Lʉkas 22:52 - Kálar Nzyɛ̌m : Ejwán é Sáá

⁵² Yésʉs ntɔ̂ʼ lɛ́ɛ ójwɨ́ɨ o mpáh Nzyɛ̌m, le ojwɨ́ɨ bé ódwéela o tɨ̂, le otɔ́má bʉ̂r o b'Ɨ́zraɛ̂l, bé á mɛ̂r nye bá ó: «Bɨ̂n nzé le opasoŋ le mimbɨ́ŋ ó, nzê bɨ̂n jóʼó ó, me ó nzilngǎn ɛ́?

Kálara Zyɛ̌m Edwán é mpʉ̌n

⁵² Yesʉs ntɔʼ lɛɛ ojwɨɨ be opara bé e l'ojwɨɨ o bɨpulʉm bɨ Mpah Zyɛm, ndwe e l'otamabʉr o lal bé a ze lé eze mɛr nye ó: «Bɨn bé si jeʼe esa, lé eze mɛrɔ me e mɨfòŋ e mɨmbɨŋ é mobo. Yé ó mpʉ bé lé emɛr-mɛr bɨzilngan ɨ.

Lʉkas 22:52 Iomraidhean Croise

Mataos 26:47

Yésʉs dína lɨ́ elwib nó nɛ́ɛ: Yʉ́das nzě pyâl le entumo e bʉ̂r. (Yʉ́das á be ó mʉr ngwár lɨ́ ompʉ́n kám le obá mé Yésʉs.) Bʉr o b'á nze bá, bé á nze ó, bâʼ, le opasoŋ; bʉ́ʉ́, e mimbɨ́ŋ. Ojwɨ́ɨ o mpáh Nzyɛ̌m le otɔ́má bʉ̂r o b'Ɨ́zraɛ̂l ó b'á lómo bê.

Mataos 26:55

Jɔʼ yaá ó Yésʉs á nze lɛ́ɛ le sɔ́má bʉ̂r yaá ó: «Bɨ́n pa nze mɛ́r mé le opasoŋ le mimbɨ́ŋ nó, nzê bɨ̂n jóʼó ó, me ó nzilngǎn? Me á bɨbe ó, dʉ́ó lɨ́lɛ̂h ndîndǐl tʉ́ŋlʉ̌ mpáh Nzyɛ̌m, lɨ́ elɛ̂ʼle bʉ̂r. Bɨ̌n bé á bé amɛ̂r mê.

Lʉkas 22:37

Ebě, mě lɛ́ɛ́ bɨ́n ó: sá bé á cɛma ɨ́ páʼ wâm yɨ́, yé ɨ́ jala le esyɛ́ɛ. Yê cɛmá ɨ́ Mekaná mé Nzyɛ̌m ó: “Nye á si láŋɔɔ ɨ́ sɔ́má bʉ̂r o b'á gbɔba e Nzyɛ̌m bá.” Milɔ̌b bé á tile ɨ́ páʼ wâm mí, myé ódira.»

Lʉkas 22:4

Yʉ́das ntɔ̂ʼ tô, tó bee ójwɨ́ɨ o mpáh Nzyɛ̌m, le ojwɨ́ɨ bé ódwéela o mpáh Nzyɛ̌m. Bé e boo nɔ́ɔ́ nzě tó sáa pɨ̂ʼ ɨ́ lɔ̌b wé ó, nye bɛ́maa bé Yésʉs.

Lʉkas 22:51

Yésʉs ntɔ̂ʼ lɛ́ɛ ó: «Tyélɨ́ɨ́ gá duʼó. Yé díʼee bím nɨ̌.» Nye ntɔ̂ʼ mɛ̂r égwǎl e mʉ̂r waá, lé ntɔ̂ʼ sâ mbɨ̂mbɨá.

Lʉkas 22:53

Me á bɨbe dʉ́ó lɨ́lɛ̂h ó, témé sɔ́má yɨ́n ɨ́ mpáh Nzyɛ̌m, bɨ̌n l'akɛl mé mbô ɨ́ nyʉ̂l. Nó bɨ̌n ka mɛ́r mé ɨ́ báánâʼ ó, ebě, lɨ̂ʼ éwala mû ó laá lɨ́n e laá mpóʼo mé Sátan.»

Yʉanes 17:12

Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Mɨlʉmlʉ 5:26

Njwɨ́ɨ odwéela ó mpáh Nzyɛ̌m, bé e bisója byé, bé ntɔ̂ʼ tô, tó búla e bʉr o mílʉ́mlʉ́ mé Yésʉs baá. Sâ gwár, bé á bé atíne bé e nkul, ebě, bé á be lɨ́ ekpɛ́ɛ ó, bʉr, bé ámû lúmo bé mekóʼ.