Lʉkas 23:2 - Kálar Nzyɛ̌m : Ejwán é Sáá

² Bê nzě táare épurɔɔ nyê. Bé ó: «Bɨ̌h bé á si bee mʉr nyâʼ lɨ́ endámǎ kúl bʉ̂r yɨ́h lɨ́ elɛ̂ʼle yé ó, yé ajala le ejánǎ Kɛ́ɛza tœ́a. Nye á si kʉ lɛ́ɛ ntémé ó, nye ó dí Njwɨ́ɨbʉr, waá Nzyɛ̌m á lœm múló mé jwɨ́ɨ wɨ́.»

Kálara Zyɛ̌m Edwán é mpʉ̌n

² Bé ze taare lé epurɔ nye. Bé ó: «Bɨh bé a si bee mʉr nwaʼ lé enyiŋ kul yih ó, yé kaŋa e Kɛɛza, ebe, nye amɛʼle ó, kul yih, yé ejala le ejɛna tœa mo Kɛɛza. Nye a si kʉ lɛɛ nteme ó, nye ó ndɨ Lœma mulo mo Zyɛm le njwɨɨbʉr.»

Lʉkas 23:2 Iomraidhean Croise

Mataos 17:27

Damá be nó, mɨná bé agwɨ̂m egbâ gá bé ebɔ̌ʼ lé óbɨma bé ɨ́ miléme lɨ́. Nó, tóʼ, tó guho ésyɛb ɨ́ mâŋ. Sû esôʼ gó ójʉ̂ nyá, go e bɛ́ɛ́ nyé num. Go ókœ̌b nzǎŋ mɔnɨ́ tɨ̂. Nzaŋ waá, wé lɨ́ ejala e mɔnɨ́ tœ́a lɨ́ esú é bʉ̂r obá. Go e nʉ́á wê, gó otó jána mɨ́ná bitœ́a e tɨ̂.»

Mataos 22:21

Bé e né ó: «Yé ó bisá mé Kɛ́ɛza.» Nye nzě lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza; bɨ̌n e bwóóló Nzyɛ̌m byaá mé Nzyɛ̌m!»

Mataos 27:11

Nó ó Yésʉs á nze tô ɨ́ mpǒm mé ngóvina. Ngóvina nzě dî e né ó: «Go ó dí njwɨ́ɨ oYúden ɨ́?» Yésʉs nzě yala e né ó: «Yé ó gó dí sí lɛ́ɛ̌ nɨ̌.»

Markus 12:17

Nó ó Yésʉs á nze lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza, le Nzyɛ̌m, bisá mé Nzyɛ̌m.» Nó bé á be ɨ́ buú kâm yalá yé yaá.

Markus 15:2

Nó ó Pilátos á dî e né ó: «Go ó dí njwɨ́ɨ oYúden ɨ́?» Yésʉs nzě yala e né ó: «Yé ó gó dí sí lɛ́ɛ̌ nɨ̌.»

Lʉkas 23:14

Nye ó: «Bɨ̂n nzé mé e mʉr nyâʼ ó, nye lɨ́ ebêhle mínzɨnzɨ mi bʉ̂r ó, myé gbɔ́baa e njwɨ́ɨ. Paá bee gâ: mɨ́ pahle nyé ɨ́ míh mɨ́n, kœb ó, nyé abe e sá ébébe ɨ́ bisá bíbyɛ̂h bɨ́n dí epur nyé e tɨ̂ʼ bí.

Lʉkas 23:5

Bé ntɔ̂ʼ nyémle métwíí ó: «Lɛ́ʼlá nyé dí edwe bɨ́h wɨ́, wé lɨ́ etô le ebyâ bíntʉ̌ mékwár e mékwár mɛ̂h ɨ́ sí Yʉ́da. Nye á taare esâ nó ó ɨ́ sí Galilê. Nye nzě kumǒ gúmó mɨ́ná dí gá yɨ̂.»

Yʉanes 18:29

Sâ yaá ó Pilátos á tô kʉ̌l, tô nko bé á be yɨ́. Nye nzě dî e bé ó: «Bɨ̌n pur mʉ̂r nyâʼ ɨ́ yé ɛ́?»

Yʉanes 18:30

Bé e né ó: «Yé bé nye bé abě bɨ́bla mʉ̂r nó, lɛ́ɛ́, bɨ̌h bé anze e né nko gó dí yɨ́.»

Yʉanes 19:12

Táare ɨ́ jɔʼ yaá, Pilátos nzě sáa ménzɨ̌ mé ébîr Yésʉs. OYúden bɨ́ɛ kʉ́ jaá bɨ̂r métyêl kʉ́kʉ́ ó: «Gó óbáná kʉ́ bîr mʉ̂r nɨ̌ nó, lɛ́ɛ́, gó akǎ be só mé njwɨ́ɨ gá wɨ́ná, Kɛ́ɛza! Mʉr nyɨnyɛ̂h dí elɛ́ɛ ó, nye ó njwɨ́ɨ nyá, nye ó ntɨ̂m e mbɨn mé Kɛ́ɛza.»

Mɨlʉmlʉ 24:13

Nó ntémé ó, bé dí abe e nkul elɛ̂ʼle gó sá bé dí eboʼlo mé e tɨ̂ʼ ɨ́ báánâʼ yɨ́.

Mɨlʉmlʉ 24:5

Bɨ̌h bé á si bee mʉr nyâʼ lɨ́ edulo óleŋéleŋé lɨ́ oYúden bɨ́bɛ̂h dí ɨ́ sí yɨ̂ʼ bá. Nye ntémé, nye ó dí lʉ́ nkɔ́m bʉr ó Nazarɛ̂t.

Rôm 13:7

Jɛ́náá gá bʉr bɨ́bɛ̂h mempʉ́lá bɨ́n dí bé e mé má. Bwámáá gá bitœ́a kwá bʉr o dí ebɛ́ma byé bá. Jwááwáá gá baá o dí ejala e dúu bá. Gúmláá gá baá o dí ejala e kûm bá.