Lʉkas 23:13 - Kálar Nzyɛ̌m : Ejwán é Sáá

¹³ Jɔ̌ʼ Yésʉs á baʼa pyâl kwá mé Pilátos yɨ́, Pilátos nzě syɛŋ ójwɨ́ɨ o mpáh Nzyɛ̌m, le otɔ́má bʉ̂r o b'Ɨ́zraɛ̂l, bé e minzɨnzɨ mi bʉ̂r.

Kálara Zyɛ̌m Edwán é mpʉ̌n

¹³ É jɔʼ Yesʉs a bâʼle pyal boo Pilat ɨ, Pilat ze syɛŋ ojwɨɨ be opara bé e l'otamabʉr o lal, ndwe e mɨzɨze mɨ bʉr.

Lʉkas 23:13 Iomraidhean Croise

Markus 15:14

Pilátos ntɔ̂ʼ dî e bé ó: «Nye sá yáǎ sá ébébe?» Bé ntɔ̂ʼ báʼǎ kʉ́ bʉ́ŋɔɔ bítím kʉ́kʉ́, lɛ́ɔɔ ó: «Tyelɨɨ nyé ɨ́ kolôs kʉ́!»

Lʉkas 23:35

Bʉ́ʉ́ bʉ̂r ó sí yaá, bé á be ɨ́ tyɛ̂b tɨ̂ʼ ɨ́ gúmo yaá, lɨ́ edwɛ́ʼɔɔ. Otɔ́má ó bʉ̂r, bê nzě pya nyê. Bé ó: «Nye á si tiʼ bʉr oswîh. Nye káa tiʼ nyé mʉr tɨ̂, yé bé nye ó dí Mʉ̌r Nzyɛ̌m á lœm múló mé jwɨ́ɨ, waá Nzyɛ̌m á pɛ̂h nyá nó!»

Lʉkas 24:20

Bɨ̌h bɨɛ á jwɨʼ ó, nye ó b'á duho kwá mé Nzyɛ̌m, ó nye ónzě táǎ góo, le edwǐh sí gá yɨ́ná Ɨ́zraɛ̂l ɨ́ mpila ébébe. Tó kœb ó, ojwɨ́ɨ o mpáh Nzyɛ̌m gá wɨ́ná, le ojwɨ́ɨ́ ó sí gá yɨ́ná, bé á si bɛ́ma nye, le esâ ó, bé dwêʼ nye mebě me jálá le eswie má. Nó ó bé á bomlo nye ɨ́ kolôs kʉ́ yɨ́. Ntémé, gúú lɔ̌b swîh, wé ó wɨ̂: gbaa yé á syɛ́ɛ nó, elú élɛ̂l ó dí kʉ́ lɨ̂.

Yʉanes 12:42

Damá jóʼo nó, myúú mílʉ́ mí óYúden ɨ́ buo buo, myé á be ó lɨ́ edyɛ̂ʼwo e Yésʉs. Sâ gwár, bé á bé alɛ́ɛ bʉ̂r nó. Bé á be lɨ́ ekpɛ́ɛ óFarizyɛ̂n, ebě, bé ámû soŋɔɔ ɨ́ mpáh minjɨʼla nyɔ́ɔ́.

Yʉanes 18:38

Pilátos nzě dî e né ó: «Otyeetye wɨ́ɛ, wé pʉgʉ́ be yé?» Mpʉ̌ Pilátos á sil elwib nó yɨ́, nye nzě báʼǎ tô kʉ̌l, tô nko óYúden, bé á be yɨ́. Nye ó: «Ɨ́ wâm pâʼ, mé abee nyé e mebě ó, nye ɨ́ jala le edwe.

Yʉanes 19:4

Pilátos nzě báʼǎ tô kʉ̌l. Nye le entumo e bʉ̂r ó: «Jóʼláá gâ: mě nzé bɨ́n e mʉr nyâʼ kâʼ kʉ̌l ó, bɨ̌n gʉ́ŋaa ó, mɛm, mé abee ó, nyě e mebě ó, nye ɨ́ jala le edwe.»

Yʉanes 3:1

Nyʉ́ʉ́ mʉ̂r á be e díe ó, Nikodɛ́mos. Nye á be ó ɨ́ sɔ́má óFarizyɛ̂n. Nye ntémé ɨ́ bʉm nɨ́nɨ́ɨ́ dí ejwɨ́ɨ óYúden yɨ́.

Yʉanes 7:26

Beyɨɨ gá, nye lɨ́ ebánǎ lwib témé bʉr ɨ́ kpɛŋlɛm! Bé abá lɛ́ɛ nyé sɔ̂ʼ. Nzê minjwɨ́ɨbʉr gá míná, mí gʉ́ǎ tyeetye ó, nye ó dí Mʉ̌r Nzyɛ̌m á lœm múló mé jwɨ́ɨ nyá ɛ́?

Yʉanes 7:48

Nzê gúú njwɨ́ʼ mʉ̂r, nkʉ̂ nyʉ́ʉ́ Farizyɛ̂n, nyɨ́ pǎ dyêʼ nyé koo?

Mɨlʉmlʉ 13:27

Bʉr ó Yerʉ́zalɛm le ojwɨ́ɨ bɔ́ɔ́, bé á be ɨ́ jéʼě mbi mʉ̂r Yésʉs á be wɨ́. Bɨ́ɛ yɨ́ɛ lɨ́ eláa mékaná mé ógwíha o mílɔ̌b lɨ́ osábat bɨ́bɛ̂h, bé á bé ajóʼǒ lɛ́á mékaná maá. Ɨ́ jɔʼ bé á tíʼe Yésʉs lɔ̌b wé yɨ́, syɛ́ɛla yaá, yé ó b'á ka sâ ó, mekǎn mé ógwíha o mílɔ̌b mé Nzyɛ̌m, mé díraa.

Mɨlʉmlʉ 3:17

«Bɨ́ɔɔ́ bâm! Okɛ́l bâm! Me lɨ́ egʉ́a ó, táare e bɨ̌n, kumo le ojwɨ́ɨ bɨ́n, bɨ̌n bé á gʉʼla ó, gʉʼláa ɨ́ lɔ̌b mé Yésʉs.

Mɨlʉmlʉ 4:5

Ɨ́ mɛ́n tɨ̂, ojwɨ́ɨ, le otɔ́má bʉ̂r, le olɛ̂ʼla o métié nzě swâl Yerʉ́zalɛm.

Mɨlʉmlʉ 4:8

Nó, Pétrus, lwɨ́ŋlá e Sísǐm mé Nzyɛ̌m, á lɛ́ɛ e bé ó: «Minjwɨ́ɨbʉr le otɔ́má bʉ̂r!