Lʉkas 23:6 - Kálar Nzyɛ̌m : Ejwán é Sáá

⁶ Njóʼá Pilátos á jóʼo milɔ̌b myaá yɨ́, nye nzě dî ó: «Nzê mʉr nyâ, nye ó mʉr Galilê ɛ̌?»

Kálara Zyɛ̌m Edwán é mpʉ̌n

⁶ Njoʼa Pilat a joʼo mɨlɔb myaa ɛ, nye ze dî ó: «Zê mʉr nwa, nye ó mʉr Galɨle ɛ?»

Lʉkas 23:6 Iomraidhean Croise

Mataos 26:69

Pétrus dína ndîndǐl ɨ́ kʉ̌l lɨ́ ebɛhɛɛ nɛ́ɛ: nyʉ́ʉ́ mʉ́má á séa e njwɨ́ɨ opara nyá, nzě pyâl gúmó nyé á be yɨ́, nzě lɛ́ɛ ó: «Go, go ntémé, go á be ó, bɨ̌n e Yésʉs, mʉr Galilê.»

Lʉkas 13:1

Jɔʼ yaá ó bʉ́ʉ́ bʉ̂r, bé á nze lɛ́ɛ e Yésʉs mpʉ̌ Pilátos á jʉ̂ bʉ́ʉ́ bʉ̂r ó Galilê ɨ́ jɔʼ bé á be lɨ́ edwě Nzyɛ̌m mindwéá yɨ́. Bé ntɔ̂ʼ pûhla métié mɔ́ɔ́ le maá mé ótír bé á pa tíʼe Nzyɛ̌m bá.

Lʉkas 23:5

Bé ntɔ̂ʼ nyémle métwíí ó: «Lɛ́ʼlá nyé dí edwe bɨ́h wɨ́, wé lɨ́ etô le ebyâ bíntʉ̌ mékwár e mékwár mɛ̂h ɨ́ sí Yʉ́da. Nye á taare esâ nó ó ɨ́ sí Galilê. Nye nzě kumǒ gúmó mɨ́ná dí gá yɨ̂.»

Lʉkas 23:7

Jɔʼ nyé á gʉ́a ó, Yésʉs á duhǒ sí Erôd á be lɨ́ ejwɨ́ɨ yɨ́, nye ntɔ̂ʼ tyen nyé kwá mé Erôd. Erôd ntémé á be ó ɨ́ Yerʉ́zalɛm ɨ́ melû maá.

Mɨlʉmlʉ 5:37

Píe tɨ̂, ɨ́ jɔʼ lâŋ bʉr, Yʉ́das, mʉr Galilê, á si gbɔba le ojwɨ́ɨ, bé e bʉr ɨ́ buo buo ɨ́ koo wé píhe. Nye ntémé á si jʉ́ŋɔɔ. Bʉr bɨ́bɛ̂h nyé á dulo bá, bé ntɔ̂ʼ bʉ́la.