Lʉkas 22:8 - Kálar Nzyɛ̌m : Ejwán é Sáá

⁸ Yésʉs nzě lómǒ Pétrus, bé e Yʉánɛs. Nye ó: «Tó jâm gá mɨná mede mé Páska mɨ́ná ngá de gá má.»

Kálara Zyɛ̌m Edwán é mpʉ̌n

⁸ Yesʉs ze lomo Pyɛr bé e Yʉanes. Nye ó: «Toʼ, to komlo bɨna ga mode mo Paska bɨna bé óde ga ɛ.»

Lʉkas 22:8 Iomraidhean Croise

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Lʉkas 1:6

Bɨ́bɛ̂h obá, bé á be ó otîtyěl o bʉ̂r ɨ́ míh mé Nzyɛ̌m, lɨ́ ebaʼle métié ndu e mempéné mé Nzyɛ̌m. Kʉ̌ tyen wɔ́ɔ́, abɨm ébɔ̌ʼ.

Lʉkas 22:9

Nó ó bé á nze dî e né ó: «Gǒ kpɛl ó, bɨ̌h tô komlo méde maá wó ɛ́?»

Mɨlʉmlʉ 3:1

Ɨ́ yʉ́ʉ́ bíí kʉ̌ʼ ɨ́ mewala melɛ̂l, Pétrus, bé e Yʉánɛs nzě tô mpáh Nzyɛ̌m, lɨ́ etó sâ mínjɨʼla.

Mɨlʉmlʉ 3:11

Mpʉ mʉ̂r nɨ̌ á mɛ̂r Pétrus, bé e Yʉánɛs e mebô yɨ́, bʉr bɨ́bɛ̂h nzě tóŋɔɔ míkám nko bé á be yɨ́, jéhɔɔ̌ lɔ̌b waá minum mimběʼ. Bé á be ó, ɨ́ gwal mé Salomɔ̂ŋ dí dóló mpáh Nzyɛ̌m yɨ́.

Mɨlʉmlʉ 3:3

Nó ó mbeá nyé á bee Pétrus, bé e Yʉánɛs lɨ́ edǐ nî tɨ̂ʼ yɨ́, nye nzě dî e bé ó, bé dwêʼ nye mɔnɨ́.

Mɨlʉmlʉ 4:13

Bʉr ó bʉm ntɔ̂ʼ kâm lɨ́ ebeě mpʉ̌ Pétrus, bé e Yʉánɛs, bé á lwib ɨ́ kpɛŋlɛm, abáawǒ sɔ̂ʼ yɨ́. Bé á be lɨ́ ekâm ntémé mpʉ bé á lwilwib lɨ́ otîtyěl, bɨ́ɛ yɨ́ɛ abe bʉ̂r o b'á sâ sʉkʉ́lʉ bá yɨ́. Bê nzě kǎ dweʼe ó, bé á kʉ be ó, bʉr ó sɔ́má mé Yésʉs.

Mɨlʉmlʉ 4:19

Pétrus, bé e Yʉánɛs bɨ́ɛ nzě yala e bé ó: «Bɨ̌n bʉr o tɨ̂, tíʼáá gá lɔ̌b wɨ̂: nkʉ̂ yé ɨ́ mbɨa ɨ́ míh mé Nzyɛ̌m ó, bɨ̌h jáa jóʼo bɨ́n, asâ nyɨ́ɛ mejóʼo.

Mɨlʉmlʉ 8:14

Bʉr o mílʉ́mlʉ́ bé á be ɨ́ Yerʉ́zalɛm bá, bé ntɔ̂ʼ jóʼǒ lɔ́ɔ ó, bʉr ó Samarî, bé á si bûʼla lɔ́ɔ́ mé Nzyɛ̌m. Bê nzě lómlo bé Pétrus, bé e Yʉánɛs.

Galásia 2:9

Jacques, bé e Kefâs, ndu e Yʉánɛs, bé ó b'á bu nyɨ̂n ɨ́ mîh ó, bé ó dí «medwii me sɔ́ŋ» ɨ́ Mbɛ̌r-Nzyɛ̌m. Bé á si gʉ́a lɨ́ otyeetye ó, Nzyɛ̌m á si lɛ̂ʼle me mpam nyé. Bé ntɔ̂ʼ bára e bɨ̌h e Banabâs, lɨ́ elɛ̂ʼle ó, bɨ̌h á kʉ be ó, ɨ́ mpúhlá miléme, bɨ̌h le onɔ́ɔ́. Bɨ̌h ntɔ̂ʼ di twíí ó, bɨ̌h bé ótô kwá bʉr o dí abe óYúden bá. Bɨ́ɛ, bé ótô kwá oYúden.