa ɨ́ nkana yɨ̂, bé e bʉr o bíkûl ti e baá ó bé Ɨ́zraɛ̂l. Bɨ́bɛ̂h, bé á si di bʉm, sáŋɔɔ pɨ̂ʼ ó, bé lwímlá ó e syɛ̂l mesâ gǒ, Yésʉs, mʉr dí ti, waá gó á lœm múló mé jwɨ́ɨ nyá.